Morgunblaðið - 19.03.2008, Side 46

46 MIÐVIKUDAGUR 19. MARS 2008 MORGUNBLAÐIÐ
Iceland on the Edge er yf-irskrift hátíðar sem íslenskstjórnvöld standa fyrir í
Brussel frá febrúar og fram í júní.
Tilgangurinn er ekki sá að vekja
athygli á stöðu íslensks fjár-
málamarkaðar, eins og ráða mætti
af merkimiðanum, heldur öðrum
verðmætum, nefnilega þeim sem
felast í listalífi þjóðarinnar.
Mikið er í lagt.
Markmiðið er að efla ímynd Ís-
lands á alþjóðavettvangi og hefur
verkefnið verið í undirbúningi í tvö
ár. Straumur íslenskra listamanna
liggur til Brussel og markaðs-
herferðin hófst fyrir ári, auglýst er
í sjónvarpi, ráðist er í „plakata-
herferðir“ og „auglýsingar í öllum
helstu miðlum Belgíu“.
  
Sú spurning vaknar hvort hátíðirsem þessar séu besta leiðin til
að kynna Ísland eða íslenska menn-
ingu. Félli það til dæmis í kramið
hjá Íslendingum að sækja sambæri-
lega hátíð hér á landi, til dæmis
„Lúxemborg on the Edge“ eða
„Færeyjar on the Edge“?
Stjórnvöld eru auðvitað með-
vituð um að reyna að nýta sem best
það fjármagn, sem sótt er í vasa
skattborgaranna. Og kannski er
það þess vegna sem á að afgreiða á
einu vörubretti kynningu á helstu
listamönnum þjóðarinnar.
En hvers vegna skyldi Brussel
verða fyrir valinu?
Ekki er laust við að sá grunur
læðist að manni, að íslenskir emb-
ættismenn séu fyrst og fremst að
búa til vettvang til að komast í
kynni við aðra embættismenn í
þessari höfuðborg skrifræðisins.
Og sjálfsagt er mikilvægt að
embættismenn hafi vettvang til
þess að kynnast öðrum embætt-
ismönnum, en spyrja má hvort
draga eigi íslenska listamenn á það
stefnumót eða hvort eðlilegra væri
að leyfa þeim sjálfum að velja
áfangastað – og félagsskap.
Blasir ekki við að ef ætlunin er
að kynna íslenska listamenn er-
lendis, þá sé æskilegt að það gerist
á þeirra eigin forsendum? Eft-
irspurnin komi að minnsta kosti að
utan, en sé ekki búin til af Íslend-
ingum sjálfum.
  
Og lykilforsendan er sú að lista-mennirnir hafi eitthvað að
kynna. Það þarf að gera þeim
kleift að stunda list sína hér heima
og búa þeim skilyrði til að skapa.
Þar væri opinberum fjármunum
best varið. Ef eitthvað er í það
spunnið, þá fær það hljómgrunn,
jafnt heima sem erlendis. Það leit-
ar sér farvegar. Þar skiptir tíma-
setningin lykilmáli, að þeir séu til-
búnir með nýtt sköpunarverk, sem
þeir vilja koma á framfæri, og að
þeir velji sér vettvanginn sjálfir –
og merkimiðann.
„Lúxemborg on the Edge“
» Sú spurning vaknarhvort hátíðir sem
þessar séu besta leiðin
til að kynna Ísland eða
íslenska menningu.
pebl@mbl.is
AF LISTUM
Pétur Blöndal