Morgunblaðið - 16.04.2008, Blaðsíða 2

2 MIÐVIKUDAGUR 16. APRÍL 2008 MORGUNBLAÐIÐ
FRÉTTIR
Morgunblaðið Hádegismóum 2, 110 Reykjavík. Sími 5691100 Fréttir frett@mbl.is Fréttastjórar Ágúst Ingi Jónsson, aðstoðarfréttaritstjóri, aij@mbl.is Sigtryggur Sigtryggsson, aðstoðarfréttaritstjóri, sisi@mbl.is Viðskipti vidsk@mbl.is Björn Jóhann
Björnsson, fréttastjóri, bjb@mbl.is Daglegt líf Anna Sigríður Einarsdóttir, annaei@mbl.is Menning menning@mbl.is Fríða Björk Ingvarsdóttir, ritstjórnarfulltrúi, fbi@mbl.is Umræðan | Bréf til blaðsins Guðlaug Sigurðardóttir, ritstjórnarfulltrúi,
gudlaug@mbl.is Minningar minning@mbl.is, Stefán Ólafsson, Arnór Ragnarsson Íþróttir sport@mbl.is Sigmundur Ó. Steinarsson, fréttastjóri, sos@mbl.is Útvarp | Sjónvarp Sigurlaug Jakobsdóttir, dagskra@mbl.is mbl.is netfrett@mbl.is Guðmundur
Sv. Hermannsson fréttastjóri gummi@mbl.is
FJÁRMÁLARÁÐUNEYTIÐ gerir í endurskoð-
aðri þjóðhagsspá aðeins ráð fyrir nýjum stóriðju-
framkvæmdum í Helguvík þar sem Norðurál er að
undirbúa að byggja nýtt álver.
Margvíslegar stóriðjuframkvæmdir aðrar eru
hins vegar til skoðunar og auk Helguvíkurálvers-
ins er fjallað um hugsanlegt álver á Bakka við
Húsavík, stækkun álversins í Straumsvík og tvær
hreinkísilverksmiðjur í Þorlákshöfn.
Í fráviksspá ráðuneytisins er fjallað um hugs-
anleg áhrif þess að áðurnefndar framkvæmdir
kæmu til á spátímanum, en það myndi óhjákvæmi-
lega breyta forsendum spárinnar.
Segir í skýrslu fjármálaráðuneytisins, að verði
allar þessar framkvæmdir að veruleika myndi það
auka umsvif í efnahagslífinu umtalsvert sem gæti
reynt á þanþol þess. Hafa beri þó í huga, að um sé
að ræða langan framkvæmdatíma og að spáð sé
frekar litlum hagvexti og auknu atvinnuleysi á
komandi árum. Sú staða ætti að öðru jöfnu að gera
það auðveldara viðfangs að takast á við slík verk-
efni en ella. Þá muni áhrifin dreifast á nokkur at-
vinnusvæði og jafnframt sé viðbúið að hluti er-
lends kostnaðar vegna framkvæmdanna verði
umtalsverður.
Stuðla að styrkingu krónunnar
Gert er ráð fyrir að Seðlabankinn myndi mæta
fyrirhuguðum framkvæmdum með hærri stýri-
vöxtum til þess að draga úr auknum þrýstingi á
verðlag og lækkun stýrivaxtarferilsins yrði því
ekki eins mikil eins og gert er ráð fyrir í grunn-
spánni. Einnig er viðbúið að framkvæmdirnar
myndu stuðla að styrkingu krónunnar. Í fráviks-
spánni er gert ráð fyrir því að gengisvísitalan
verði um 120 stig að jafnaði út framkvæmdatím-
ann. Á næstu átta árum myndu framkvæmdirnar
hafa í för með sér hóflega hagvaxtaraukningu, um
0,5-1,5 prósentustig á ári. Á fyrri hluta tímabilsins
myndi aukin atvinnuvegafjárfesting drífa hag-
vöxtinn, en á seinni hluta tímabilsins kæmi til mik-
ill vöxtur í útflutningi þegar samdráttur yrði í fjár-
festingu eftir að mesti þungi framkvæmdanna
verði um garð genginn.
Fjármálaráðuneytið segir, að ekki sé á þessu
stigi ljóst hvort heimildir Íslands til losunar gróð-
urhúsalofttegunda muni rúma þau áform um
aukna álframleiðslu sem eru á teikniborðinu. Tak-
markanir, sem leiða af Kyoto-bókuninni, gildi fyr-
ir tímabilið 2008-2012 að meðaltali og áformin
rúmist innan þeirra. Hins vegar sé á þessu stigi
ekki ljóst hvað tekur við eftir 2012.
Þó verði að reikna með því að alþjóðasamfélagið
komist að niðurstöðu um að draga enn frekar úr
losun gróðurhúsalofttegunda en gert var með
Kyoto-bókuninni. Segir ráðuneytið að verði af því
að svo kölluð geiranálgun verði að raunveruleika,
eins og rætt hafi verið um, gæti það gert íslensk-
um fyrirtækjum mögulegt að auka framleiðslu,
með samvinnuverkefnum við fyrirtæki í sama
geira, sem nota framleiðslutækni sem fylgir meiri
losun gróðurhúsalofttegunda en hér yrði notuð.
Þá sé ekki útilokað að hagkvæmt gæti reynst að
reka álver á Íslandi, þótt kaupa þyrfti til þess los-
unarheimildir á markaði.
Ný og stærri iðjuver gætu
reynt á þanþol efnahagslífsins
Framkvæmdirnar hefðu í
för með sér hóflega hag-
vaxtaraukningu á 8 árum
TEKJUR vegna auglýsinga í kring-
um barnaefni á RÚV eru hverfandi
og skipta RÚV litlu máli í tekjulegu
tilliti. Þetta segir Páll Magnússon
útvarpsstjóri. Aðspurður segir hann
tekjur vegna slíkra auglýsinga langt
innan við 5% af
heildar-
auglýsinga-
tekjum RÚV.
Spurður hvort
til greina komi að
taka fyrir auglýs-
ingar í kringum
barnaefni hjá
RÚV segir Páll
það ekki óhugs-
andi, en bendir á
að forsvarsmenn RÚV muni ekki
sjálfir hafa frumkvæði að slíku.
Ekki einhliða ákvörðun
„Við færum ekki einhliða að taka
ákvörðun um það að hætta með
þessar auglýsingar, enda myndi
slíkt vera afar tvíbent. Hins vegar
tökum við glaðir þátt í því að und-
irgangast einhverjar reglur sem að
þessu lytu eða semja um það að
menn hætti þessu,“ segir Páll. Vísar
hann þar til þess að hefði t.d. um-
boðsmaður barna frumkvæði að því
að fá fulltrúa allra sjónvarpsstöðv-
anna að samningaborðinu til þess að
semja um fyrirkomulag eða bann
við auglýsingum í tengslum við
barnaefni þá myndi RÚV taka þátt í
því, enda slíkt bann RÚV að meina-
lausu, að sögn Páls. „Kannski væri
hreinlegast ef þetta yrði bara bann-
að. Þá verða menn reyndar að svara
þeirri spurningu hvort þeir vilji í
leiðinni banna að verið sé að halda
hollustu að börnum. Ef einhver sæi
sér hag í því að auglýsa gagnvart
börnum holla hreyfingu og hollt
mataræði, á þá að banna það allt í
leiðinni?“ spyr Páll.
Ekki tekjur
sem skipta
miklu máli
Páll Magnússon
„VIÐ VORUM að ræða málin og
langaði að gera eitthvað í sumar,“
segir Bjartmar Sigurðsson, spurð-
ur hvernig frækinn hópur Vest-
mannaeyinga fékk þá hugmynd að
fara hringinn kringum landið á
tveimur flatbotna gúmmíbátum.
„Okkur langaði að gera svo margt
og sjá svo marga staði að á end-
anum vorum við komin hringinn
kringum landið í huganum.“
Fyrr en varði voru félagarnir
farnir að undirbúa siglingu kring-
um landið. Þeir ákváðu að láta um
leið gott af sér leiða, en ferðin
verður nýtt til að vekja athygli út
um allt land á Krafti, stuðnings-
félagi ungs fólks með krabbamein.
Úr höfn á þjóðhátíðardaginn
Lagt verður af stað frá Reykja-
vík 17. júní og lýkur hringferðinni
á goslokahátíð í Vestmannaeyjum
4. júlí þar sem ferðalangarnir fá ef-
laust konunglegar móttökur.
Bjartmar reiknar með að hring-
ferðin verði mikil þrekraun.
„Við áætlum að sigla frá 4 til 10
tíma á dag, eftir veðri. Þó er erfitt
að segja vel til um framvindu ferð-
arinnar, enda geta aðstæður breyst
á augabragði,“ segir Bjartmar, en
aðstoðarfólk mun fylgja hópnum
eftir í landi á bíl.
Gúmmíbátarnir sem notaðir
verða eru stórir og búnir öllum
nauðsynlegum siglinga- og örygg-
istækjum, og hefur ferðin verið
skipulögð í góðu samstarfi við
björgunarsveitir hringinn í kring-
um landið.
Þess má geta að þetta er ekki
fyrsta hringferðin af þessu tagi, en
Bjartmar segir hóp galvaskra
Eyjapeyja hafa siglt sömu leið árið
1972.
Heimasíða ferðalanganna er
krafturkringumiceland.com og er
þar hægt að styrkja framtakið.
Umhverfis
landið á
slöngubát
Morgunblaðið/Golli
Hópur Vestmannaeyinga leggur í svaðilför til styrktar Krafti
Kempur Daníel Reynisson, formaður Krafts, Friðrik Stefánsson, Bjartmar Sigurðsson og Hilmar Kristjánsson.
ALCAN á Íslandi, sem rekur ál-
verið í Straumsvík, hefur und-
irritað samning við Nesskip hf.
og móðurfélag þess, Wilson Euro
Carriers, um sjóflutninga fyrir
Alcan á Íslandi. Samningurinn er
gerður að undangengnu útboði
en Eimskip hefur verið með þessa
flutninga til þessa. Gildistími
samningsins er frá 1. júlí næst-
komandi til 30. júní árið 2011,
með möguleika á framlengingu
eftir þann tíma. Tvö systurskip
frá Wilson verða eingöngu í þess-
um flutningum fyrir Alcan og
munu sigla milli Straumsvíkur og
Rotterdam.
Hefur langa reynslu
Að sögn Sigurðar Þórs Ásgeirs-
sonar, framkvæmdastjóra fjár-
mála og flutninga hjá Alcan á Ís-
landi, er umtalsverður ávinningur
að þessum samningi. Útboðið fór
fram í desember sl. og reyndust
Nesskip og Wilson Euro Carriers
vera með hagkvæmasta tilboðið.
Verða skipin eingöngu í þjónustu
fyrir Alcan og segir Sigurður á
vef Alcan að með þeim hætti
standist tímaáætlanir betur og af-
hendingaröryggi muni aukast.
Nesskip eru að stærstum hluta
í eigu Wilson Euro Carriers í
Noregi, sem rekur 117 skip. Að
sögn Garðars Jóhannssonar,
framkvæmdastjóra Nesskipa, er
Wilson með 16 ný flutningaskip í
smíðum sem koma munu inn í
reksturinn á árunum 2009 til
2012. Bendir Garðar á að Nesskip
og Wilson hafi langa reynslu af
flutningum fyrir stóriðju og ál-
ver.
Nesskip flytja
fyrir Alcan
Eftir Skapta Hallgrímsson
skapti@mbl.is
„GETA foreldrar komið og borðað
hádegismat með börnum sínum í
grunnskólanum og leikskólanum?“
Þetta var ein þeirra spurninga sem
varpað var fram á Lýðræðisdegi Ak-
ureyringa, sem bæjaryfirvöld stóðu
fyrir um síðustu helgi og bæjarstjór-
anum líst vel á.
Meðal þess sem bar á góma í mál-
stofu um fjölskylduvænt samfélag
var tíminn sem fjölskyldan er saman.
Skortur á þeim tíma, öllu heldur.
„Það er ótrúlegt, en samvera
barna og foreldra vill gleymast í lífs-
gæðakapphlaupinu,“ sagði Jan Eric
Jessen menntaskólanemi sem hafði
framsögu í málstofunni. Hann benti á
að 40% þeirra barna á Akureyri sem
eru á leikskóla dvelja þar 8 klukku-
stundir á dag eða lengur.
Þegar málið var rætt varpaði einn
gesta málstofunnar, Jón Már Héð-
insson, skólameistari Menntaskólans
á Akureyri, fram spurningunni sem
nefnd var í upphafi. Hann sagði fólk
oft þreytt þegar heim er komið að
loknum vinnudegi, bæði fullorðna og
börn, og því gæti það verið dýrmætur
möguleiki að borða saman í hádeg-
inu.
„Þetta er mjög flott hugmynd og
ætti ekki að þurfa að vera erfið í út-
færslu,“ sagði Sigrún Björk Jakobs-
dóttir, bæjarstjóri á Akureyri, við
Morgunblaðið. Hún segir marga
kaupa sér máltíð í hádeginu hvort
sem er, á vinnustað eða veitingahúsi.
„Það er kannski helst að það þætti
erfitt vegna samkeppni við veit-
ingastaði, en ef þetta er hugsað á
þessum nótum finnst mér sjálfsagt að
skoða hugmyndina.“ Hún nefndi að í
bæjarkerfinu hefði einmitt verið
kastað fram ámóta hugmynd varð-
andi nýjan Naustaskóla, hvort þar
væri t.d. ekki hægt að taka á móti for-
eldrum og fólki af elliheimilinu í mat.
Pabbi og mamma í hádegismat?
 Möguleg leið til þess að auka samveru foreldra og barna er að þau borði sam-
an hádegismat í skólanum  Flott hugmynd, segir bæjarstjórinn á Akureyri
Morgunblaðið/Skapti Hallgrímsson
Gestir í mat Börnunum í Hrafna-
gilsskóla fannst gaman að borða
með Dorritt Moussaieff í vetur.
 Íþróttafélögin | 16
♦♦♦