Morgunblaðið - 16.04.2008, Blaðsíða 21

BORGIR sem sækj-
ast eftir að halda Ól-
ympíuleika gera það
fyrst og fremst til að
komast í kastljós fjöl-
miðla um allan heim.
Kynningin er tugmillj-
arða króna virði. Leik-
arnir fá meira að segja
nafn viðkomandi borg-
ar. Núna er það Beij-
ing 2008.
Íslenskir fjölmiðlar
fá einstakt tækifæri í
sumar til að sýna sam-
stöðu með Tíbet gegn yfirgangi
Kínverja. Í umfjöllun um Ólympíu-
leikana geta þeir einfaldlega sleppt
því að fjalla um annað en sjálfa
íþróttakeppnina.
Fjölmiðlar þurfa ekki að end-
urvarpa skrautsýningum Kínverja
á Ólympíuleikunum, segja frá Beij-
ing eða sýna kínverska ferða-
mannastaði. Þeir geta látið sér
nægja að segja frá íþróttakeppninni
sjálfri, enda hefur landkynning
Kínverja ekkert með hana að gera.
Þannig geta fjölmiðlar gert það
sem stjórnvöld treysta sér ekki til
að gera, látið Kínverja finna fyrir
andúð fólks á óhæfuverkunum í
Tíbet.
Ekki væri verra ef þessar að-
gerðir smituðust til fjölmiðla í fleiri
löndum. Kínverjum þætti miður ef
fjölmiðlar mundu slökkva á kast-
ljósum sínum.
Aðgerðir af þessu tagi eru reynd-
ar ekki óþekktar í fjölmiðlum. Sum-
ir þeirra sleppa því að geta um
heiti á íþróttamótum sem eru
kennd við fyrirtæki
sem styrkja þau. Ef
íþróttamót kallast t.d.
„Nafnfyrirtækis-
deildin í íshokkí“ þá
notast sumir fjöl-
miðlar frekar við hið
formlega nafn, og
segja „Meist-
aradeildin í íshokkí“
eða eitthvað í þeim
dúr. Afstaða fjölmið-
ilsins til nafngift-
arinnar ræðst vænt-
anlega af því hvort
hann vill láta styrk-
araðila viðkomandi íþróttamóts
njóta þess í fréttaflutningi eða ekki.
Á sama hátt geta íslenskir fjöl-
miðlar nú ráðið því hvort þeir ætla
að leyfa Kínverjum að spegla sig í
ljómanum af Ólympíuleikunum á
sama tíma og þeir vaða á skítugum
skónum yfir Tíbet.
Valið stendur um að fjalla um
Beijing 2008 eða Ólympíuleikana
2008.
Kínverjum þætti miður ef fjöl-
miðlar mundu slökkva á kast-
ljósum sínum segir Ólafur
Hauksson
» Fjölmiðlar geta
sleppt því að fjalla
um Kína þótt þeir fjalli
um Ólympíuleikana og
þannig endurspeglað
andúð fólks á óhæfu-
verkunum í Tíbet.
Ólafur Hauksson
Höfundur er ráðgjafi
í almannatengslum.
Þannig geta fjölmiðlar
sýnt samstöðu með Tíbet
MORGUNBLAÐIÐ MIÐVIKUDAGUR 16. APRÍL 2008 21
ALÞJÓÐLEGUR dagur leiklistar
var haldinn hátíðlegur nýlega, 27.
mars, og hefur verið svo allar götur
síðan 1962, í 46 ár, segir í Morgun-
blaðinu þann dag í ávarpi Bene-
dikts Erlingssonar leikara. Já, en
hvað með svona daga, geðheil-
brigðisdag, bóndadag, konudag eða
baráttudag kvenna? Á dögunum
heyrði ég svo fyrir tilviljun í frétt-
um: Í dag er „alþjóðaheilbrigð-
isdagurinn“ … Maður verður voða-
lega lítið var við þessa daga og ég
er mjög hissa nú, því að ég vissi
ekki um þennan leiklistardag (46
ár, halló!). Það hefði mátt halda
samkeppni um nýtt íslenskt leikrit
og kynna svo úrslitin á svona degi.
Nei það stóð ekki til. Ég hef mik-
inn áhuga á leikhúsi og vildi kom-
ast oftar á leiksýningar en ég get.
Já, til hvers ætti svona dagur að
vera ef ekki til að kynna og vekja
athygli á starfi leikhúsana? En það
ber ekki neitt á kynningum eða
uppistandi hér á Akureyri. En fyrir
mér tengjast þarna tvö gjörólík
mál. Ég er sjálfur með geðröskun
en á mér áhugamál sem er nærri
því andstæðingur minn (fara úr
þunglyndiskasti beint upp á svið,
fram fyrir fólk). Nei, hlutirnir ger-
ast ekki alveg þannig hvort sem er.
Stundum þarf maður að leika í við-
móti við annað fólk og sýna allt
annað lundarfar en í raun líðanin er
þá stundina. En ég tel mig nokkuð
heppinn þessa dagana, því að þessi
orð eru skrifuð á kaffihúsi, en það
eru staðir sem ég hef ekki haft
sjálfstraust til að fara inn á lengi. –
Ég meina, ég fer einn á kaffihús
með tölvuna til að tala við hana. Já,
það að trúa tölvunni fyrir sínum
málum er oft besti kostur í heimi.
Sumum einstaklingum sem eru með
geðsjúkdóma gengur mikið betur að
tjá sig skriflega heldur en að þurfa
að segja hlutina upphátt. Sjáið bara
bloggheiminn, fólk finnur sig vel í
að skrifa og þarf ekki geðröskun til.
Leikhús, geðhús, skrifhús (kaffihús
til geðbætandi skrifa) og fara síðan
með það í leikhúsið. Neeei! Það eru
allir að horfa á mig, ég get þetta
ekki. Bíddu við, reyndu að breyta
þessari hugsun: Vertu þú sjálfur
(SSSól, Helgi Björns leikhúsmaður).
Já, vertu þú sjálfur með alla þína
kosti og persónutöfra sem enginn
annar hefur (gallarnir eru auka-
atriði). En þú verður að koma fram
við aðra eins og þú vilt að aðrir
komi fram við þig. Þú ert betri en
allir hinir á kaffihúsinu eða hvar
sem þú ert á förnum vegi. „Þú ert
einstakur.“
ATLI VIÐAR
ENGILBERTSSON,
fjöllistamaður/hagyrðingur/
rithöfundur/ljóðskáld.
Alþjóðlegur
dagur leiklistar
Frá Atla Viðari Engilbertssyni
Bréf til blaðsins
Morgunblaðið Hádegismóum 2, 110 Reykjavík  Bréf til blaðsins | mbl.is
VEGNA rætinnar og ósmekk-
legrar árásar Árna Johnsen al-
þingismanns á Gunnar Gunn-
arsson aðstoðarvegamálastjóra í
Morgunblaðinu 14. apríl sl. skal
eftirfarandi tekið fram. Gunnar
var í sex manna starfshópi sem
Sturla Böðvarsson skipaði árið
2004 til að fjalla um samgöngur
við Vestmannaeyjar. Starfshóp-
urinn, sem var undir formennsku
Páls Sigurjónssonar verkfræð-
ings, skilaði áliti 19. júní 2006 þar
sem mælt var með að gerð yrði ný
ferjuhöfn í Bakkafjöru. Þátttaka
Gunnars í ofangreindum starfs-
hópi eru einu afskipti hans af mál-
efnum Bakkafjöruhafnar. Um-
mæli Árna um afskipti Gunnars
eru því óskiljanleg.
Jón Rögnvaldsson
Svar við ummælum
Höfundur er vegamálastjóri.