Morgunblaðið - 26.05.2008, Blaðsíða 2

EIGENDUR sumarbústaðar í landi Fitja í Skorradal fengu þyrlu til að
koma nuddpotti fyrir við bústaðinn um helgina og slógu þar með tvær flug-
ur í einu höggi. Fengu 400 kg pottinn og þurftu ekki að raska náttúrunni á
nokkurn hátt. „Það var besta lausnin að leigja þyrlu frá Þyrluþjónustunni,“
segir Gautur Hansen og bætir við að kranabíll komist ekki að húsinu nema
með því að fella tré við göngustíginn, sem liggur að því.
Morgunblaðið/Árni Sæberg
Fékk þyrlu til að koma
nuddpottinum fyrir
Sumarbústaðaeigandi leysti vandann
2 MÁNUDAGUR 26. MAÍ 2008 MORGUNBLAÐIÐ
FRÉTTIR
Morgunblaðið Hádegismóum 2, 110 Reykjavík. Sími 5691100 Fréttir frett@mbl.is Fréttastjórar Ágúst Ingi Jónsson, aðstoðarfréttaritstjóri, aij@mbl.is Sigtryggur Sigtryggsson, aðstoðarfréttaritstjóri, sisi@mbl.is Viðskipti vidsk@mbl.is
Björn Jóhann Björnsson, fréttastjóri, bjb@mbl.is Daglegt líf Anna Sigríður Einarsdóttir, annaei@mbl.is Menning menning@mbl.is Fríða Björk Ingvarsdóttir, ritstjórnarfulltrúi, fbi@mbl.is Umræðan | Bréf til blaðsins Guðlaug Sigurð-
ardóttir, ritstjórnarfulltrúi, gudlaug@mbl.is Minningar mbl.is/sendagrein, Stefán Ólafsson, Arnór Ragnarsson Íþróttir sport@mbl.is Sigmundur Ó. Steinarsson, fréttastjóri, sos@mbl.is mbl.is netfrett@mbl.is Guðmundur Sv. Hermannsson
fréttastjóri gummi@mbl.is
Eftir Steinþór Guðbjartsson
steinthor@mbl.is
MARÍA Karen Sigurðardóttir, safn-
stjóri Ljósmyndasafns Íslands, segir
að góð samskipti sveitarfélaga og
íbúasamtaka byggist fyrst og fremst
á trausti og því að geta sett sig í spor
annarra. Fólk verði aldrei sammála
um allt, en ríki traust manna á milli
séu skoðanaskipti greið og málefni
ekki óhreinkuð með persónulegum
deilum séu meiri líkur en minni á að
niðurstaðan verði til hagsbóta fyrir
bæjarfélagið.
Þetta kemur fram í meistara-
prófsritgerð Maríu Karenar þar sem
hún spyr hvaða lærdóm sveitarfélög
og íbúasamtök geti dregið af ágrein-
ingi bæjaryfirvalda Mosfellsbæjar
og Varmársamtakanna um tengi-
braut um Álafosskvos.
María Karen
tók viðtöl við bæj-
aryfirvöld, með-
limi Varmársam-
takanna og stjórn
þeirra í þeim til-
gangi að komast
að reynslu þeirra
og upplifun af
samskiptunum,
áhrifum deiln-
anna og hvaða
lærdóm mætti draga af þeim. Hún
komst að þeirri niðurstöðu að ástæð-
ur ágreiningsins væru margþættar.
Kurteisi mikilvæg
„Þegar fólk leggur mikla áherslu á
eigin skoðanir blossa upp miklar
deilur,“ segir María Karen og bætir
við að það sama eigi við þegar fólk sé
ekki tilbúið að horfa á málefni út frá
fleiri sjónarhornum en sínu eigin og
líti á andstæð sjónarmið sem ógn.
Haldi deiluaðilar ekki fagmennsk-
unni og sýni ekki kurteisi í skoð-
anaskiptum megi búast við niðurríf-
andi ágreiningi og persónulegum,
þar sem meðal annars bloggið hafi
áhrif.
Þegar tveir andstæðir hópar tak-
ist á sé erfitt að finna sameiginlegan
flöt. Bæjaryfirvöld í Mosfellsbæ og
Varmársamtökin hafi haft sama
markmið, en sjónarhornin hafi verið
mjög ólík og erfitt að samræma þau.
Báðir aðilar hafi verið mjög stífir og
ósveigjanlegir og umfjöllun fjölmiðla
hafi breikkað gjána, því sé báðum
sjónarmiðum ekki komið á framfæri
og heiftinni haldið frá virki aðkoma
fjölmiðils truflandi.
María Karen bendir á að þegar
bæjaryfirvöld og íbúasamtök deili
megi velta því fyrir sér hvort bærinn
eigi ekki að hafa frumkvæði að því
að höggva á hnútinn og fá jafnvel
þriðja aðila til að brúa bilið. „Þetta
er spurning um samvinnu og sam-
skipti og traust,“ segir hún.
Lærdómur
Að sögn Maríu Karenar hafa við-
komandi lært af deilunum í Mos-
fellsbæ. Bæjaryfirvöld hafi gert sér
grein fyrir mikilvægi þess að kynna
öll svona mál vel fyrir bæjarbúum og
leggja öll spil á borðið, ganga jafnvel
lengra en lög segi til um. Nýlega hafi
verið skipulagsfundur í bænum
vegna kynningar á annarri braut í
Leirvogstunguhverfi og þar hafi
kynningin verið mjög góð. Eins hafi
birst mjög góð ályktun frá Varmár-
samtökunum í sambandi við nátt-
úruverndarmál í bænum.
„Þegar fólk leggur mikla áherslu á
eigin skoðanir blossa upp miklar deilur“
María Karen
Sigurðardóttir
Í HNOTSKURN
» Lærdómur af ágreiningibæjaryfirvalda Mosfells-
bæjar og Varmársamtakanna í
meistaraprófsritgerð Maríu Kar-
enar Sigurðardóttur.
» María Karen segir að bæj-aryfirvöld virðist ekki hafa
sýnt nógu mikla lipurð, sam-
anber fund sem átti að vera lok-
aður öðrum en íbúum Álafoss-
svæðisins.
» Í ritgerðinni kemur fram aðekki sé víst að Varmársam-
tökin hafi einbeitt sér nógu vel
að því að kynna viðhorf sín fyrir
íbúum Mosfellsbæjar og því feng-
ið á sig áru sérhagsmuna-
samtaka.
Eftir Steinþór Guðbjartsson
steinthor@mbl.is
„ALLT í einu klifrar strákur í
bleikum bol yfir girðinguna um-
hverfis reyksvæðið og stígur á öxl-
ina á mér, notar mig til að styðja
við sig, þegar hann hoppar niður.
Ég geri ekkert
úr þessu en þeg-
ar hann ýtir við
vinkonu minni
öskrar hún á
hann: „Róaðu
þig niður!“ og þá
setur hann vísi-
fingurinn á var-
irnar og sussar á
hana. Hann
gengur inn,
lendir í slagsmálum og skömmu
síðar er hann leiddur í burtu af
lögreglu – grunaður um að hafa
stungið annað strák til bana á
kránni.“
Þannig lýsir Þorri Jensson, leik-
listarnemi í London, atburða-
rásinni, þegar 18 ára piltur, sem
hafði nýlokið við að leika lítið hlut-
verk í væntanlegri kvikmynd um
Harry Potter, the Half Blood
Prince, var stunginn til bana í
átökum sem brutust út á krá í
Lundúnum síðastliðið föstudags-
kvöld.
Þorri segir að nokkrir Íslend-
ingar hafi verið á kránni. Hann
ásamt vinum sínum hafi verið að
fara af svæðinu þegar slagsmál
hafi brotist út og menn byrjað að
berja hver annan með barstólum.
Hann hafi snúið við til að athuga
hvað gengi á og þá komist að því
að búið væri að stinga tvo stráka,
annan í höndina og hinn í magann.
Sá þriðji hafi legið með stungusár
á hálsi og fjórir lögregluþjónar
reynt að stöðva blæðinguna.
„Þetta gerðist bókstaflega fyrir ut-
an heima hjá mér,“ segir Þorri.
Hann segir þetta hafa verið mikið
áfall og ljóst að hættulegt sé að
vera þarna um helgar. Þorri Jens-
son segir að styrjaldarástand hafi
ríkt á staðnum og óhugnanlegt sé
að hugsa til þess að svona gerist
nánast við hliðina á sér. Meira en
300 manns hafi verið á kránni og
enginn ráðið við neitt. „Mér líður
ekki vel eftir að hafa séð þetta,“
segir hann.
Mikið áfall og
hættuástand
Nokkrir Íslendingar á krá í London
þar sem ungum manni var ráðinn bani
FAÐIR piltsins, sem stunginn var
til bana í London fyrir helgi, las
upp yfirlýsingu fyrir fjölmiðla í
gær. Á fréttavef BBC kemur fram
að hann hafi sagt að þegar hnífar
væru annars vegar kæmi enginn
óskaddaður frá vettvangi. Hann
ráðlagði fólki, sem bæri á sér hnífa,
að hugsa um afleiðingarnar áður en
það færi á stjá og sagði að fráfall
sonar síns hefði ekki verið til einsk-
is ef fjölmiðlar áréttuðu mikilvægi
þess fyrir fólk að skilja hnífana eft-
ir heima.
Ósk um að bera
ekki hnífa á sér
FRUMVARP sem heimilar töku er-
lends láns til að styrkja gjaldeyris-
varasjóð Seðlabankans verður lagt
fram á Alþingi í vikunni, hugsanlega
strax í kvöld.
Þetta kom fram í máli Geirs H.
Haarde forsætisráðherra í Silfri Eg-
ils í gær, en í þættinum voru for-
menn allra stjórnmálaflokkanna.
Sagði Geir að afla þyrfti lagaheim-
ildar fyrir slíkri lántöku og hefði ver-
ið rætt við stjórnarandstöðuna um
að greiða fyrir afgreiðslu frumvarps-
ins.
Ekki kom fram um hversu há láns-
upphæðin yrði.
Heimildar Alþingis
leitað fyrir lántöku
Þorri Jensson
RÚNAR Svavarsson, deildarstjóri
hjá Orkuveitu Reykjavíkur, segir
að eftirleiðis muni þeir sem líma
veggspjöld á rafmagnskassa Orku-
veitunnar fá að greiða kostnaðinn
við að þrífa kassana.
„Alltaf er verið að þrífa þessa
kassa, annaðhvort er krotað á þá
eða menn nota kassana til að líma
á auglýsingaplaköt,“ segir Rúnar.
„Við viljum hafa kassana hreina og
fallega og bæði er þreytandi og
dýrt að þurfa sífellt að vera að
hreinsa af þeim.“
Rúnar segir að skipuleggjendur
allskyns viðburða fái oft verktaka
til að hengja upp veggspjöld í
bænum. „Ef veggspjöldin verða
hengd á rafmagnskassa OR mun-
um við hér eftir gæta þess að
reikningurinn fyrir þrifin verði
sendur þeim sem auglýsingin kem-
ur frá,“ segir hann og bætir við að
kostnaður við að hreinsa hvern
kassa hlaupi á nokkrum þúsund-
um.
Engin ákvörðun um listina
Rúnar segir að enn hafi engin
ákvörðun verið tekin um hver ber
kostnaðinn sem til féll vegna
hreinsunar veggspjalda sem límd
voru upp í tengslum við Listahátíð
í Reykjavík og sýndu hvítan sauð
ýta svörtum í burtu. Veggspjöldin
voru hluti af innsetningu sviss-
nesks listamanns og voru ádeila á
útlendinga- og kynþáttahatur.
Morgunblaðið/Árni Sæberg
Sóðaskapur Það getur reynst dýr
auglýsing að hengja veggspjald á
rafmagnskassa.
Þeir sem
eiga vegg-
spjöldin fá
reikninginn