Morgunblaðið - 11.06.2008, Blaðsíða 19
menntun
MORGUNBLAÐIÐ MIÐVIKUDAGUR 11. JÚNÍ 2008 19
Jón Gissurarson gerir lítið úrmeintum boltaáhuga Péturs í
Vísnahorninu í gær og finnst lík-
legra að svona sé í pottinn búið:
Þó að berist breitt um svið
boltaleikir dagsins.
Fremur mun þér falla við
fegurð sólarlagsins.
Elvis hefur komið nokkuð við
sögu upp á síðkastið og er það ekk-
ert einsdæmi að hundar komi fyrir í
kveðskap, svo sem í rómaðri vísu
eftir Harald Hjálmarsson á Kambi:
Brennivín er besti matur,
bragðið góða svíkur eigi.
Eins og hundur fell ég flatur
fyrir því á hverjum degi.
Sigurhjörtur Pétursson orti
raunar um Harald er hann rakst á
hann í hópi Skagfirðinga við
drykkju á Hótel Borg, að því er
fram kemur á Vísnavef Skagfirð-
inga:
Ekki er þessi fylking frýn,
full af viskíþambi:
hani, krummi, hundur, svín
og Haraldur frá Kambi.
Baldvin Halldórsson í Þverárdal
orti eftir lýsingu Stefaníu dóttur
sinnar:
Heitir Kolur hundur minn.
Hefur bol úr skinni.
Er að vola auminginn
inn í holu sinni.
VÍSNAHORN
pebl@mbl.is
Af hundi
og boltaleik
Eftir Jóhönnu Ingvarsdóttur
join@mbl.is
Ég á góðum kennurum mikið að þakka,“ segir Kara ÁstaMagnúsdóttir, sem útskrifaðist í síðustu viku með grunn-skólapróf frá Tjarnarskóla upp úr 9. bekk í stað 10. bekkj-ar, eins og algengast er. Það var ekki nóg með að Kara
tæki síðustu tvö grunnskólaárin á einum vetri heldur tók hún einnig
fjóra framhaldsskólaáfanga í fjarnámi frá Fjölbrautaskólanum við
Ármúla.
Hún valdi sér íslensku og dönsku fyrir áramót en stærðfræði og
lífsleikni urðu svo fyrir valinu á vorönn. „Þetta var satt best að segja
ekkert svo erfitt því ég var búin að klára allt grunnskólanámsefnið í
íslensku og stærðfræði í byrjun vetrar. Mér hefði því líklega bara
leiðst í skólanum ef ég hefði ekki varið tímanum í þessa framhalds-
skólaáfanga,“ segir Kara Ásta, sem byrjaði í Ísaksskóla fimm ára, fór
síðan í Landakotsskóla og svo tók Tjarnarskóli við á unglingastiginu.
Rokktónlist í uppáhaldi
Kara Ásta, sem verður fimmtán ára í nóvember, stefnir í haust á
náttúrufræðibraut við Menntaskólann í Reykjavík, en segist ekki
vera með ákveðnar skoðanir á hvað síðan taki við. „Ég er ekki með
fyrirfram ákveðna námsstefnu, en finn vonandi út úr því á mennta-
skólaárunum. Ég hef alla tíð átt frekar auðvelt með að læra og ætli
megi ekki segja að íslenska og stærðfræði séu mínar eftirlæt-
isgreinar. Aðalgaldurinn við afköstin er góð skipulagning.“
Þegar Kara er spurð út í önnur áhugamál en skólabækurnar svar-
ar hún því til að tónlist sé ofarlega á vinsældalistanum. „Ég hlusta
mikið á tónlist og eru rokkhljómsveitir í mestu uppáhaldi. Síðan reyni
ég að finna fróðleik á netinu um þá tónlist sem ég er að hlusta á
hverju sinni. Mér finnst mjög gott að hlusta á tónlist þegar ég er að
læra,“ segir Kara, sem sjálf hefur lært á píanó, fiðlu og smávegis á
trommur.
Fjarnámið vel nýtt
Kara Ásta er ekki eini 9. bekkingurinn sem útskrifaðist úr Tjarn-
arskóla í vor því auk hennar luku bekkjarfélagar hennar, Magnús
Guðrúnarson og Sóley Rut Jóhannsdóttir, grunnskóla nú. Að sögn
Margrétar Theodórsdóttur, skólastjóra Tjarnarskóla, hafa nemendur
skólans átt þess kost frá síðasta hausti að taka framhaldsskólaáfanga
í fjarnámi og nýttu allir útskriftarnemar Tjarnarskóla sér það í vetur.
„Galdurinn
er góð
skipulagning“
Morgunblaðið/Frikki
Útskrifuð Kara Ásta Magnúsdóttir útskrifaðist með grunnskólapróf frá Tjarnarskóla
úr 9. bekk og tók auk þess í vetur fjóra framhaldsskólaáfanga í fjarnámi við FÁ.
Síðumúla 3 · 108 Reykjavík · 553 7355
Opið 10-18 virka daga, 11-15 laugard.
Hæðasmára 4 · 201 Kópavogur · 555 7355
Opið 11-18 virka daga, 11-16 laugard.
Tvær verslanir - Frábært úrval
m
bl
1
01
32
93
Lepel undirföt - sundföt - náttföt
Lejaby, Charnos, Elixir undirföt
N&N, Miraclesuit aðhaldsundirföt
Panache undirföt - sundföt
Peter Murray kvenfatnaður
Tankini - 8.700 Sundbolur - 7.200 Bikini 8.420
Bh - 5.500
Boxer - 3.100
Tankini - 8.460
Náttföt 8.750
Bikini 8.420
Bh - 4.800
Buxur - 2.100
Bh - 5.500
Boxer - 3.100