Morgunblaðið - 07.08.2008, Blaðsíða 2
2 FIMMTUDAGUR 7. ÁGÚST 2008 MORGUNBLAÐIÐ
FRÉTTIR
Morgunblaðið Hádegismóum 2, 110 Reykjavík. Sími 5691100 Fréttir frett@mbl.is Fréttastjórar Sunna Ósk Logadóttir, sunna@mbl.is Egill Ólafsson, egol@mbl.is Viðskipti vidsk@mbl.is Björgvin Guðmundsson, fréttastjóri, bjorgvin@mbl.is Daglegt líf
Anna Sigríður Einarsdóttir, annaei@mbl.is, Bergþóra Njála Guðmundsdóttir, ben@mbl.is Menning menning@mbl.is Fríða Björk Ingvarsdóttir, ritstjórnarfulltrúi, fbi@mbl.is Umræðan | Bréf til blaðsins Guðlaug Sigurðardóttir, ritstjórnarfulltrúi, gud-
laug@mbl.is Minningar mbl.is/sendagrein, Stefán Ólafsson, Arnór Ragnarsson Íþróttir sport@mbl.is Sigurður Elvar Þórólfsson, seth@mbl.is Víðir Sigurðsson, vs@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is
Eftir Bjarna Ólafsson
bjarni@mbl.is
HLUTHAFAFUNDUR SPRON
sem haldinn var í gærkvöldi sam-
þykkti með miklum meirihluta
greiddra atkvæða samruna félagsins
við Kaupþing. Ekki voru þó allir
fundarmenn sáttir við framlagða til-
lögu stjórnar og var ekki gengið til
atkvæða fyrr en eftir hressilegar
umræður, sem stóðu í um einn og
hálfan tíma. Af greiddum atkvæðum
voru 83,7% samþykk tillögunni en
16,2% á móti. Mætt var fyrir 3,7
milljarða króna hlutafjár í SPRON,
eða 74,6% alls hlutafjár.
Eins og áður segir var nokkur
ólga á hluthafafundinum og stigu
nokkrir hluthafar í pontu og létu álit
sitt á samrunanum í ljós, eða spurðu
stjórn og stjórnendur SPRON
spurninga. Ljóst má vera, miðað við
undirtektir fundarins við ræðum
þeirra sem til máls tóku, að hlut-
hafar voru ekki allir ánægðir með
samrunann eða aðdraganda hans.
Nálykt af málinu
Einn hluthafa, Alvar Óskarsson,
sagði nálykt af málinu og sagðist
mundu hætta viðskiptum við
SPRON yrði af samrunanum. Aðrir
kváðu enn fastar að orði og er ekki
allt sem sagt var um stjórn og
stjórnendur SPRON prenthæft.
Voru líkur leiddar að því af nokkr-
um fundarmanna að stjórn og
stjórnendur SPRON hefðu vitað að
félagið var ofmetið við hluta-
félagavæðinguna og því viljandi selt
almenningi hlutabréf í Sparisjóðn-
um á of háu verði.
Birgir Örn Steingrímsson hvatti
hluthafa til að bindast samtökum og
leita réttar síns og sagði hann að
með samrunanum væri verið að gefa
Kaupþingi SPRON og að sá aðili
sem mest myndi hagnast á samrun-
anum væri Exista, ekki hluthafar
SPRON. „Fyrir nokkrum mánuðum
seldu þeir [stjórnarmenn og eig-
endur SPRON] gömlu fólki og
starfsmönnum bréf í félaginu dýru
verði en hafa það nú af þeim með því
að selja það ódýrt til Kaupþings,“
sagði Birgir þegar úrslit atkvæða-
greiðslunnar lágu fyrir.
Þá komu fram spurningar um
skattalegar afleiðingar samrunans
fyrir hluthafa. Vegna þess að ekki er
um samruna Kaupþings og SPRON
að ræða, í skattalegum skilningi,
heldur kaup Kaupþings á SPRON,
getur aðgerðin haft skattalegar af-
leiðingar fyrir einhverja hluthafa.
Þótti einhverjum fundarmanna svör
stjórnenda við þessum spurningum
ekki nægilega ýtarleg, en Guð-
mundur Hauksson, forstjóri
SPRON, sagði málið of flókið til að
hægt væri að gera því skil í stuttu
máli. Hins vegar ætti enginn hlut-
hafi á því von að fá háan reikning frá
skattyfirvöldum vegna samrunans.
Sjálfstæð eining í Kaupþingi
Guðmundur sagði í samtali við
Morgunblaðið að málið væri nú kom-
ið í hendur samkeppnisyfirvalda og
Fjármálaeftirlits. „Fari svo að þau
leggi blessun sína yfir samrunann
gæti hann orðið að veruleika í haust.
Hafa ber hins vegar í huga að það er
alls ekki gefið að yfirvöld samþykki
samrunann og þá er hugsanlegt að
þau setji fyrir honum skilyrði sem
eru aðilunum, Kaupþingi eða
SPRON, óásættanleg.“
Gangi samruninn eftir er hugs-
unin sú að vörumerki SPRON verði
áfram nýtt og að útibúanet SPRON
verði rekið sem sjálfstæð eining inn-
an Kaupþings. Viðskiptavinir
SPRON muni því áfram geta átt
sam- og viðskipti við þá starfsmenn
SPRON sem sinnt hafi þeim til
þessa. Mun Ólafur Haraldsson,
framkvæmdastjóri hjá SPRON,
stýra útibúaneti SPRON innan
Kaupþings.
Morgunblaðið/Kristinn
Ómyrkur í máli Sumir fundarmanna vönduðu stjórn og stjórnendum SPRON ekki kveðjurnar á fundinum í gær.
Samruni samþykktur
Mikill meirihluti hluthafa í SPRON samþykkti í gær samruna við Kaupþing
Nokkur ólga var meðal fundarmanna og var stjórn SPRON harðlega gagnrýnd
ÁHRIFA krepp-
unnar gætir víða
þessa dagana og
hefur starfsfólk
bensínstöðva í
Borgarnesi feng-
ið að finna fyrir
því í sumar. Þar
hefur tíðni bens-
ínstuldar aukist
undanfarið samhliða hækkandi
bensínverði og er lögreglan í Borg-
arnesi nú með í vinnslu fjögur til-
felli þar sem bílstjórar stinga af frá
bensíndælunni án þess að borga.
Þótt alltaf geti komið fyrir að
menn gleymi sér einfaldlega segir
lögreglan að þarna sé um greini-
lega fjölgun að ræða. Málin eru þó
auðleyst því öryggismyndavélar ná
yfirleitt bæði bílstjóra og bílnúmeri
á mynd. Er þá haft samband við þá
seku og þeim boðið að borga áður
en málið fer lengra. unas@mbl.is
Bensínþjófar
í Borgarnesi
ÞYRLA Landhelgisgæslunnar var
send í Ásgarðsskála í gær vegna
manns sem hlotið hafði augnskaða
er hann var að opna bjórflösku fyr-
ir annan mann. Flöskutappinn hafði
skotist í auga mannsins og bað
læknir í Laugaási um að þyrla yrði
látin sækja hann. Var hann fluttur
til Reykjavíkur til aðhlynningar á
Landspítalanum.
Hlaut augn-
skaða af tappa
KARLMAÐUR sem grunaður er um
aðild að fjölda innbrota í hús á höf-
uðborgarsvæðinu í júní og júlí sætir
áframhaldandi gæsluvarðhaldi til
22. ágúst. Hæstiréttur staðfesti úr-
skurð Héraðsdóms Reykjavíkur
þess efnis í gær. Maðurinn var
handtekinn í júlí, grunaður um
nokkur innbrot og úrskurðaður í
gæsluvarðhald sem nú hefur verið
framlengt. Maðurinn viðurkennir
brot sín og segist framfleyta sér á
þeim. Hann er erlendur ríkisborg-
ari, án atvinnu og með lítil tengsl
við Ísland, segir í úrskurðinum.
Hæstiréttur staðfesti einnig úr-
skurð um að karlmaður, sem ný-
lega var dæmdur í 15 mánaða fang-
elsi fyrir fjölmörg afbrot, sæti
gæsluvarðhaldi til 27. ágúst eða þar
til áfrýjunarfresti lýkur. Brotaferill
mannsins hefur verið samfelldur
frá því í janúar þar til hann var
handtekinn í júní.
Sæta áfram
varðhaldi
Eftir Þorbjörn Þórðarson
thorbjorn@mbl.is
Á FÉLAGSFUNDI Ljósmæðra-
félags Íslands [LMFÍ] í gærkvöldi
var samþykkt samhljóða að fela
stjórn félagsins að efna til atkvæða-
greiðslu meðal félagsmanna þar sem
óskað verði eftir heimild til boðunar
fjögurra verkfalla.
Verkföllin verða tímabundin og
stigmagnandi frá 4. september og
enda síðan með allsherjarverkfalli
frá 29. september ef ekki verður bú-
ið að semja fyrir þann tíma. „Þetta
er fyrst og fremst til þess að gefa
viðsemjendum nasasjón af því hvað
gerist ef ljósmæður mæta ekki í
vinnuna,“ sagði Guðlaug Einarsdótt-
ir, formaður LMFÍ, í gærkvöldi.
Hún sagði að neyðarþjónusta yrði
tryggð samkvæmt undanþágulistum
sem ríkið gefi út. Þessa lista eigi að
uppfæra árlega en þeir hafa samt
ekki verið uppfærðir í þrettán ár.
Hvorki sónarþjónusta
né mæðravernd
„Fæðingarþjónusta verður veitt í
verkfalli og fæðingarþjónusta við
sængurkonur að hluta en að öllum
líkindum verður hvorki hægt að
veita sónarþjónustu né mæðra-
vernd,“ sagði Guðlaug.
Kosið verður um verkfallið frá 11.-
15. ágúst. Helmingur félagsmanna
þarf að kjósa svo kosningin teljist
gild og það ræðst af einföldum
meirihluta hvort af verkföllum verð-
ur.
Meðalgrunnlaun ljósmæðra eru
73.000 kr. lægri en sex efstu félaga
BHM. Guðlaug sagði það markmið
samninganefndar félagsins að koma
skilaboðum áleiðis til ráðamanna um
að ljósmæðrum sé alvara í kjarabar-
áttunni. „Við höfum engar skýringar
fengið frá ríkisstjórninni eða við-
semjendum okkar. Þetta er skýrasta
birtingarmynd launamismununar í
íslensku samfélagi,“ sagði Guðlaug.
Ljósmæður undirbúa verkföll
Að öllum líkindum verður ekki hægt að veita sónarþjónustu og mæðravernd í verkfalli Undan-
þágulistar ekki uppfærðir í 13 ár Meðalgrunnlaun 73.000 kr. lægri en sex efstu félaga BHM
Í HNOTSKURN
»Laun ljósmæðra eru lægrihér á landi en gengur og
gerist í nágrannalöndunum.
»Nám ljósmæðra er eitt þaðlengsta innan BHM en
launin með þeim lægstu.
Morgunblaðið/Kristinn
Verkfall Á félagsfundi var samþykkt samhljóða að boða til kosninga um
verkfall. Frá vinstri, Guðlaug Einarsdóttir, formaður LMFÍ, og Bára Hildur
Jóhannsdóttir, formaður kjaranefndar LMFÍ.
Fáist samþykki Samkeppnis- og
Fjármálaeftirlits fyrir samruna
SPRON og Kaupþings munu hlut-
hafar í SPRON fá greitt í bréfum í
Exista og Kaupþingi. Munu þeir fá
60% kaupverðsins í bréfum í Ex-
ista og 40% í bréfum í Kaupþingi.
Er í samrunaáætluninni miðað
við markaðsverð á bréfum félag-
anna þriggja hinn 30. júní síðast-
liðinn, en bætt var 15% ofan á
markaðsverð SPRON á þeim tíma-
punkti. Er því gert ráð fyrir kaup-
genginu 3,83, sem þýðir að félagið
er metið á rúma 19 milljarða
króna. Miðað við 763 krónur á
hvern hlut í Kaupþingi og 7,52
krónur fyrir hvern hlut í Exista
munu hluthafar í SPRON fá, fyrir
hverja krónu að nafnvirði í félag-
inu, um 0,002 hluti í Kaupþingi og
0,306 hluti í Existu.
Þeir sem greiddu atkvæði gegn
samrunatillögunni á fundinum í
gær munu hins vegar geta krafist
þess að fá bréf sín innleyst í
reiðufé í stað þess að ganga að áð-
urnefndum skilmálum.
Fá greitt í bréfum Exista og Kaupþings