Morgunblaðið - 07.08.2008, Blaðsíða 17

|fimmtudagur|7. 8. 2008| mbl.is
daglegtlíf
Eftir Lilju Þorsteinsdóttur
liljath@mbl.is
Þórhalli Óskarssyni er ekki fisjað sam-an, enda fisflugmaður. Hann hefurhaft bakteríuna frá 17 ára aldri, en þábyrjaði hann að fljúga svifdrekum á
gamla mátann.
„Ég flýg núna mótorsvifdreka sem flokkast
undir fis. Ég þurfti alltaf að fara upp á fjall með
svifdrekann, en með þeim mótorknúna get ég
tekið á loft á jörðu niðri,“ segir Þórhallur.
„Það er alls ekki erfitt að fljúga þessu, eig-
inlega bara eins einfalt og það getur verið. Mað-
ur hefur bensíngjöf og færir svo þyngdina til. Í
Fisfélagi Reykjavíkur er kennt á fisvélar og fólk
þarf að standast sérstakt fispróf til að fá skír-
teini.“
Ekki þarf langa flugbraut til að koma mótors-
vifdreka á loft. „Þeir sem þurfa minnst komast
af með um 30 metra, en flestir þurfa 50-100
metra til að taka af stað. Svo lendir maður hér
og þar, til dæmis ef maður sér þokkalega tún-
bleðla eða vegspotta.“ Þórhallur segir kostn-
aðinn við fisflug vera afstæðan. „Það er hægt að
fá notaðar græjur á tiltölulega góðu verði. Þá
byrjar maður smátt og eykur smám saman við
sig. Það er eins með þetta og margt annað, mað-
ur getur haft þetta dýrt og ódýrt.“
Þórhallur segir mótorsvifdreka komast ansi
langt. „Maður kemst alveg eins og bensínið
dugar. Ef ég flýg beint, kemst ég hvert á land
sem er í einum rykk. Ég hef til dæmis flogið til
Ólafsfjarðar. Það tók mig um það bil 3,5 tíma
með útúrdúrum.“ Þórhallur er ekki í neinum
vafa um það hvað sé heillandi við fisflugið. „Það
er að sjá landið frá öðru sjónarhorni. Ísland er
svo fallegt úr lofti. Ég hef alltaf verið með smá
flugbakteríu og finnst mjög heillandi að vera
þarna uppi og horfa yfir landið.“
Vinsælt sport
Að sögn Þórhalls hafa vinsældir fisflugs auk-
ist undanfarin ár. „Já, þetta er alltaf að verða
vinsælla og félagsskapurinn hefur þanist út. Við
höfum ekki annað húsnæðisþörfinni fyrir ný
flygildi en það stendur vonandi til bóta. Það er í
bígerð að byggja ný skýli undir þau, og við erum
búnir að fá úthlutað svæði uppi á Hólmsheiði,“
segir Þórhallur.
Hann nefnir að flestir mótorsvifdrekar hér-
lendis eru tveggja manna. „Það er hægt að fá
einmenningsfis líka, en ef það er stærra en
tveggja manna flokkast það ekki lengur sem fis.
Hámarks flugþyngd er 450 kíló og ofrishraði er
65 km/klst. að hámarki.“
Fyrir forvitnis- og flughræðslusakir, spyr
blaðamaður hvort þetta sé hættuleg íþrótt. „Það
hafa ekki verið nein banaslys á fisum hérlendis
hingað til, en auðvitað getur allt svona sport
verið hættulegt ef fólk fer ekki varlega. Flyg-
ildin hérna eru tiltölulega örugg. Það hafa orðið
einhver óhöpp en lítið um meiðsl. Ætli þetta sé
ekki álíka hættulegt og að vera á skellinöðru,
hraðinn er ekki mikill. Ef það drepst á mót-
ornum er hægt að lenda fisinu á mjög litlum
hraða,“ segir Þórhallur og sannfærir blaða-
mann því um öryggi fisflugs.
Morgunblaðið/Ómar
Vel útbúinn Þórhallur Óskarsson byrjaði 17 ára gamall að fljúga svifdrekum.
Græja Flestir þurfa 50-100 metra flugbraut.
Mælar Fólk þarf að standast sérstakt fispróf.
Flýgur á fisi um loftin blá
Hægt er að fljúga hvert á
land sem er á mótor-
svifdreka. Það er tiltölulega
auðvelt að læra á hann og
auðvitað heillandi að sjá
fagra landið okkar úr lofti.
Fólk með flugbakteríuna
ætti því að kynna sér málið.
Hjálminn á Fisflug er nokkuð örugg íþrótt.
„Ef ég flýg beint, kemst ég hvert
á land sem er. Svo lendir maður
hér og þar, ef maður sér þokka-
lega túnbleðla eða vegspotta.“
Í veðurblíðu sumarsinssaknaði Pétur Stef-
ánsson þess að hafa hár á
höfðinu:
Nú er gott í heimi hér,
hlýtt og sólarglenna.
– Verst að skallinn á mér er
alveg hreint að brenna.
Arnþór Helgason hafði
ekki undan neinu að
kvarta:
Nú er sunnlenskt sumar.
Sólin vermir oss.
Gleðjast fljóð og gumar,
geitur, kýr og hross.
Hreiðar Karlsson orti í
fallegu veðri í Aðaldal:
Kringum bæði hóla og
hæðir
hæglát flæðir.
Dalalæðan léttri slæðu
landið klæðir.
Jón Arnljótsson var
einnig á ferð um landið:
Inn til dala finn ég frið
fæ þó margt að heyra.
Laufaþyt og lindanið
leggur mér í eyra.
Kristján Bersi Ólafs-
son orti í tilefni af fregn-
um um skemmtanasiði
norðanlands þegar til
stóð að tyrfa torgin á Ak-
ureyri:
Á Akureyri sólin sífellt skín.
Svolar neyta þess og í sig
skvetta.
En íbúarnir tyrfa torgin sín
til þess að mýkra verði á
þau að detta.
VÍSNAHORNIÐ
pebl@mbl.is
Af sól og skalla
Þeir sem þurfa að grenna sig eftir sumarsukkiðættu að fræðast um nýja stafrófsmegrunar-kúrinn. Hann er einfaldur og virkar pottþétt.
Samkvæmt hinu mjög svo óáreiðanlega vefriti
happy woman magazine hafa „vísindamenn“ upp-
götvað, að sé hvaða mat sem er, frá A-Z, að M und-
anskildum, blandað saman við mótverkandi staf
(MS), verði í heilanum efnaviðbragð er nefnist Kel-
tazar.
Keltazar-viðbragðið hitar fitufrumur líkamans og
breytir honum þannig í hálfgerðan fitubrennsluofn.
Samsetning sérhljóða og samhljóða truflar einnig
fæðuinntöku og hreinsar meltingarfærin.
Keltazar-viðbragðið hressir við lífefnafræði- og
steinefnajafnvægi í frumum og vefjum líkamans.
Auk þess samlagar það ómissandi snefilefni, ensími
og steinefni í blóðrásinni, án þess að ofreyna melt-
ingarfærin.
Árangurinn verður: Heilbrigður og hrukkulaus líkami!
Athugið að það er enginn mótverkandi stafur við M, farið því
gætilega.
Dæmigerður matseðill fyrir einn dag í stafrófsmegruninni:
Morgunmatur: Egg með Rúsínum.
Hádegismatur: Grillmatur með Tómötum.
Kvöldmatur: Blómkál með Osti.
Til að megrunin heppnist þarf:
-Að kunna stafrófið vel.
-Að ganga 7-10 kílómetra daglega.
-Borða ekki stærri skammta en 120 grömm.
-Drekka 12-16 vatnsglös á dag.
Efasemdamönnum svarað
Ritstjórar happy woman magazine settu saman spurt
& svarað lista fyrir efasemdarfólk:
Spurning: Eiginmaðurinn minn er vísindamaður. Af
hverju hefur hann aldrei heyrt minnst á þessa bylting-
arkenndu megrun?
Svar: Vísindi eru einkamál.
Spurning: Þið mælið með 7-10 kílómetra göngu daglega
og litlum matarskömmtum. Er það ekki raunveruleg
ástæða þyngdartapsins frekar en þessi stafrófsvitleysa?
Svar: Nei.
Spurning: Ehhh, megrun sem byggist á stafrófinu hljómar eins og
eitthvert bull. Eruð þið viss um að þetta sé ekki eitthvert tískufyr-
irbrigði?
Svar: Stafrófið er ekki nýtt af nálinni. Það hefur verið til í þúsundir
ára og við höfum ekki haft neina ástæðu til að vantreysta því enn
sem komið er.
Stafrófsmegrunarkúrinn
Stafrófsmegrun Á mynd-
inni er listi yfir stafi og
mótverkandi stafi.