Morgunblaðið - 07.08.2008, Blaðsíða 24

24 FIMMTUDAGUR 7. ÁGÚST 2008 MORGUNBLAÐIÐ
MINNINGAR
✝ Sólveig GuðrúnJónasdóttir
fæddist 2. júní 1938
á Helluvaði í Mý-
vatnssveit. Hún lést í
Tyrklandi 21. júlí sl.
Foreldrar hennar
voru Jónas Sig-
urgeirsson, bóndi á
Helluvaði í Mývatns-
sveit, f. 4.12. 1901 á
Helluvaði, d.18.10.
1996, og Hólmfríður
Ísfeldsdóttir hús-
freyja, Helluvaði í
Mývatnssveit, f. 16.7.
1907 á Kálfaströnd, d. 22.8. 1996.
Systkini hennar eru Þórhildur
Arnhildur, f. 1. júní 1930, Elín
Inga, f. 29.10. 1934, Sigurgeir, f.
22.10. 1946, Ingólfur Ísfeld, f. 3.
apríl 1948. Maki Sólveigar Guð-
rúnar var Þokell Pétursson frá Ár-
hvammi í Laxárdal, f. 17.5. 1936, d.
20.5. 1996. Börn þeirra eru: 1)
Hólmfríður, f. 1.7. 1958, maki
hennar er Guðmundur Ágúst Jóns-
son, f. 29.6. 1959. Börn þeirra eru
Grétar, f. 1985, Rán,
f. 1988 og Hrannar,
f. 1995. 2) Regína, f.
16.10. 1959, börn
hennar frá fyrra
sambandi eru Guð-
mundur Helgi Jó-
hannesson, f. 1979,
og Regína Sólveig
Jóhannesdóttir, f.
27.5. 1981, d. 15.okt
1982. Maki Regínu
er Aðalsteinn Gísla-
son, f. 23.12. 1961.
Dætur þeirra eru
Heiða Elín, f. 1990,
og Sólveig Guðrún, f. 1993. Sonur
Guðmundar Helga er Elmar Örn,
f. 2001. 3) Jónas, f. 28.10. 1961,
maki hans er Hólmfríður Sif Svein-
björnsdóttir, f. 2. júní 1976. 4)
Drengur, óskírður, f. 14. apríl
1966, d. 30. apríl 1966. 5) Stúlka,
fædd andvana 28.12. 1969.
Útför Sólveigar Guðrúnar Jón-
asdóttur fer fram frá Húsavík-
urkirkju í dag, fimmtudaginn 7.
ágúst 2008, klukkan 14.
Kallið er komið,
komin er nú stundin,
vinaskilnaðar viðkvæm stund.
Vinirnir kveðja
vininn sinn látna,
er sefur hér hinn síðsta blund.
Margs er að minnast,
margt er hér að þakka.
Guði sé lof fyrir liðna tíð.
Margs er að minnast,
margs er að sakna.
Guð þerri tregatárin stríð.
Far þú í friði,
friður Guðs þig blessi,
hafðu þökk fyrir allt og allt.
Gekkst þú með Guði,
Guð þér nú fylgi,
hans dýrðarhnoss þú hljóta skalt.
(V. Briem)
Elskuleg mágkona og svilkona, við
ætlum með þessum fáu fátæklegu
orðum hvorki að rekja lífshlaup þitt
né uppruna, aðeins að fá að kveðja
þig hinstu kveðju, með þakklæti fyrir
allt og allt.
Ung giftist þú Þorkeli (Kela) bróð-
ur okkar og stóðst við hlið hans trú og
trygg alla hans ævidaga þó að á
stundum hafi á móti blásið, er hann
veiktist af sjúkdómi er hann barðist
við í mörg ár og að lokum dró hann til
dauða fyrir tólf árum. Við vitum að
það var erfiður tími fyrir þig, en þú
stóðst eins og kletturinn úr hafinu og
hélst fjölskyldunni saman alla tíð.
Þau voru ófá skiptin sem við nutum
hlýju og gestrisni ykkar hjóna er við
heimsóttum Norðurland, í Ár-
hvammi, Laxárvirkjun og síðast á
Húsavík, fyrir það viljum við þakka
hér. Það verður okkur alltaf minnis-
stætt er við komum svangir að sunn-
an eftir ferðalag að fá að koma í eld-
húskrókinn í Holtagerðinu og fá nýtt
soðibrauð og sultu ásamt kaldri
mjólk, en þú kunnir þá list að steikja
það öðrum fremur. Við vitum að þú
gekkst ekki heil til skógar nú seinni
ár, þurftir að fara í margar erfiðar að-
gerðir og dveljast á spítulum þess á
milli, en aldrei heyrðum við eina
kvörtun um heilsuleysi sem lýsir þér
kannski best.
Það er alltaf erfitt fyrir aðstand-
endur þegar dauðinn sækir fólk heim,
en eitt er víst að bróðir okkar hefur
glaðst að fá að sameinast elskunni
sinni á ný, enda vart hægt að ímynda
sér samhentari hjón. Nýlega fórst þú
í sólarferð ásamt fjölskyldu þinni og
áttir þar góða daga. Jafnvel á sólar-
strönd hrannast upp óveðursský sem
urðu til þess að þú áttir ekki aftur-
kvæmt til okkar heima á ný, heldur
helst í aðra sólarferð þar sem sólin
hnígur aldrei til viðar, til móts við
Kela þinn sem við vitum að þú hefur
saknað alla tíð frá því að hann hvarf á
braut úr þessum heimi.
Ég kveð þig, hugann heillar minning blíð,
hjartans þakkir fyrir liðna tíð,
lifðu sæl á ljóssins friðar strönd,
leiði sjálfur Drottinn þig við hönd.
(Guðrún Jóhannsdóttir)
Samfylgd þín og samverustundir
eru þakkaðar hér. Minningin fyllir
hugann birtu og yl.
Elsku Fríða, Regína og Jónas,
tengdabörn og barnabörn, við vottum
ykkur öllum okkar innilegustu samúð
og biðjum góðan Guð að styrkja ykk-
ur og vernda í sorg ykkar og söknuði.
Hafdís og Aðalsteinn,
Vigdís og Hallgrímur.
Mig langar að minnast móðursyst-
ur minnar, Sólveigar Guðrúnar, eða
Buggu eins og hún var oftast kölluð.
Bugga lést hinn 21. júlí sl. á sjúkra-
húsi í Tyrklandi. Í tilefni af sjötugs-
afmæli hennar og fimmtugsafmæli
Fríðu elstu dóttur hennar hélt fjöl-
skyldan til Tyrklands. Þar nutu þau
ánægjulegra samvista þar til heilsa
Buggu gaf sig og hún var flutt á
sjúkrahús, þaðan sem hún átti ekki
afturkvæmt. Bugga hafði glímt við
heilsuleysi um nokkurra ára skeið en
hún tók öllum áföllum af æðruleysi og
lét ekki bugast. Í þeirri baráttu naut
hún dyggrar aðstoðar barna sinna og
annarra fjölskyldumeðlima. Í því
sambandi er sérstaklega vert að
nefna dvöl dætra hennar ásamt dótt-
urdætrunum Rán og Heiðu Elínu við
sjúkrabeð Buggu úti í Tyrklandi. Eitt
áfall á ævi Buggu var henni þó hvað
erfiðast en það var að missa eigin-
mann sinn langt fyrir aldur fram.
Bugga bjó allan sinn aldur í Suður-
Þingeyjarsýslu, fyrst í Mývatnssveit,
síðan í Laxárdal og Aðaldal og loks á
Húsavík, en þangað flutti fjölskyldan
í byrjun áttunda áratugarins. Mér er
minnisstætt vorið 1973 en þá var
fermingarveisla Regínu haldin í ný-
byggðu húsi stoltrar fjölskyldu í
Holtagerði 3, en í því húsi bjó Bugga
til dauðadags. Það var Buggu án efa
kærkomið þegar Regína flutti ásamt
fjölskyldu sinni til Húsavíkur í Holta-
gerði 3. Á þann hátt var Buggu unnt
að búa áfram í fallega húsinu sínu
með þessu frábæra útsýni yfir bæinn,
Skjálfandaflóa og Kinnarfjöll.
Á tímamótum sem þessum þegar
náinn ættingi fellur frá koma upp í
hugann margar minningar. Móður-
fjölskylda mín hefur ávallt verið sam-
heldin og skipulagt ýmsar fjölskyldu-
samkomur, en þar var Bugga ávallt
hrókur alls fagnaðar. Þetta átti jafnt
við um hinar árlegu vor- og jólahrein-
gerningar á Helluvaði eða fjölskyldu-
ferðir sem farnar voru mörg ár á
meðan heilsa afa og ömmu leyfði slík
ferðalög. Mér er enn í fersku minni
framlag Buggu í undirbúningi sam-
eiginlegra kvöldverða stórfjölskyld-
unnar í eldhúsinu í Gamla-Húsi eða
hennar þáttur í ríkulegu nesti fjöl-
skylduferða, þar sem teknar voru
upp úr töskum tertur og aðrar kræs-
ingar sem hefðu sómt sér vel í hvaða
stórveislu sem er. Á seinni árum hef-
ur fjölskyldan komið saman á sumrin
á nokkurs konar fjölskyldumótum,
oftast á Kálfaströnd, ættaróðali
ömmu. Þar hafa ungir sem aldnir, þar
á meðal Bugga, skemmt sér saman í
þessu fagra umhverfi, í túnfæti eins
fallegasta bæjarstæðis á landinu.
Einnig langar mig að minnast heim-
sókna fjölskyldu minnar á heimili
Buggu þegar ég var lítil. Móttökurn-
ar voru alltaf myndarlegar og ekki
var Bugga lengi að reiða fram veislu-
kaffi. Þar sem ég er jafngömul Reg-
ínu og bara ári yngri en Fríða vorum
við alltaf sem bestu vinkonur, þannig
að slíkar heimsóknir voru notaðar til
ýmissa leikja, jafnt úti sem inni. Ég
sá Buggu síðast í lok maí og þá mátti
sjá að hún ætti við erfið veikindi að
stríða, en ég átti ekki von á að þetta
yrði okkar síðasta samverustund.
Elsku Fríða, Regína, Jónas og fjöl-
skyldur, ég og fjölskylda mín vottum
ykkur okkar dýpstu samúð.
Elín G. Guðmundsdóttir
(Ella Gunna).
Elsku Bugga okkar. Það eru svo
margar ljúfar minningar sem við
systkinin eigum um þig og Kela heit-
inn sem tengjast Holtagerðinu á
Húsavík. Við vorum alltaf velkomin
þegar við komum norður. Það var svo
spennandi að fá að setjast á eldhús-
bekkinn og borða soðið brauðið sem
þú bakaðir af þinni snilld. Ekki
skemmdi berjasultan fyrir. Rósirnar
þínar voru svo stórar og fallegar að
við dáðumst að þeim.
Elsku Bugga. Þú hafðir einstaka
lund og hlýju. Brosið þitt svo fallegt
og hjartað stórt. Það var svo gaman
að opna jólakortin frá þér. Þau voru
svo fallega skrifuð og við sáum hvað
þér þótti vænt um okkur.
Nú ertu komin til Kela þíns og laus
við veikindi.
Hver minning dýrmæt perla að liðnum lífsins
degi,
hin ljúfu og góðu kynni af alhug þakka hér.
Þinn kærleikur í verki var gjöf sem gleymist
eigi,
og gæfa var það öllum er fengu að kynnast þér.
(Ingibj. Sig.)
Minning um þig mun lifa í hjörtum
okkar.
Elsku Fríða, Regína, Jónas, Guð-
mundur Helgi, tengda- og barna-
börn, við vottum ykkur öllum dýpstu
samúð á þessari erfiðu stundu.
Jóna, Regína og Trausti
Aðalsteinsbörn.
Sólveig Guðrún
Jónasdóttir
✝
Innilegar þakkir fyrir auðsýnda samúð og hlýhug
við andlát og útför ástkærs eiginmanns míns, föður
okkar, tengdaföður, afa og langafa,
HJARTAR HJARTARSONAR,
Skólabraut 5,
Seltjarnarnesi.
Sérstakar þakkir til starfsfólks heimahlynningar
Karitasar, líknardeildar í Kópavogi og deildar 13D
á Landspítalanum við Hringbraut.
Guð blessi ykkur öll.
Jensína Guðmundsdóttir,
Drífa Hjartardóttir, Skúli Lýðsson,
Ingibjörg Hjartardóttir, Sigurður Ólafsson,
Vilborg Arinbjarnar,
Anna Ásta Khan Hjartardóttir, Hrafn Sabir Khan,
Björn Grétar Hjartarson,
Guðmundur Ingi Hjartarson, Sigríður Sigmarsdóttir,
barnabörn og barnabarnabörn.
✝
Innilegar þakkir til allra sem sýndu okkur samúð og
hlýhug við andlát og útför elskulegs eiginmanns
míns, föður okkar, tengdaföður, afa og langafa,
HELGA EYJÓLFSSONAR
frá Árbæ,
Borgarfirði eystra.
Sérstakar þakkir til starfsfólks sjúkrahúss
Seyðisfjarðar.
Ágústa Sveinsdóttir,
Jóhann Frímann Helgason,
Þorkell Helgason, Lukka Sigríður Gissurardóttir,
Magnús Bjarni Helgason,
Ósk Helgadóttir, Stefán Tryggvason,
Anna Helgadóttir, Guðni Sigmundsson,
afa- og langafabörn.
✝
Eiginmaður minn, faðir, tengdafaðir, afi og langafi,
PÁLL H. PÁLSSON,
Bólstaðarhlíð 41,
Reykjavík,
andaðist á Landspítalanum við Hringbraut,
miðvikudaginn 6. ágúst.
Bryndís Guðmundsdóttir,
Hildur Pálsdóttir, Hafsteinn Garðarsson,
Gísli Pálsson,
Katrín Pálsdóttir,
Ingibjörg Pálsdóttir, Steinar Berg Ísleifsson,
Birna Pálsdóttir, Helgi Pétursson,
barnabörn og barnabarnabörn.
✝
Heittelskuð eiginkona mín, dóttir, móðir, tengda-
móðir, amma og systir,
AÐALBJÖRG KRISTJÁNSDÓTTIR,
Stapaseli 15,
Reykjavík,
lézt á líknardeild Landspítalans í Kópavogi, sunnu-
daginn 3. ágúst.
Hún verður jarðsungin frá Seljakirkju, mánudaginn
11. ágúst kl. 13.00.
Sigurjón Norberg Ólafsson,
Steinunn Guðmundsdóttir,
Steinunn Björg Sigurjónsdóttir, Guðmundur Kjærnested,
Guðmundur Fertram Sigurjónsson, Fanney Hermannsdóttir,
barnabörn, systkini og aðrir ástvinir.
✝
Elskulegur eiginmaður minn, faðir og afi,
MAGNÚS GUÐMUNDSSON,
Jörfabakka 16,
Reykjavík,
sem lést á Landspítalanum við Hringbraut laugar-
daginn 2. ágúst, verður jarðsunginn frá Laugarnes-
kirkju mánudaginn 11. ágúst kl. 13.00.
Þuríður Pétursdóttir,
Pétur Magnússon,
Eva Björk Magnúsdóttir,
Guðjón Þór Magnússon
og barnabörn.
✝
Ástkær eiginkona mín, dóttir og systir okkar,
HJÖRDÍS KRISTJÁNSDÓTTIR,
Furulundi 6c,
Akureyri,
lést á Sjúkrahúsi Akureyrar föstudaginn 25. júlí.
Útför hennar fer fram frá Glerárkirkju föstudaginn
8. ágúst kl. 14.00.
Héðinn Ósmann Skjaldarson,
Kristján Hjörtur Oddgeirsson,
Oddgeir Kristjánsson, Ingibjörg Haraldsdóttir,
Baldvin Kristjánsson,
Guðfinna Jóna Kristjánsdóttir, Gunnþór Oddgeirsson,
Halldóra Kristjánsdóttir, Hannes C. Pétursson,
Helga Hólmfríðardóttir, Anton Gunnarsson,
Óskdís Kristjánsdóttir
og systkinabörn.