Morgunblaðið - 07.08.2008, Blaðsíða 16
16 FIMMTUDAGUR 7. ÁGÚST 2008 MORGUNBLAÐIÐ
MENNING
BRJÓST, nánar tiltekið geirvarta á
málverki eftir ítalska málarann
Giovanni Battista Tiepolo, er orðið
að stórfelldu opinberu vandamáli á
Ítalíu. Sá sem mest hefur barmað
sér, er sjálfur forsætisráðherrann,
Silvio Berlusconi, en hann hefur
horn í síðu brjóstsins. Réttara væri
þó að segja að brjóstið hafi haft horn
í síðu hans því listaverkið er staðsett
í opinberum vistarverum hans þar
sem þingfréttir eru sagðar og sjón-
varpsviðtöl við forsætisráðherrann
ítalska eru tekin.
Berlusconi fékk það svo loksins
fram fyrir skömmu að yfir geirvört-
una væri málað og hún hulin klæðum
þar sem hann taldi hana geta farið
fyrir brjóstið á viðkvæmum sjón-
varpsáhorfendum. Þetta staðfesti
talsmaður ráðherrans í viðtali við
ítalska blaðið Corriere della Sera um
helgina.
„Brjóstið, þessi litla geirvarta, er
alltaf í sjónvarpinu, á öllum blaða-
mannafundum sem hér eru haldnir,“
sagði talsmaðurinn. Hann sagði enn-
fremur að „brjóstaaðgerðin“ hefði
verið gerð að undirlagi ímyndarsér-
fræðinga forsætisráðherrans.
Antonio Paolucci, forstjóri safna
Vatíkansins var þó ekki skemmt, og
sagði það löngu liðna tíð, jafnvel í
Vatíkaninu, að list sem sýndi nakta
líkama væri ritskoðuð.
Brjóstamál
Berlusconis
Forsætisráðherrann
lét mála dulu yfir
óþægilega geirvörtu
Ritskoðun Berlusconi og brjóstið.
UM 20 þúsund listamönnum frá 80
löndum hefur verið boðið til Peking í
Kína í tilefni af Ólympíuleikunum.
Listamennirnir munu taka þátt í um
300 sýningum og viðburðum, að því
er menningarmálaráðuneyti Kína
hefur greint frá. Má af list-
viðburðum nefna söngsýninguna Di-
vas in Beijing, þ.e. Prímadonnur í
Peking, í nýbyggðu leikhúsi borg-
arinnar en þar þenja m.a. radd-
böndin sópransöngkonurnar Renee
Fleming, Sumi Jo og Angela Ghe-
orghiu. Vefurinn Artinfo segir er-
lenda listamenn verða tvöfalt fleiri
en íþróttamenn á ÓL.
20.000 lista-
menn á ÓL
LISTASMIÐJA fyrir
börn 10-14 ára verður
starfrækt um helgina í
Verksmiðjunni á Hjalt-
eyri. Smiðjan verður
opin frá kl. 10-15 báða
dagana, en leiðbein-
endur verða þau Gúst-
av Geir Bollason, Aðalheiður S. Eysteinsdóttir og
Þórarinn Blöndal. Ekkert þátttökugjald er í
smiðjuna en skráning er hjá Aðalheiði í síma 865-
5091. En fleira er á dagskrá í Verksmiðjunni um
helgina. Á laugardag verður Arna Valsdóttir með
sönggjörning kl. 15, kl. 15.30 báða dagana verður
leiðsögn um sýninguna Start og kl. 18 á laugardag
syngur kammerkórinn Hymnodia, sem Eyþór
Ingi Jónsson stjórnar.
Myndlist
Listasmiðja og
söngur á Hjalteyri
Úr verksmiðjunni.
SCHUBERTTÓNLEIKAR
verða í kvöld kl. 20 í Skálholti,
en það er Skálholtskvartettinn
sem leikur. Á efnisskránni er
Kvartett í g-moll, Kvart-
ettþáttur í c-moll og Kvintett
fyrir tvær fiðlur, víólu og tvö
selló í C-dúr.
Skálholtskvartettinn skipa
þau Jaap Schröder og Rut Ing-
ólfsdóttir fiðluleikarar, Svava
Bernharðsdóttir fiðlu- og víóluleikari og Sigurður
Halldórsson sellóleikari. Sérstakur gestur kvart-
ettsins í kvöld er hinn rómaði sellóleikari Bruno
Cocset. Tónleikarnir eru liður í Sumartónleikum í
Skálholti. Allir eru velkomnir og aðgangur er
ókeypis.
Tónlist
Schubert í Skálholti
og allir velkomnir
Jaap Schröder
ENN býður Ljós-
myndasafn Reykja-
víkur til kvöldgöngu
úr Kvosinni. Að þessu
sinni verður gengið
um Rauðarárholt og
nefnist gangan „Úr
sveit í borg“. Gangan
hefst kl. 20 á horni Einholts og Háteigsvegar
þar sem gamla Ofnasmiðjan/Rými eru til
húsa. Leiðsögumaður er Sigurlaug Þ. Ragn-
arsdóttir listfræðingur. Í göngunni verða
sýndar gamlar myndir úr hverfinu. Rölt verð-
ur um söguslóðir Sunnuhvols, Háteigs, Engla-
borgar, Klambra og rifjaðir upp leikir krakk-
anna í Stórholtinu. Þátttakan er ókeypis og
allir velkomnir.
Saga
Gengið á slóðir
Stórholtskrakka
Skólagarðar á Klambratúni.
Eftir Bergþóru Jónsdóttur
begga@mbl.is
HÚSARÚSTIR, fjallshlíð, kaup-
félag, malargryfja, netið, eyði-
býli … þetta eru sýningarstaðir
myndlistar átta listamanna í Döl-
unum um þessar mundir. Sýningin
er hugsuð sem safn átta sýninga
sem allar eiga sér stað á sama
tíma, á nokkrum stöðum á svæðinu
frá Búðardal til Reykhóla, nánar
tiltekið á Skarðsströnd, í Saurbæ
og á Króksfjarðarnesi. Sólveig Að-
alsteinsdóttir er sýningarstjóri:
„Þetta er fyrst og fremst löng-
unin til að skipta um vinnuum-
hverfi en það var líka annað til-
efni,“ segir Sólveig um hugmyndina
að baki sýningunni. „Þóra Sigurð-
ardóttir og Sumarliði maður henn-
ar eiga jörðina að Nýp og hafa
haldið uppi menningarstarfi þar á
sumrin sem tengist svæðinu. Það
er ástæðan fyrir valinu á sveitinni,
og hún er falleg eins og allar sveitir
landsins.“
Viðfangsefni verkanna
eru á staðnum
Sólveig segir að leiðarljósið við
sköpun sýningarinnar hafi verið að
fá listamennina til að koma á stað-
inn og dvelja í lengri eða skemmri
tíma, velja sér viðfangsefni og sýn-
ingarsvæði. Viðfangsefni verkanna
eru því á staðnum. „Þóra sýnir í
litlu samkomuhúsi og verkið fjallar
um samkomuhúsið. Kristinn Guð-
brandur Harðarson sýnir til dæmis
í malargryfju en líka á vefnum.
Málverkin sem hann sýnir eru mál-
uð eftir ljósmyndum sem hann tók
á staðnum í vetur og styðjast við
ferðasögu sem hann birtir á vefn-
um.“
Sólveig kveðst hafa valið þessa
listamenn saman þar sem þeir hafi
allir fjallað um staði og svæði í
verkum sínum og sæki í þennan
efnivið. „Sigurður Guðjónsson hef-
bensínstöðvum á svæðinu, til dæm-
is í Búðardal, Skriðulandi, Bjarkar-
lundi og Reykhólum eru bæklingar
og ratkortið með. Sýningin var
opnuð um síðustu helgi; öll verkin
eru á sínum stað og hægt að ganga
að þeim alla daga vikunnar, nema
verkin sem eru í Kaupfélaginu og
þarf að kveikja á og slökkva. Þau
verða sýnd aftur núna um helgina
milli kl. 14 og 18, báða dagana,“
segir Sólveig.
Gera sér dælt við Dalina
Átta myndlistarmenn sýna í rústum, fjallshlíð, malargryfju, hlöðu, eyðibýli og kaupfélagi
JÓN Verk eftir Magnús Pálsson í túnbrekkunni ofan við Nýp. Verkið gerði Magnús í minningu langafa síns, séra
Jóns Bjarnasonar, sem bjó á Nýp árin 1874-1882.
TENGLAR
..............................................
www.kgh.is/dalirogholar
ur til dæmis gjarnan tekið víd-
eómyndir í yfirgefnum húsum.
Hann sýnir nú í Kaupfélaginu á
Króksfjarðarnesi. Hann tók vídeó
innan í Kaupfélaginu, sem lagðist
af fyrir ári, en vinnur með það og
sýnir aftur inni – gegnum
gluggann.“
Sólveig segir verk listamannanna
átta ekki bara ólík heldur séu sýn-
ingarstaðirnir líka jafn fjölbreyttir.
„Sumir eru úti undir beru lofti,
jafnvel uppi í fjallshlíð, og maður
veit aldrei hvað kemur næst. Því
gáfum við út ratkort af svæðinu
sem er á vefnum en í verslunum og
Eftir Bergþóru Jónsdóttur
begga@mbl.is
„ÉG er búin að stefna að því lengi að fara í þetta
nám og á þessum stað, og styrkurinn gerir það
að verkum að draumur minn getur orðið að
veruleika,“ segir Eva Þyri Hilmarsdóttir, ein
þriggja ungra píanóleikara sem í dag hljóta
styrki úr Minningarsjóði um Birgi Einarsson,
en sjóðurinn styrkir efnilega píanónema til
framhaldsnáms. Eva Þyri hlýtur tvær milljónir
króna en hinir styrkþegar dagsins, þeir Krist-
ján Karl Bragason og Hákon Bjarnason hljóta
eina og hálfa milljón hvor. Allt á þetta unga fólk
langt og strangt nám að baki, Eva Þyri lauk til
dæmis píanókennaraprófi og burtfararprófi í pí-
anóleik hér heima áður en hún fór í fimm ára
nám til Danmerkur, þar sem hún lauk diploma-
prófi og einleikaraprófi. Hún tekur nú kúrsinn á
Lundúnir, nánar tiltekið Konunglegu tónlistar-
akademíuna. Hún segir námið dýrt og því komi
styrkurinn sér gríðarlega vel. „Það er gíf-
urlegur heiður fyrir mig að hljóta þennan
styrk,“ segir hún.
Í meðleik og kammermúsík
Í Konunglegu tónlistarakademíunni ætlar
Eva Þyri að stunda kammermúsík og meðleik.
„Ég veit að þetta nám er mjög gott í London og
ég þekki kennara þar. Námið er mikið til með-
leikur með söng, það er sérhæfingin í náminu,
en líka kammermúsík í öllum sínum myndum.“
Eva Þyri segir það ekki alveg liðna tíð að það
þyki ekki eins fínt að fara í kammermúsík eins
og að verða einleikari. „Þetta nám er hins vegar
miklu fjölbreyttara og maður fær meira að
gera. Ég er búin að klára einleikarapróf en ég
sé það starf ekki fyrir mér sem lifibrauð.
Kammermúsíkin er líka skemmtileg og margir
möguleikar í boði.“ Eva Þyri hlakkar líka til að
dvelja í stórborginni; þar er jú hægt að sækja
tónleika eins og manni sýnist … „maður þarf nú
samt líka að gefa sér tíma í að æfa sig,“ segir
hún og hlær.
En hvaða gjafmilda fólk stendur að Minning-
arsjóðnum?
Skömmu eftir að Birgir Einarsson apótekari
lést 30. nóvember 1994 ákvað ekkja hans, frú
Anna Einarsson, að stofna sjóð til minningar
um hann. Aldrei kom annað til greina en að
sjóðurinn yrði helgaður tónlist sem verið hafði
snar þáttur í lífi Birgis allt frá blautu barns-
beini. Tónlistin var samgróin honum alla tíð,
þótt hann spilaði ekki sjálfur á hljóðfæri.
Meðal fyrri styrkþega má nefna Ástríði Öldu
Sigurðardóttur, Víking Heiðar Ólafsson og
Guðrúnu Dalíu Salómonsdóttur.
Þrír ungir og efnilegir píanóleikarar fá styrki úr Minningarsjóði um Birgi Einarsson
Þetta er gífurlegur heiður
Draumur að veruleika Eva Þyri Hilmarsdótt-
ir segir að styrkurinn komi sér vel.
Eric Hattan, Hildigunnur Birg-
isdóttir, Hreinn Friðfinnsson,
Kristinn G. Harðarsson, Magnús
Pálsson, Sigurður Guðjónsson,
Þóra Sigurðardóttir og Sólveig
Aðalsteinsdóttir, sem jafnframt
er sýningarstjóri.
Þau sýna: