Morgunblaðið - 07.08.2008, Blaðsíða 32
Tískan er mögnuð,
bjórinn enn bannaður,
nektardans er í alvörunni
listgrein og leigubíll kostar
bara 350 … 34
»
reykjavíkreykjavík
Eftir Ásgeir H. Ingólfsson
asgeirhi@mbl.is
KLUKKAN var hálfníu á laug-
ardagsmorgni þegar Snæbjörn Arn-
grímsson, forleggjari hjá Bjarti og
dönsku útgáfunni Hr. Ferdinand,
hélt með fjölskyldu sinni til Kastrup
þaðan sem leiðin lá til Ítalíu. Þau
voru stödd í lest á leið til flugvall-
arins þegar piltur nokkur gefur sig á
tal við Snæbjörn.
„Hann spyr mig á ensku hvort
þetta sé Nörreport og svo heldur
hann áfram að þvæla eitthvað í mér
með ansi furðulegum spurningum.
Og á meðan ég, Susan og krakkarnir
erum öll að fylgjast með þessu sam-
tali kemur maður aftan að okkur og
tekur töskuna, en við uppgötvuðum
ekkert fyrr en á Kastrup,“ segir
Snæbjörn, en tvær fartölvur voru í
töskunni.
Þegar þau fóru á lögreglustöðina
þóttu lögregluþjónunum aðferðirnar
kunnuglegar. „Þetta er trikk sem
þeir nota mikið, fá menn inn í ein-
hver samtöl sem meika engan sens,
maður verður upptekinn af ein-
hverju rugli á meðan maður er
rændur af samstarfsmanni blaðr-
arans.“
Matreiðslubók endurgerð
En sem betur fer glötuðust engin
meistaraverk. „Það hefur verið rúm-
lega 48 klukkustunda vinna að end-
urgera pdf-skjal af bók sem er að
fara í prentun til Ítalíu, Silfurskeið-
inni, ítalskri matreiðslubók – ég átti
ekki back-up af nýjustu útgáfunni.
Þá týndi ég líka kápu af nýjustu
Steve Larson-bókinni, en ég mundi
utan að hvernig ég hafði gert hana,“
segir Snæbjörn sem átti afrit af öll-
um öðrum gögnum tölvunnar.
Hins vegar voru einhver handrit í
tölvunni sem forleggjarinn ætlaði að
lesa syðra, eitthvað sem gæti vissu-
lega dúkkað upp hvar sem er núna.
Það er nóg að gera hjá Snæbirni
þessa dagana með Hr. Ferdinand,
en þrátt fyrir að vera fluttur út þá
fer samt enn þá mestur tími í bóka-
útgáfuna Bjart, enda skapi fjar-
lægðin ekki svo stór vandamál leng-
ur, nú á netöld.
Fartölvu forleggjara stolið
Snæbjörn Arngrímsson lenti í hremmingum á leið til Ítalíu
Morgunblaðið/Þorkell
Fyrirhyggja Snæbjörn var með afrit af flestu sem var á tölvunum tveimur.
Eins og fram
kemur í viðtalinu
við Eyþór Inga
hér til hliðar á
síðunni, verður
ekki lagt í aðra
þáttaröð af Band-
inu hans Bubba á næsta ári. Sam-
kvæmt heimildum Morgunblaðsins
standa hins vegar yfir þreifingar á
Stöð 2 um nýja þætti sem snúast um
hæfileikaleit, og freistandi er að
ætla að hér sé um að ræða íslenska
útgáfu af America’s Got Talent,
þáttum sem hafa leitt af sér svæð-
isbundnar útgáfur um heim allan
og eru nú yfir tuttugu lönd búin að
tryggja sér rétt á að framleiða eig-
in útgáfu af sögðum þætti. Það er
að sjálfsögðu hinn mikli meistari
hæfileika- og raunveruleikaþátta,
Simon Cowell, sem er höfundur að
þáttunum. Ef miðað er við óhemju-
miklar vinsældir Idol og X-Factor
hér á landi, eigum við Íslendingar
ekki þennan þátt hreinlega skilið?
Ný hæfileikaleit í und-
irbúningi á Stöð 2?
Athyglisverð umræða hefur
skapast á bloggsíðu bassaleikarans
Jakobs Smára Magnússonar. Málið
hófst á því að Jakob kallaði hljóm-
sveitina Ingó & Veðurguðina „það
versta sem komið hefur fram í ís-
lenskri dægurlagatónlist [...] síðan
Árni Johnsen opnaði fyrst á sér
munninn með gítar að vopni.“
Fjöldi fólks hefur skrifað at-
hugasemdir, þar á meðal Jens Guð
sem segir að hljómsveitir á borð við
Í svörtum fötum og Á móti sól séu
einnig „þunnur þrettándi“. Magni
Ásgeirsson svarar Jens fullum
hálsi og segir m.a. að Á móti sól
hafi spilað fyrir 15 þúsund manns í
Eyjum. Áhugasamir geta kynnt sér
málið á jakobsmagg.blog.is.
Þunnur þrettándi?
Eftir Arnar Eggert Thoroddsen
arnart@mbl.is
„PLATAN er í bígerð,“ segir Eyþór við blaða-
mann, talandi frá Sundlaug Dalvíkur, þar sem
hann er við störf. Eyþór sigraði í þættinum
Bandið hans Bubba með glæsibrag í vor en dvel-
ur nú á heimaslóðum þar sem hann undirbýr
sína fyrstu breiðskífu en hún mun einvörðungu
innihalda frumsamið efni.
Náttúrulegur gangur
„Ég er að vinna í efni í heimahljóðveri hér fyr-
ir norðan,“ segir Eyþór.
„Svo þegar Fiskidagurinn mikli er að baki
kem ég suður og ætla að taka eitthvað upp. Ég
er að gramsa í demóum og svona.“
Eyþór segist enn ekki geta sagt til um útgáfu-
dag eða útgefanda og leggur áherslu á að hann
sé ekkert að flýta sér við þetta.
„Ég læt tónlistina leiða mig áfram og passa
mig að vera ekki að setja mig í neinar stellingar
gagnvart henni. Það er ekki mitt að ákveða að
þetta eigi að vera svona eða hinsegin eða þá að
neyða fram einhverja áferð eða stíl. Það er mik-
ilvægt að þetta hafi sinn náttúrulega gang.“
Eyþór segir minnsta mál að semja lög, þau
komi óheft úr honum en erfiðara sé með textana.
„Maður er svona að klastra þeim saman. Það
gengur fremur erfiðlega. Hugsanlega sækir
maður sér einhverja aðstoð í þeim efnum.“
Fordómar
Eyþór segir að þátturinn hafi eðlilega opnað
ýmsar leiðir fyrir sig og gert sig að nafni, t.a.m.
sé mun meira að gera í spileríi hjá honum í dag
og hann er búinn að vera iðinn við kolann í sum-
ar, bæði einn og svo með blúsbandi frá Ólafs-
firði.
„Þar höfum við verið að taka frumsamið efni í
bland við ábreiður.“
Eyþór segir að þátturinn hafi þannig breytt
ýmsu í sínu lífi en um leið finni hann fyrir vissum
fordómum sem sigurvegarar í viðlíka sjónvarps-
þáttum hafa þurft að kljást við.
„Að því leytinu til er þetta sem tvíeggjað
sverð,“ segir hann. „Ég þarf að eyða þeim for-
dómum og svo þarf ég líka að vinna að því að
skapa mér nafn. Og það er verkefni sem ég er að
fara í á næstu mánuðum.“
„Tónlistin leiðir mig áfram“
Eyþór Ingi Gunnlaugsson, sigurvegari í Bandinu hans Bubba, undirbýr sína
fyrstu plötu sem út kemur á næsta ári Segir textagerðina erfiðasta þáttinn
Morgunblaðið/Hjálmar S. Brynjólfsson
Náttúrulegur Eyþór Ingi leyfir hlutunum að hafa sinn gang í undirbúningi fyrstu plötu sinnar.
„Það verður ekki plata á þessu ári,“ segir Páll
Eyjólfsson, Palli Papi, umboðsmaður Eyþórs.
„Hún kemur út á næsta ári, það get ég hins veg-
ar staðfest.“
Páll segir að vinna í málum Eyþórs standi nú
yfir og hann muni ekki fara framhjá fólki í haust.
„Við ætlum að gefa út smáskífur reglulega,
líkt og við gerðum með „Hjartað þitt“ (lag sem
kom út í vor og er eftir Bubba Morthens).“
Palli segir það ekki ákveðið hvort og hvernig
Bubbi komi að væntanlegri breiðskífu en hann
fylgist hins vegar náið með Eyþóri. Páll hafnar
því að það verði of seint að plata komi ekki út
fyrr en á næsta ári.
„Ég hef ekki nokkrar áhyggjur af því að hann
gleymist eða detti upp fyrir,“ segir hann.
„Ekki nokkrar. Við skulum ekki gleyma því að
drengurinn er ekki nema átján ára gamall. Hann
hefur gríðarlega hæfileika og þetta á ekki að
vera neitt kapphlaup. Hann flytur í borgina í
haust og við ætlum að vinna þetta hægt og bít-
andi í vetur.“
Hvort að hér sé komin næsta ofurstjarna Ís-
lands segist Páll ekki vera yfirlýsingaglaður
maður.
„En hann hefur það sem þarf til. Það er alveg
klárt.“
Í öðrum fréttum, en tengdum, staðfesti Þór
Freysson, framleiðandi þáttanna Bandið hans
Bubba að ekki yrði framhald af þættinum.
Gríðarlegt efni