Morgunblaðið - 07.08.2008, Side 4

4 FIMMTUDAGUR 7. ÁGÚST 2008 MORGUNBLAÐIÐ
FRÉTTIR
Ekki alls
staðar
samband
ÞRÁTT fyrir fréttatilkynningu um
að Síminn og Fjarskiptasjóður hafi
komið á símasambandi á öllum
hringveginum finnast enn kaflar
án sambands.
„Það eru dauðir punktar á stöku
stað,“ segir Jóhannes Tómasson,
upplýsingafulltrúi samgöngu-
ráðuneytisins. Hann segir algeng-
ustu skýringuna þá að vegarkafl-
inn liggi þannig að hann lendi í
skjóli eða lægð. „Oft er nægilegt að
fara út úr bíl með símann til að ná
sambandi, fara upp á næstu hæð á
vegi eða víkja aðeins frá vegi til að
fá samband,“ útskýrir Jóhannes,
sem segir að verið sé að kanna hve
margir blettirnir séu. Hver sam-
bandslaus kafli sé þó ekki stór, ein-
ungis 50-100 metra langur.
Í útboði Fjarskiptasjóðs voru
skilgreindar lágmarkskröfur um
að GSM-þjónusta yrði veitt á 90-
97% hringvegarins. Vika er síðan
boðað var til blaðamannafundar í
Norðurárdal í tilefni þess að „GSM-
væðingu hringvegarins [lauk] þeg-
ar Síminn hf. [kveikti] á nýjum
sendi“, eins og sagði í frétta-
tilkynningu. Á fundinn mætti sam-
gönguráðherra ásamt forstjóra
Símans og voru þeir sammála um
að farsímasamband á hringveg-
inum væri mikilvægt öryggistæki
fyrir vegfarendur. „Töluvert hefur
skort á að samband náist á þjóð-
vegum og á hellstu fjallvegum og
því er það okkur mikil ánægja að
ljúka þessu verki og gefa lands-
mönnum færi á að ferðast hringinn
í kring um landið í góðu sam-
bandi,“ sagði Sævar Freyr Þráins-
son, forstjóri Símans.
andresth@mbl.is
Oft er nóg að stíga
út úr bílnum
„VIÐ tæmum laugarnar einu sinni á ári og þá er
hreinsað og dyttað að, botninn og brúin stillt af
og farið yfir flísar og fúgur,“ segir Ásgeir Sig-
urðsson, rekstrarstjóri Laugardalslaugar, um
það starf sem nú er unnið í tómri innilauginni.
Hann segir viðhaldið í ár með hefðbundnum
hætti. Það væsti ekki um Inga Björn Kárason og
Denis Grbic á botni laugarinnar þegar ljósmynd-
ara bar að garði. skulias@mbl.is
Morgunblaðið/Kristinn
Vinna hörðum höndum á sundlaugarbotni
Eftir Andrés Þorleifsson
andresth@mbl.is
AÐ SÖGN Kjartans Þorkelssonar,
sýslumanns á Hvolsvelli, mun fara
fram lögreglurannsókn á því hvort
lög hafi verið brotin við flutning á
fólki með bátum milli Bakkafjöru í
Landeyjum og Vestmannaeyja um
verslunarmannahelgina.
Eins og fram kom í Morgunblaðinu
í gær voru dæmi um að fólk greiddi
allt að 7.000 krónur fyrir ferð til Eyja.
Ferðin hófst við ósa Markarfljóts þar
sem 6-8 fóru saman án nokkurs björg-
unarvestis í lítinn gúmmíbát. Honum
var síðan siglt að trillu og þurfti fólkið
að stökkva milli bátanna.
Fleiri á ferðinni til Eyja
Morgunblaðið hefur heimildir fyrir
því að um helgina hafi fleiri boðið upp
á bátsferðir til Eyja en þeir sem hér
er rætt um. Þannig hafi tveir litlir
bátar strandað í Bakkafjöru og sé
annar báturinn ónýtur eftir strandið.
Eigandi ónýta bátsins segir öldu hafa
komið á hann og hafi báturinn við það
strandað. Segist eigandinn, sem er
reyndur sjómaður, hafa farið þrjár
ferðir með kunningja sína til Eyja og
hafi sex verið um borð í hverri ferð.
Hafi þeir allir verið vel búnir örygg-
isbúnaði. Inntur eftir því hvers vegna
hann hafi auglýst ferðirnar á netinu,
þar sem hver bátsferð var sögð kosta
2.500 krónur á mann, segir hann að
aðstæður hafi breyst og auglýsingin
með. Aldrei hafi verið ætlunin að
hagnast á bátsferðunum og það hafi
hann heldur ekki gert.
Haft var samband við tvo Eyja-
menn sem stóðu að flutningunum sem
um var fjallað í gær, en hvorugur
þeirra vildi tjá sig frekar um málið við
Morgunblaðið.
Lögregla í siglingamál
 Lögreglan á Hvolsvelli hefur rannsókn á því hvort lög hafi verið brotin með því
að sigla með fólk frá Bakkafjöru í Landeyjum til Vestmannaeyja um helgina
Í HNOTSKURN
»Að sögn Helga Jóhann-essonar, hjá Siglingastofn-
un, þurfa skip í farþegaflutn-
ingum að hafa farþegaleyfi.
»Eitt skip, Herjólfur, hefurleyfi til að sigla með far-
þega til Vestmannaeyja.
»Lögreglan á Hvolsvellirannsakar nú hvort lög
hafi verið brotin í siglingunum
til Vestmannaeyja um versl-
unarmannahelgina.Morgunblaðið/Brynjar Gauti
Siglingar Aðeins Herjólfur hefur leyfi til að sigla með farþega til Eyja.
Eftir Þorbjörn Þórðarson
thorbjorn@mbl.is
BRESKA lávarðadeildin hefur
neitað að taka fyrir erindi Hann-
esar Hólmsteins Gissurarsonar
vegna meiðyrðamáls Jóns Ólafs-
sonar, sem hann höfðaði gegn
Hannesi í Bretlandi. Lagalávarð-
arnir svonefndu eru efsta dómstig
Bretlands.
Þessi ákvörðun lávarðadeildar-
innar, sem er órökstudd, þýðir það
að Jón getur farið af stað með upp-
haflega málsókn sína gegn Hann-
esi. Hann getur nú farið með málið
fyrir undirrétt og gert kröfu um
skaðabætur vegna meiðyrða þrátt
fyrir að yfirréttur [The Royal High
Court] hafi í desember 2006 ógilt
upprunalegan dóm sem Jón aflaði
sér fyrir undirrétti sumarið 2005,
því með sínum dómi veitti yfirrétt-
urinn Jóni jafnframt undanþágu
frá því að birta stefnu.
Leystu Jón undan skyldu
„Með því að veita undanþáguna
þá leysti dómurinn Jón undan
þeirri skyldu að birta stefnu. Dóm-
urinn gerði þetta á grundvelli sér-
reglu í breskum réttarfarslögum
sem dómurinn taldi að væri til
staðar. Þessi regla er í algjöru
ósamræmi við íslenskar réttar-
farsreglur,“ segir Heimir Örn Her-
bertsson, lögmaður Hannesar.
Hannes áfrýjaði þeirri niðurstöðu
yfirréttarins frá 2006 að veita Jóni
undanþágu og áfrýjunardómstóll
[court of appeals] staðfesti ákvörð-
un yfirréttar um undanþáguna.
Hannes fór í kjölfarið þess á leit
við lávarðadeildina að hún kannaði
hvort breskar reglur heimiluðu að
undanþágan væri veitt. Nú hafa lá-
varðarnir hafnað því að taka erindi
hans fyrir.
„Málið er einfaldlega það að ef
Hannes hefði beðist afsökunar
bréflega á sínum tíma, eins og ég
bauð honum í upphafi, þá hefði
þetta aldrei þurft að fara þessa
leið,“ segir Jón Ólafsson. „Ég vona
að Hannes velji þá leið að semja.
Annars fer málið að öllum líkindum
af stað á ný,“ segir hann jafnframt.
Jón segir kostnað sinn vegna
málarekstursins verulegan. „Ég
hef borið minn kostnað en ég hef
auk þess þurft að greiða lögmanns-
kostnað Hannesar fram að því er
dómur yfirréttar féll í desember
2006, ef minni mitt brestur ekki.“
Lávarðar höfnuðu kröfu Hannesar
Jón
Ólafsson
Heimir Örn
Herbertsson
 Jón getur haldið málarekstri áfram
 „Hefði aldrei þurft að fara þessa leið“
Hannes birti á þáverandi vef-
síðu sinni, www.hi.is/~hann-
esgi, skrif á ensku þar sem
hann vísaði til umfjöllunar dag-
blaða um að Jón hefði hagnast
á fíkniefnaviðskiptum. Jón gat
sýnt fram á tjón á Englandi og
gekk útivistardómur sumarið
2005. Sá dómur var síðan ógilt-
ur af yfirrétti [The Royal High
Court of Justice] í desember
2006, þar sem stefna hafði ekki
verið réttilega birt. Dómurinn
beitti hins vegar um leið sér-
reglu sem heimilaði Jóni að
halda málarekstrinum áfram.
Rót og framvinda
HUGARAFL, samtök fólks í bata
sem átt hefur við geðræna erfiðleika
að stríða, efnir til þögulla mótmæla á
morgun, föstudaginn 8. ágúst, við
kínverska sendiráðið á Víðimel 29, á
milli klukkan 13.00 og 13.30. Kveikj-
an að mótmælunum er afstaða kín-
verskra yfirvalda til geðfatlaðra í
tengslum við Ólympíuleikana, sem
settir verða í Peking á föstudaginn.
Fyrir skömmu gáfu stjórnvöld í
Peking út tilmæli í 57 liðum til gesta
á leikunum þar sem eru nefndir þeir
hópar sem eru „óvelkomnir“ til Kína.
Á þeim lista er m.a. fólk með geð-
sjúkdóma. Þessu vill Hugarafl mót-
mæla með þögulli samstöðu.
Hugarafl
mótmælir