Morgunblaðið - 17.08.2008, Blaðsíða 2
FRAMKVÆMDUM við endurbyggingu efri
hluta Skólavörðustígs lauk í gær. Af því tilefni
efndu verslunareigendur til hátíðar í sam-
vinnu við Reykjavíkurborg og Ístak og má hér
sjá Eggert Jóhannsson feldskera gera sig klár-
an fyrir hátíðarhöldin. Sett var snjóbræðsla í
götu og gangstéttir og er þar með komið sam-
fellt upphitað göturými frá Skólavörðuholti
niður í Kvos. Þá voru göturnar endurnýjaðar
ásamt lögnum veitufyrirtækja. Framkvæmdir
hófust í byrjun mars og voru verklok upp-
haflega áætluð 31. júlí þannig að verkið hefur
dregist nokkuð. Í verkið fóru m.a. 1.600 fer-
metrar af malbiki, 300 metrar af vatnslögnum
og 250 metrar af fráveitulögnum.
Morgunblaðið/Friðrik
Skólavörðustígurinn tekur stakkaskiptum
2 SUNNUDAGUR 17. ÁGÚST 2008 MORGUNBLAÐIÐ
FRÉTTIR
Morgunblaðið Hádegismóum 2, 110 Reykjavík. Sími 5691100 Fréttir frett@mbl.is Fréttastjórar Sunna Ósk Logadóttir, sunna@mbl.is Egill Ólafsson, egol@mbl.is Viðskipti vidsk@mbl.is Björgvin Guðmundsson, fréttastjóri, bjorgvin@mbl.is Daglegt líf Anna Sigríður Einarsdóttir,
annaei@mbl.is, Bergþóra Njála Guðmundsdóttir, ben@mbl.is Menning menning@mbl.is Fríða Björk Ingvarsdóttir, ritstjórnarfulltrúi, fbi@mbl.is Umræðan | Bréf til blaðsins Guðlaug Sigurðardóttir, ritstjórnarfulltrúi, gudlaug@mbl.is Minningar mbl.is/sendagrein, Stefán Ólafsson,
Arnór Ragnarsson Íþróttir sport@mbl.is Sigurður Elvar Þórólfsson, seth@mbl.is Víðir Sigurðsson, vs@mbl.is Sunnudagur Ragnhildur Sverrisdóttir, ritstjórnarfulltrúi, rsv@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is
Eftir Andrés Þorleifsson
andresth@mbl.is
„NÚ ER farið að ganga þokkalega,“ segir Guð-
mundur Björnsson, verkefnastjóri hjá Háfelli,
inntur eftir hvernig vinna gangi við Héðinsfjarð-
argöngin. „Við erum komnir framhjá vatnsæðinni
í Ólafsfirði. Við erum komnir í gott berg og það
gengur vel.“
Fyrri hluta ganganna, þ.e. milli Siglufjarðar og
Héðinsfjarðar, lauk í mars en nú er unnið að seinni
leggnum sem er á milli Héðinsfjarðar og Ólafs-
fjarðar. Að sögn Guðmundar er búið að sprengja
tæplega 3.500 metra frá Ólafsfirði og tæplega 900
metra frá Héðinsfirði. Samtals er þessi hluti gang-
anna 6.900 metrar og má því áætla að um 64%
hans sé nú lokið.
Þegar vel gengur eru sprengdar allt að þrjár
sprengingar á dag og mjakast verkið áfram um
fimm metra við hverja sprengingu. Stundum þarf
þó að hægja á vinnunni til að styrkja göngin. Felst
styrkingin í því að boraðir eru bergboltar og
steypu sprautað á gangaveggina.
Sem kunnugt er tafði opið berglag með miklu
vatnsrennsli verkið mjög. Þurfti að dæla sérstöku
efni í bergið til að þétta það, en venjulegt sement
kom að litlum notum þar sem vatnið var ekki nema
tæplega 2°C. Verulegur aukakostnaður fylgir því
að nota efnið en Guðmundur treysti sér ekki til að
nefna neinar tölur í því sambandi.
Hinn mikli kuldi vatnsins virðist hafa komið
mönnum í opna skjöldu en Guðmundur segir að al-
mennt megi búast við því að vatn í fjöllum sé milli
9 og 16°C.
Vinna við göngin langt á eftir áætlun
„Við höfum tafist alveg gríðarlega út af vatns-
aga Ólafsfjarðarmegin. Við erum á áætlun frá
Siglufirði en leggurinn frá Ólafsfirði er mánuðum
á eftir [áætlun],“ útskýrir Guðmundur. Hann segir
að lauslega megi áætla að þessi leggur sé sex mán-
uðum á eftir áætlun en heildarverkið um þrjá
mánuði. „Við erum að ljúka nýrri áætlun í ljósi
þessa og verður hún lögð fram á næstu tveimur
vikum. Miðað við hvernig þetta lítur út í dag erum
við komnir eitthvað fram á árið 2010,“ segir verk-
efnastjórinn spurður um verklok, sem upphaflega
áttu að vera í desember 2009. Hann ítrekar að ver-
ið sé að leita leiða til að stytta þann tíma.
Um 90-100 manns starfa að jafnaði að verkinu,
þar af milli 60 og 70 Tékkar.
Verkið er unnið af Háfelli og tékkneska verk-
takafyrirtækinu Metrostav. Að sögn Guðmundar
hefur samstarfið gengið prýðilega og ber hann
Tékkum vel söguna.
Komnir framhjá vatnsaganum
Vinna við Héðinsfjarðargöng gengur nú betur Verulegur aukakostnaður vegna mikils vatnsrennsl-
is Enn á eftir að sprengja 2.500 metra Ekki útlit fyrir að hægt sé að opna göngin fyrr en árið 2010
Í HNOTSKURN
»Skipta má gangagerðinni ítvo hluta. Fyrri hlutinn er
á milli Siglufjarðar og Héðins-
fjarðar (3.700 m) og seinni
hlutinn milli Héðinsfjarðar og
Ólafsfjarðar (6.900 m).
»Undir kvöld á föstudaginnlanga í ár var lokið við að
sprengja síðasta haftið í þeim
hluta ganganna sem liggur frá
Siglufirði og í Héðinsfjörð.
» Í upphafi var áætlaðurheildarkostnaður 7 millj-
arðar króna.
»Vinna er í höndum tékk-neska fyrirtækisins Met-
rostav og Háfells.
Morgunblaðið/Þorkell
Héðinsfjörður Vinna við göngin gengur nú vel.
SVANDÍS Svavarsdóttir, borg-
arfulltrúi Vinstri grænna, er ósátt
við að nýr meirihluti ætli að kynna
til sögunnar niðurstöðu eða sátt um
framtíð REI á aukafundi borg-
arstjórnar á fimmtudag.
„Þá eru Hanna Birna Kristjáns-
dóttir og Óskar Bergsson að kynna
sína sátt, en ekki niðurstöðu þeirr-
ar þverpólitísku vinnu sem átt hef-
ur sér stað síðustu mánuði, vegna
þess að henni er ekki lokið,“ segir
hún. „Ef þau ætla að tilkynna nið-
urstöðuna, þá eru þau að taka
stefnumótunarvinnuna úr þeim
sáttafarvegi sem hún var í.“
Svandís segir að með niðurstöðu
stýrihópsins hafi verið kveðið á um
að mikilvægt væri að klára málið í
þverpólitískri sátt. „Þar kom fram
að umfram allt ætluðum við að
halda útrásinni áfram og halda REI
áfram í 100% eigu Reykjavíkur og
sáttin yrði innan þess ramma. Ef
Hanna Birna og Óskar ætla að
kynna sátt þá er hún á milli Fram-
sóknar og Sjálfstæðisflokks, og þar
með hafa þau markað upphaf nýs
kafla í sögu REI.“ pebl@mbl.is
REI tekið
úr sátta-
farvegi?
Svandís gagnrýnir
Hönnu Birnu og Óskar
VIÐ upphaf Hólahátíðar síðastliðið
föstudagskvöld afhentu hjónin Mar-
grét Sigtryggsdóttir og Jón Að-
alsteinn Baldvinsson, vígslubiskup
Hólastiftis, Hólum að gjöf eftirgerð
af kórkápu Jóns biskups Arasonar.
Eftirgerð kápunnar gerði Ólína
Bragadóttir Weightman, sem býr í
Englandi og hefur sérhæft sig í
kirkjuútsaumi. „Mér var það strax
ljóst að með samþykki mínu var ég
að taka að mér einstætt verk, veru-
lega mikið og vandasamt og í því
myndi reyna til hins ýtrasta á hæfni
mína og þekkingu í kirkjuútsaumi,“
skrifar Ólína í upplýsingablaði um
kápuna og gerð hennar.
Vígslubiskupshjónin gefa kápuna
í minningu um dóttur sína, Sigrúnu,
tónlistarkennara, kórstjóra og org-
anista, en hún lést 35 ára að aldri
fyrir fáum árum og lét eftir sig eig-
inmann og þrjú börn. Sr. Jón Að-
alsteinn vígir kápuna og ber hana í
fyrsta sinn í hátíðarguðsþjónustu í
Hóladómkirkju í dag, sunnudag.
Hátíðarguðsþjónustan hefst í
Hóladómkirkju klukkan 14 í dag og
kl. 16.30 verður samkoma í kirkj-
unni þar sem Páll Skúlason, fyrr-
verandi rektor HÍ, flytur hátíð-
arræðu, Matthías Johannessen
skáld flytur ljóð og flutt verður ým-
is tónlist. gudni@mbl.is
Kórkápa Jóns
biskups afhent
Ljósmynd/jt
Listsaumur Ólína (t.v.) og hjónin Margrét og Jón við kápuna góðu.
Ólína Bragadóttir Weightman
hefur unnið að gerð kápunnar í
þrjú og hálft ár og varið til þess
um 3.600 vinnustundum.
Í útsaumnum eru myndir af
dýrlingum á boðungum og á
kraganum mynd af Kristi á
dómsdegi. Útsaumurinn er gull-
og blómaútsaumur, gullið á bak-
grunni og útlínum og marglitur
blómasaumur á manna- og
dýramyndum, á hlutum og gólf-
um. Notaðir eru gullþræðir og
gullperlur og undir útsaumnum
er tvöfalt og stundum fjórfalt
efni og undir gullþráðunum er
misþykkt bómullarband, ís-
lenskur lopi og filt. Frumgerð
kápunnar er á Þjóðminjasafninu
og sýnd í grunnsýningu þess.
Þrjú og hálft ár og
3.600 vinnustundir