Morgunblaðið - 23.08.2008, Page 12

12 LAUGARDAGUR 23. ÁGÚST 2008 MORGUNBLAÐIÐ
FRÉTTIR
%$&
( )* + " ,
" -" ' + 

!
"
#



  
$ %   $ $
Eftir Þorbjörn Þórðarson
thorbjorn@mbl.is
„VIÐ finnum að lántakendum með tvær fasteignir
gengur illa að selja og því var ákveðið að fara
þessa leið til þess að aðstoða þá sem koma illa út úr
núverandi aðstæðum á markaði,“ segir Einar Örn
Stefánsson, kynningar- og markaðsfulltrúi hjá
Íbúðalánasjóði.
Íbúðalánasjóður heimilar nú þeim sem eiga
tvær húseignir og hafa ekki getað selt aðra þeirra
að fresta afborgunum af lánum. Sjóðurinn heim-
ilar lántakendum að fresta greiðslum af lánum
sjóðsins á annarri eða báðum eignum. Sama rétt
eiga þeir sem eru að byggja og eru með lán hjá
Íbúðalánasjóði á nýbyggingunni eða þeirri eign
sem ekki hefur tekist að selja. Hvíli lán frá Íbúða-
lánasjóði á annarri eigninni eingöngu er hægt að
sækja um greiðslufrest á því láni.
Finna fyrir greiðsluerfiðleikum
Að sögn Einars kemur þessi breyting í kjölfar
samþykktar ríkisstjórnarinnar um að veita Íbúða-
lánasjóði 5 milljarða króna lánsfjárheimild vegna
leiguíbúða. Íbúðalánasjóður hefur fundið verulega
fyrir því undanfarið að fólk er í greiðsluerfiðleik-
um og fólk óskar í miklum mæli eftir því að lán
þess verði fryst.
Hvíli lán frá Íbúðalánasjóði á tveim eignum
verður heimilað að frysta lán á þeim báðum. Miðað
er við að fjárhæð láns að lokinni frystingu, með
áföllnum vöxtum og áætluðum verðbótum, fari
ekki yfir 90% af veðsetningu kaupverðs eignar eða
ásettu söluverði eignar. Ef kaupverð liggur ekki
fyrir á nýbyggingu er miðað við endurstofnsverð
að viðbættu lóðarmati. Þegar lán hefur verið fryst
þarf ekki að greiða fastar afborganir. Þegar fryst-
ingu er aflétt bætast vextir og verðbætur við höf-
uðstólinn og greiðslubyrði er umreiknuð.
Þetta er bundið þeim skilyrðum að fasteign hafi
verið keypt eftir 1. júlí 2007 og reynt hafi verið að
selja aðra eignina.
Íbúðalánasjóður rýmkar heimildir
 Heimilar frestun afborgana hjá eigendum tveggja húseigna  Komið til móts við
þá sem glíma við greiðsluerfiðleika  Gildir um fasteignir keyptar eftir 1. júlí 2007
Á KNATTSPYRNUÆFINGU hjá Íþróttafélag-
inu Fylki í Árbæ í vikunni reyndu þessar fimu
stúlkur færni sína í svokölluðum kóngulóar-
gangi. Þrátt fyrir að búa ekki að ríkulegum fóta-
kosti áttfætlnanna má ráða úr broshýrum andlit-
um stúlknanna að verkefnið hafi ekki vafist
mikið fyrir þeim.
Hvort þessi gangtegund nýtist hinum upp-
rennandi knattspyrnukempum á sparkvellinum
skal ósagt látið en það er næsta víst að fjöldi fóta
hefur lítið að segja í hinni göfugu íþrótt knatt-
spyrnu. skulias@mbl.is
Morgunblaðið/hag
Fótfráar Fylkisstúlkur æfa kóngulóargang
Eftir Andrés Þorleifsson
andresth@mbl.is
Í FYRRA voru 37% þeirra sem lentu
í vinnuslysum útlendingar og allir
þrír sem látist hafa í vinnuslysum á
árinu eru útlendingar. Vísbendingar
eru þó um að hlutfallið muni lækka í
ár vegna færri stórframkvæmda á
borð við Kárahnjúka, og hefur hlut-
fall útlendinga í vinnuslysum fækkað
í 27% það sem af er ári. Frá 2006
hafa sjö útlendingar látist á móti
fimm Íslendingum.
Fulltrúar stéttarfélaga sem rætt
var við voru allir sammála um að efla
þyrfti fræðslu meðal útlendinga. Þá
skýrðist slysatíðnin af skorti á
fræðslu, ólíkri starfsmenningu og
jafnvel að einhverju leyti af tungu-
málaörðugleikum.
Víða pottur brotinn
„Manni sýnist það á þessari slysa-
tíðni að það sé víða pottur brotinn í
þessum efnum,“ segir Finnbjörn A.
Hermannson, formaður Samiðnar.
Hann hefur áhyggjur af því að ann-
ars vegar séu útlendingar ekki nægi-
lega upplýstir um öryggisatriði og
hins vegar að ekki sé gengið hart
eftir að þeir noti öryggisbúnaðinn.
„Í mörgum tilfellum eru menn að
koma frá svæðum þar sem ekki er
alveg sama öryggi og hjá okkur. Það
þarf að upplýsa þá betur um hætt-
urnar hérna,“ segir Finnbjörn. Að
hans mati er lykilatriði að fræða út-
lenda starfsfólkið betur og segir
hann ábyrgðina vera atvinnurek-
enda.
Í svipaðan streng tekur Sigurður
Bessason, formaður Eflingar. Hann
segir aðalatriðið að efla upplýs-
ingaflæði til útlendinga auk þess
sem hann segir mikilvægt að gera
kröfur um öryggisreglur verktaka í
verksamningum.
Jóhanna Sigurðardóttir, félags-
málaráðherra, telur aukna slysatíðni
hjá útlendingum óásættanlega þró-
un. „Það kemur vissulega til greina
að auka skyldur atvinnurekenda í
þessum efnum. Ég mun láta fara yfir
það með Vinnueftirlitinu hvort
ákvæði laga og reglna eru fullnægj-
andi eða ekki og eins, til að tryggja
samræmingu öryggismála, hvort
ákvæði laga um skyldur verkkaupa
svara kalli tímans að þessu leyti,“
segir Jóhanna, spurð um mögulegar
auknar skyldur atvinnurekenda í
fræðslumálum.
Öðruvísi starfsmenning
ástæðan fyrir vinnuslysum?
 Stéttarfélögin vilja meiri fræðslu meðal útlendinga
Morgunblaðið/RAX
HANNA Birna
Kristjánsdóttir,
nýr borgarstjóri
Reykjavíkur,
segist ekki taka
afstöðu til þess
hvort fara eigi í
prófkjör eða upp-
stillingu, enda sé
sú ákvörðun í
höndum flokks-
manna í Reykja-
vík, þegar hún er spurð spurð
hvernig eigi að móta lista Sjálfstæð-
isflokksins fyrir næstu kosningar.
„Þegar ég var ung og var að
byrja í stjórnmálum var ég þeirrar
skoðunar að prófkjör væri leiðin.
Prófkjörsleið gerir mikið fyrir
flokkinn og skerpir hlutina. […] Því
er samt ekki að leyna að prófkjör
getur verið mjög erfitt fyrir fram-
bjóðendur. Það er með meiri þol-
raunum sem stjórnmálamenn fara í
gegnum að takast á við samherja
sína um hylli kjósenda í sama flokki.
Prófkjörin gefa frambjóðendum
hins vegar skýrasta umboðið og það
er mikilvægt fyrir stjórnmálamenn
að hafa skýrt umboð,“ segir Hanna
Birna.
Prófkjör var haldið fyrir síðustu
borgarstjórnarkosningar en stillt
var upp á listann fyrir kosningarnar
vorið 2002. Í prófkjöri ræðst nið-
urstaðan á atkvæði hins almenna
flokksmanns en í uppstillingu eru
frambjóðendur valdir af sérstakri
nefnd. thorbjorn@mbl.is
Skýrt umboð
með prófkjöri
Hanna Birna
Kristjánsdóttir
ÁGÚSTA Þorsteins-
dóttir sundkona er lát-
in 66 ára. Ágústa
fæddist í Reykjavík 17.
apríl 1942. Hún hóf að
æfa sund 1955, 13 ára
gömul. Ári síðar setti
hún 11 Íslandsmet og
vann með því gull-
merki ÍSÍ.
Ágústa keppti fyrir
Íslands hönd í 100
metra skriðsundi á Ól-
ympíuleikunum í Róm
árið 1960. Hún setti
alls 52 Íslandsmet í
sundi á ferli sínum og
var fjórum sinnum tilnefnd til
kjörs íþróttamanns ársins.
Ágústa var ein af fremstu
sundkonum Norðurlanda í sinni
grein.
Ágústa var fyrsti handhafi Páls-
bikarsins sem gefinn var af Ásgeiri
Ásgeirssyni, þáverandi forseta Ís-
lands árið 1958. Auk þess að keppa
í sundi lék hún á yngri árum
handbolta með KR.
Árið 1988, eftir
tveggja áratuga hlé
frá íþróttum, hóf
Ágústa að leika keilu
og keppti með Aftur-
göngunum. Með þeim
varð hún Íslands-
meistari 11 sinnum.
Hún lék allt til loka
síðustu leiktíðar, vor-
ið 2008.
Hún varð einnig
þrisvar sinnum Ís-
landsmeistari einstak-
linga kvenna, árin
1992, 1995 og 1996 og
setti nokkur Íslandsmet. Hún lék í
mörg ár fyrir Íslands hönd með
landsliðinu í keilu og var sæmd
heiðursmerki KLÍ á 10 ára afmæli
félagsins.
Ágústa lést á gjörgæsludeild
Landspítala 21. ágúst síðastliðinn.
Hún lætur eftir sig eiginmann,
Guðjón Þór Ólafsson og tvö upp-
komin börn.
Ágústa
Þorsteinsdóttir
Andlát