Morgunblaðið - 23.08.2008, Page 42

Ef ég ætla að hrista af
mér fýlupokastimpil-
inn dugir sjálfsagt ekkert
annað en að dansa … 43
»
reykjavíkreykjavík
Eftir Helga Snæ Sigurðsson
helgisnaer@mbl.is
KVIKMYNDIN Astrópía, Dorks &
Damsels upp á enskuna, verður
sýnd á kvikmyndahátíðinni
Fantastic Fest í Texas sem hefst 17.
september nk. Ottó Geir Borg, þró-
unarstjóri hjá kvikmyndafélaginu
Zik Zak og annar handritshöfunda
Astrópíu, segir hátíðina eina stærstu
„sci-fi/fantasíu“-kvikmyndahátíð
heims. Kvikmyndatímaritið Variety
hafi m.a. valið hátíðina eina af tíu
bestu eða skemmtilegustu kvik-
myndahátíðum heims.
Ottó Geir segir það mikinn heiður
að Astrópía hafi verið valin til sýn-
inga á þessari hátíð því þeir sem
hana sæki séu markhópur mynd-
arinnar. Auk þess verði myndin
sýnd í kvikmyndahúsi sem tímaritið
Entertainment Weekly hafi kosið
besta bíóið árið 2005, Alamo Draft-
house. Ottó segir hátíðina fjölsótta
og virtir kvikmyndagerðarmenn á
borð við Mel Gibson og Guillermo
del Toro hafi frumsýnt myndir sínar
á henni, Apocalypto og El laberinto
del fauno.
Pólland, Finnland, Kína
Þessi kvikmyndahátíð hlýtur að
vera stökkpallur fyrir dreifingu
myndarinnar?
„Jújújújú, ef hún fær góða dóma
þarna,“ svarar Ottó. „Þetta er akk-
úrat rétti staðurinn fyrir myndina.“
Ottó segir vel hafa gengið að dreifa
Astrópíu. Verið sé að sýna hana í
Póllandi og Finnlandi, 15-20 lönd
hafi sýnt myndinni áhuga og svo hafi
hann heyrt af því að hún hafi verið
seld til Kína. Salan til Kína sé
merkileg því örfáar, erlendar mynd-
ir komist í þarlend kvikmyndahús.
15 eða 20 myndir, að því er Ottó
minnir.
Hvað aðrar myndir á Fantastic
Fest varðar nefnir Ottó að leikstjór-
inn Kevin Smith ætli að frumsýna
nýjustu myndina sína á henni. Ann-
ars muni skipuleggjendur hátíð-
arinnar tilkynna 7. september hvaða
myndir verði þungamiðja hátíð-
arinnar. Vefsíða hátíðarinnar er á
www.fantasticfest.com.
Astrópía til Austin og Kína
Astrópía Leikararnir Jörundur Ragnarsson, Halla Vilhjálmsdóttir og
Snorri Engilbertsson í hlutverkum sínum í Astrópíu.
Sýnd á einni bestu kvikmyndahátíð heims, að mati Variety
 Nýjasta mynd-
in um Leður-
blökumanninn,
The Dark Knight,
var frumsýnd í
Ísafjarðarbíói á
þriðjudaginn. Það
væri svo sem ekki í frásögur fær-
andi nema fyrir þá staðreynd að
stöðva þurfti sýninguna þegar í ljós
kom að eintakið sem barst að sunn-
an var gallað. Frá þessu er greint á
fréttavef Bæjarins besta á Ísafirði.
Að sögn Gróu Böðvarsdóttur hjá
Ísafjarðarbíói var filman ónýt og
hljóðið ekki sem skyldi, og því var
ákveðið að stöðva sýningu mynd-
arinnar. Samkvæmt tilkynningu
frá Ísafjarðarbíói hefur fengist
nýtt eintak og hefur það þegar ver-
ið prófað. Eintakið er í fullkomnu
lagi og hafa sýningar því aftur ver-
ið hafnar samkvæmt áður aug-
lýstum sýningartímum. Batman
flýgur því vængjum þöndum um
Vestfirðina um þessar mundir og
Ísfirðingar geta notið djúprar og
flottrar raddar hans – í full-
komnum gæðum.
Batman var bilaður,
en nýr kom í staðinn
 Það verður án efa spenna í lofti
þegar Sálin hans Jóns míns stígur
á svið á Nasa í kvöld. Nasa-gigg
Sálarinnar eru þekkt fyrir læti, hita
og svita og víst er að menningu og
ómenningu ýmiskonar verður miðl-
að þar fram á rauða nátt. Boðið
verður upp á óvæntar uppákomur í
bland við sprengjur og confetti, og
nýja Sálarlagið, „Það amar ekkert
að (ég get svo svarið það)“, verður
flutt í fyrsta skipti innan borg-
armarkanna. Fregnir herma að
lagið verði tileinkað fráfarandi
borgarstjórn, en að landstjórnin fái
afganginn af kveðjunni, ef einhver
verður. Nánari upplýsingar má
finna á nasa.is.
Sálin og borgarstjórn
VILHELM Anton Jónsson eða Villi naglbítur
eins og hann er einatt kallaður segist hafa fengið
hugmyndina um að lúðravæða hljómsveit sína
fyrir fullu ári.
„Það var síðan í desember sem ég sendi tölvu-
póst á síðuna ludrasveit.com,“ rifjar Villi upp.
„Pósturinn var á þessa leið: „Ég heiti Villi. Sím-
inn minn er xxx, látið stjórnandann hringja í
mig.“ Nú, hann gerði það og var í miklum gír
gagnvart verkefninu. Og þá gíraðist ég auðvitað
enn meira upp sjálfur!“
Villi og félagar hans í bandinu, bróðir hans
Kári og Benedikt Brynleifsson (sem kom inn sem
trommari fyrir þriðju plötu sveitarinnar, Hjarta-
gull) fóru óðar að vinna í efni sveitarinnar og
hafa fengið til sín fimm útsetjara til að vinna lög-
in. Tíu laga plata verður síðan gefin út í haust
með þekktustu lögum sveitarinnar í lúðrasveit-
arbúningi. Bæði er hún til að marka tíu ára út-
gáfuafmæli sveitarinnar (fyrsta plata sveit-
arinnar, Neondýrin, kom út 1998) og líka að
fyrir fimmtán árum síðan sigraði sveitin í hljóm-
sveitakeppninni Glerárvision sem haldin var á
Akureyri.
„Það er líka verið að vinna heimildarmynd í
kringum þetta,“ segir Villi. „Og þá hefur fjölgað
gríðarlega í lúðrasveitinni síðan verkefnið fór í
gang, telur hún nú 45 manns.“
Útvíkkun
Villi segir að allir séu að víkka út hljóminn um
þessar mundir fyrir tilstuðlan sinfóníusveita,
gospelhópa og stórsveita. Hann hafi langað til að
gera eitthvað svipað en fara ögn öðruvísi leið að
þessu.
„Og Naglbítalögin henta vel í þetta form,
þetta eru stór og dramatísk lög. Úr því að Sinfó
hringdi ekki í mig varð ég bara að fara af stað
sjálfur (hlær). Það er búið að vera mjög gaman
að vinna þetta í grasrótinni ef svo mætti segja,
þetta er áhugamannasveit og fólkið kemur á æf-
ingar eftir vinnu, af einskærum áhuga.“
Rokksveitin 200.000 naglbítar hefur þá verið
endurræst eftir að hafa verið í hýði í fjögur ár og
því ber að fagna. Einstakur og ástríðufullur sam-
söngur þeirra Villa og Kára ofan í melódískt og
öflugt rokkið var með því allra besta sem gerðist
í íslensku popprokki á sínum tíma.
„Ég er ekki með nein lög samt,“ segir Villi og
glottir. „Þetta var mjög mismunandi hvernig við
unnum þetta, fyrsta platan var auðvitað með
uppsöfnuðu efni en plötu númer tvö þarftu að
vinna frá grunni einhvern veginn.“
Villi viðurkennir að hann hafi verið orðinn
þreyttur undir rest, þó að bandið hafi aldrei ver-
ið formlega lagt niður.
„Æfingar voru farnar að snúast meira um að
halda sér við, frekar en að skapa eitthvað nýtt.
Þetta var meira eins og vinna. Svo voru menn
bara komnir í annað eins og gengur.“
Villi segist hins vegar hafa orðið fyrir ákveð-
inni opinberun fyrir stuttu og nú séu menn
komnir með annað og meira gefandi viðhorf til
sveitarinnar.
„Ég hef verið tvístígandi í gegnum tíðina með
það hvort ég á að vera alveg í tónlistinni eða
ekki. Svo fór ég á tónleika á dögunum og fattaði
þá hvað tónlist getur verið frábær. „Hvað er ég
að hugsa?“ sagði ég þá við sjálfan mig. „Ég er
tónlistarmaður. Þetta er það sem ég á að vera að
gera.“
Villi segist stoltur af Nagblítunum þegar hann
horfir til baka.
„Við vorum aldrei endilega í takt við það sem
var að gerast. Við spáðum t.d. aldrei í útlönd,
þetta var og er íslensk tónlist. Við stóðum alltaf
með okkur og þegar ég hlusta á þessar gömlu
plötur þá hríslast ánægjutilfinning um mig. Við
bara gerðum okkar dót, eitthvað sem verður í
heiðri haft þegar við förum að leggja drög að
nýju efni.“
Með lúðrablæstri og söng
 200.000 naglbítar leika sín þekktustu lög ásamt Lúðrasveit verkalýðsins
á Menningarnótt  Naglbítarnir aftur komnir í gang og nýtt efni í smíðum
Morgunblaðið/hag
Másið og blásið Villi og Kári naglbítar á fullri ferð ásamt 45 lúsiðnum lúðraþeyturum.
Eftir Arnar Eggert Thoroddsen
arnart@mbl.is
Tónleikarnir eru í Hafnarhúsinu kl. 21.45. Hljóm-
sveitin Árstíðir er sérstakur gestur og hefur hún
leik kl. 21.