Morgunblaðið - 19.09.2008, Blaðsíða 13

MORGUNBLAÐIÐ FÖSTUDAGUR 19. SEPTEMBER 2008 13
Skógarhlíð 18 • sími 595 1000 • www.heimsferdir.is
Munið Mastercard
ferðaávísunina
Birt með fyrirvara um prentvillur. Heimsferðir áskilja sér rétt til leiðréttinga á slíku.
Ath. að verð getur breyst án fyrirvara.
Prag
2. október
frá kr. 49.990
Nú er upplagt að skreppa til Prag og njóta haustsins í
þessari einstaklega fögru borg. Bjóðum frábært sértilboð
á Hotel Ilf og Hotel Pyramida á ótrúlegum kjörum. Haustið
í Prag er einstakt og frábært að heimsækja borgina.
Gríptu tækifærið og skelltu þér til Prag og njóttu góðs
aðbúnaðar í ferðinni.
Ath. aðeins 10 herbergi í boði á þessum kjörum.
M
bl
10
47
58
5
Verð kr. 49.990 - helgarferð
Netverð á mann, m.v. gistingu í tvíbýli með morgunverði í 3 nætur á Hotel Ilf
með morgunmat. Aukagjald fyrir einbýli kr. 8.000. Gisting á Hotel Pyramida
kr. 54.990. Aukagjald fyrir einbýli kr. 15.000.
Frábært helgartilboð - Aðeins 10 herbergi í boði!
Eftir Björn Jóhann Björnsson
bjb@mbl.is
ÞEIR talsmenn viðskiptabank-
anna sem náðist í í gær kannast
ekki við að sparifjáreigendur séu
farnir að ókyrrast; að taka út fé af
reikningum eða færa þá á milli, í
því ölduróti sem er á fjár-
málamörkuðum.
„Við verðum ekki vör við sér-
stakar hreyfingar eða tilfærslur á
sparifé,“ segir Már Másson, for-
stöðumaður samskiptasviðs Glitn-
is, og bætir við að spariinnlán hafi
aukist jafnt og þétt hjá bankanum.
Spurður um hvaða ráðgjöf sé
verið að veita segir Már hana vera
einstaklingsbundna og fara eftir
aðstæðum hvers og eins. Fólk
þurfi að taka mið af sínum að-
stæðum; efnahag, tekjum, aldri og
fleiru.
„Við leggjum mikla áherslu á að
veita viðskiptavinum okkar ráðgjöf
hvað þetta varðar. Glitnir býður
upp á ýmis innlánsform og ýmsar
gerðir sjóða með dreifðri áhættu.
Vextir eru mjög hagstæðir á al-
mennum innlánsreikningum bank-
ans,“ segir Már en hæstu óverð-
tryggðu vextir hjá Glitni fyrir
hærri fjárhæðir eru 16,45% í svo-
kölluðu Vaxtaþrepi. Þá er Glitnir
með annan innlánareikning, Save-
&Save, sem ber 15% vexti án til-
lits til upphæðar innstæðu.
Mælt með verðtryggðum
Már segir að raunávöxtun
sveiflist að sjálfsögðu mikið með
verðbólgu. „Þótt ákveðið verð-
bólguskot sé að ganga yfir um
þessar mundir hafa óverðtryggðir
innlánsreikningar gefið góða
ávöxtun. Sumir kjósa frekar verð-
tryggð innlán en hafa ber að í
huga þau eru bundin til þriggja
ára,“ segir Már.
Spurður um hvað starfsmenn
Kaupþings ráðleggja sparifjáreig-
endum um þessar mundir, segir
Benedikt Sigurðsson, upplýsinga-
fulltrúi bankans, að fólki sé ráð-
lagt að geyma peninga á verð-
tryggðum reikningum.
„Við núverandi aðstæður eru
verðtryggðir reikningar og pen-
ingamarkaðsreikningur góðir kost-
ir,“ segir Benedikt en bendir á að
hafa þurfi í huga hversu lengi eða
hvort fólk getur haft peningana
bundna.
Hæstu vextir á hefðbundnum
óverðtryggðum innlánsreikningum
Kaupþings eru 15,55% en fyrir
stórar fjárhæðir fara vextirnir yfir
16%. Hæstu verðtryggðu vextir
eru 7,55%.
Morgunblaðið/Golli
Bankar kannast
ekki við úttektir
Verðtryggðir innlánsreikningar sagðir góður kostur í dag
Eftir Þorbjörn Þórðarson
thorbjorn@mbl.is
EF allt fer á versta veg í íslensku efnahagslífi kann að
koma til kasta Tryggingarsjóðs innstæðueigenda og
fjárfesta. Tilgangur sjóðsins er að tryggja inn-
stæðueigendum í íslenskum bönkum og sparisjóðum
tryggingavernd. Þannig að innistæður hvers og eins og
verðbréf hvers fjárfestis skuli að lágmarki tryggð fyrir
fjárhæð sem jafngildir rúmlega 20 þúsund evrum ef
banki leggst á hliðina í gjaldþroti eða öðrum greiðslu-
erfiðleikum.
„Ef kemur til útgreiðslu úr sjóðnum og innstæðueig-
andi á þrjá reikninga úr einum banka fær viðkomandi
eina greiðslu,“ segir Áslaug Árnadóttir, formaður
sjóðsins. Að sögn Áslaugar eru hjón ekki tryggð saman
þannig að þau fá greitt sjálfstætt. Ef svo ólíklega vill til
að nokkrir bankar verða gjaldþrota samtímis eiga inn-
stæður viðskiptamanna í viðkomandi bönkum að vera
tryggðar.
Tryggingarsjóður
kemur til bjargar
Morgunblaðið/ÞÖK
Lágmarkstrygging Innstæður eru tryggðar að lág-
marki fyrir fjárhæð sem jafngildir rúmlega 20 þúsund
evrum ef banki leggst á hliðina í gjaldþroti.
MENN mættu vera orðnir mjög aumir ef þeir myndu
ekki tryggja það að íslenskir innistæðueigendur í
bönkum hérlendis myndu ekki tapa sínum fjár-
munum, að sögn Davíðs Oddssonar,
formanns bankastjórnar Seðlabanka
Íslands. Í samtali í Íslandi í dag á
Stöð 2 sagðist hann ekki sjá fyrir
sér að það gæti gerst að sparifé Ís-
lendingar væri ekki tryggt.
„Ég get ekki séð fyrir mér það
ástand án þess að ég hafi rætt það
við nokkurn mann, hvorki við rík-
isstjórn né aðra. Ég get ekki séð
fyrir mér það ástand að íslensk yf-
irvöld myndu ekki tryggja inn-
lendar innistæður í bönkum. Því ef þú gerir það ekki
þá ertu búinn að tapa niður vilja manna til að spara í
næstu 20-30-40 árin.“
Hvað íslensku bankana varðar segir Davíð að þeir
hafi staðið sig betur en margir spáðu. „Þó að maður
vilji ekki hlakka yfir neinu þá voru það nú grein-
endur frá Lehman og Merrill Lynch sem töldu að
bankarnir stæðu afar illa. Þessir bankar eru þó
horfnir af sjónarsviðinu, en íslensku bankarnir standa
enn.“
Davíð segir að þó megi ekki draga fjöður yfir það
að núverandi ástand á mörkuðum sé afar erfitt ís-
lensku bönkunum. „Þeir hafa þurft að sækja fjár-
magn á markaði og menn höfðu kannski búist við því
að bankarnir þyrftu að þrauka í 5-6 mánuði. Menn
höfðu vonast til þess að þetta lagaðist um síðustu ára-
mót og svo hafa menn verið að búast við því að þetta
lagaðist frá mánuði til mánaðar og alltaf þrauka
bankarnir.“
Segir Davíð að ekki sé annað vitað en bankarnir
geti tryggt sér fjármagn inn í framtíðina. Enginn vafi
sé á því að þetta þrengi mjög þeirra hag eins og allra
annarra banka. Áður hafi menn sagt að ástandið væri
verra hér á landi en annars staðar, en nú sjái menn
að það sé ekkert annað lögmál sem gildi um íslensku
bankana en aðra banka.
Segir sparifé
Íslendinga tryggt
Davíð Oddsson
SKULDIR bandaríska fjárfesting-
arbankans Lehman Brothers og
tengdra félaga við íslensku við-
skiptabankana nema samtals um
182,6 milljónum evra, andvirði um 25
milljarða króna. Í tilkynningu frá
Fjármálaeftirlitinu segir að upp-
hæðin samsvari um 1,8% af heildar-
eiginfjárgrunni bankanna og teljist
því ekki áhyggjuefni fyrir fjár-
málakerfið á Íslandi. Um er að ræða
nánast eingöngu skuldabréfakröfur
eða ígildi þeirra en ekki áhættu í
formi hlutabréfa eða víkjandi
krafna. Þá er í tilkynningunni vakin
athygli á því að kröfurnar eru að
nokkru leyti á félög sem ekki eru í
greiðslustöðvun en tengjast Lehman
Brothers. Vænta megi þess að hluti
framangreindra krafna innheimtist.
Segir FME jafnframt að íslenskir
bankar hafi ekki sérstöðu í þessu
sambandi þar sem flestir stærri er-
lendir bankar hafi upplýst um kröf-
ur á Lehman Brothers.
Ekki teljandi áhrif
Straumur-Burðarás sendi jafn-
framt frá sér tilkynningu í gær þar
sem segir að Straumur eigi inni
tryggingainnstæður hjá félagi
tengdu Lehman Brothers að fjár-
hæð samtals 65 milljónir evra í pen-
ingum og hlutabréfum. Ekki sé ljóst
hvort og þá hve mikið Straumur
þurfi að afskrifa vegna þessa, en það
muni ekki hafa teljandi áhrif á lausa-
fjárstöðu Straums. bjarni@mbl.is
Reuters
Áhrif Gjaldþrot Lehman Brothers mun hafa víðtæk áhrif á fjármálakerfið.
Eiga 25 milljarða
kröfu í Lehman
Ekki áhyggjuefni fyrir fjármálakerfið