Morgunblaðið - 19.09.2008, Blaðsíða 23

MORGUNBLAÐIÐ FÖSTUDAGUR 19. SEPTEMBER 2008 23
Ljúfa líf Væri ekki ljúft að vera grábröndóttur köttur með iðjagræn augu, laus undan öllu krepputali og geta auk þess alltaf stólað á níu líf?
Valdís Thor Blog.is
Bryndís Ísfold Hlöðversdóttir | 18. sept.
Börn og aðrir
vinnandi menn...
Á vinnudegi leikskólaráðs
kom listamaðurinn Þor-
valdur Þorsteinsson og
flutti mjög svo innblásna
ræðu um mikilvægi þess
að skólakerfið – og við
stærri gerðin af börnum,
leyfðum börnum að vera börn lengur.
Pössuðum okkur á því að drepa ekki nið-
ur í börnunum sköpunarkraftinn og
frelsið sem þau fæðast með – sem þau
sýna í einlægri nálgun og skynjun á
heiminum. Þorvaldur telur og er miklu
betri en ég að útskýra hvers vegna, að
börn eigi að vera lengur í leikskólanum
og það eigi ekki að þvinga börn í bóklegt
nám eins snemma og við gerum.
Þessa umræðu þekkjum við vel, leik-
skólakennarar hafa í mörg ár staðið fast
á því að leikurinn skipti gríðarlegu máli í
námi barnsins – þó ekki sé um bóklegt
nám að ræða. Leikurinn ekki bara lengir
lífið og gerir það skemmtilegra heldur er
besta leiðin til að efla félagsþroska, fé-
lagsfærni og sjálfstraust barna.
Þessu er ég hjartanlega sammála - og
þó sérstaklega því sem Þorvaldur fjallaði
um varðandi ofskipulag í kringum börn -
langar stundatöflur barna frá morgni til
kvölds þar sem varla er óskipulögð mín-
úta.
Meira: bryndisisfold.blog.is
Marta B. Helgadóttir | 18. september
Lífstíls- og hjóna-
bandshagfræði
Ég rakst á frásögn í við-
skiptablaði Moggans af
niðurstöðum rannsókna
hjónabandshagfræðinga
...sem birtust á vef New
York Times. Ég hef ekki
heyrt þennan anga „hag-
fræðinnar“ nefndan fyrr og varð forvitin
að lesa lengra.
Mér fannst það skondið að lesa þess-
ar niðurstöður og gaman til þess að vita
að fólk geri sér starfsferil úr rann-
sóknum á því sem í fljótu bragði virðist
einfaldlega vera almenn skynsemi. Slík
er hagfræðin, myndu sumir segja.
Sérfræðingur í rannsóknum hjóna-
bands og skilnaðar sem þarna er sem
sagt vitnað í, segir að flestar ákvarðanir
um hvernig fólk vilji lifa lífinu feli í sér
ákvörðun um hvernig það vilji ráðstafa
peningunum sínum.
Meira: martasmarta.blog.is
Gestur Guðjónsson | 18. september
Hreint loft fyrir alla
Samgönguvika var sett
með pompi og prakt í
Foldaskóla á miðvikudag-
inn, en þetta er í 6. sinn
sem Reykjavík tekur þátt
í vikunni sem er samevr-
ópsk og taka 2000 borgir þátt í henni
að þessu sinni. Fyrir utan frábæran
söng Foldafugla var mjög skemmtilegt
að fylgjast með vistaksturskeppni tor-
færu- og rallökumanna, þar sem þeir
reyndu að komast sem lengst á lítr-
anum í ökuhermum sem Landvernd út-
vegaði.
Meira: gesturgudjonsson.blog.is
LEHMAN Brothers farinn á
hausinn, Merrill Lynch horfinn
inn í Bank of America, Sámur
frændi búinn að þjóðnýta AIG og
hlutabréf falla um allan heim með
haustlaufunum.
Hvílíkur bömmer!
Þetta hlýtur allt að vera krón-
unni að kenna. Bara ef þeir
tækju upp evruna, þá væri allt í
himnalagi.
Erlendur Magnússon
Bara ef þeir
tækju upp evru
Höfundur er bankastarfsmaður.
MIKILVÆGUR
áfangi að því að bæta
hag lífeyrisþega varð
að veruleika í vikunni
þegar ég undirritaði
reglugerð um sérstaka
lámarks-
framfærslutryggingu,
lífeyrisþegum til
handa. Samkvæmt
framfærslutrygging-
unni verða heildar-
tekjur lífeyrisþega
sem búa einir að lág-
marki 150.000 krónur
á mánuði í stað
137.000 króna áður.
Einstaklingum sem
njóta hagræðis af
heimilishaldi með öðr-
um eru hins vegar
tryggðar 128.000
króna lágmarkstekjur
í stað 112.000 áður.
Lágmarkstekjur hjóna
verða 256.000 krónur á
mánuði í stað 224.000
króna áður. Með til-
komu framfærslu-
tryggingarinnar nemur hækkun á
tekjum þeirra lífeyrisþega sem
hvað verst hafa staðið rúmum 19%
á síðastliðnum 9 mánuðum.
Lágmarksframfærslutryggingin
hækkar árlega á sama hátt og
bætur almannatrygginga og verð-
ur næsta hækkun 1. janúar 2009.
Hækkunin skal taka mið af
launaþróun en jafnframt er tryggt
að hún verði ekki minni en nemur
hækkun neysluvísitölu.
Við útreikning uppbótarinnar
eru lagðar saman allar tekjur líf-
eyrisþegans, þ.e. bætur almanna-
trygginga, uppbót á eftirlaun,
greiðslur úr lífeyr-
issjóðum, atvinnu-
tekjur og fjármagns-
tekjur. Orlofsuppbót
og desemberuppbót
er undanskilin við út-
reikning þessarar
uppbótar. Upphaf
greiðslna samkvæmt
reglugerðinni miðast
við 1. september síð-
astliðinn.
Ákvörðunin um
lágmarksframfærslu
byggist á tillögu
nefndar sem vinnur
að heildarend-
urskoðun laga um al-
mannatryggingar.
Samhliða þeirri
vinnu var nefndinni
falið að gera tillögur
til úrbóta vegna ým-
issa réttlætismála
sem þola enga bið og
snúa að bættum
kjörum þeirra sem
verst eru settir.
Lágmarkstekjur
ekki hærri í 13 ár
Mikilvægt skref
var stigið í sumar í því skyni að
tryggja lágmarksframfærslu líf-
eyrisþega þegar ellilífeyrisþegum
sem hafa litlar sem engar
greiðslur úr lífeyrissjóðum var
tryggð uppbót á eftirlaun, allt að
25.000 krónum á mánuði. Lág-
marksframfærslutryggingunni er
ætlað svipað hlutverk í að bæta
stöðu hinna verst settu, en þeir
sem njóta mests ávinnings af
breytingunni nú eru öryrkjar sem
hafa lága aldurstengda örorku-
uppbót. Áætlað er að tekjur rúm-
lega 750 örorkulífeyrisþega muni
hækka um 10.000 krónur eða
meira á mánuði, en mest getur
hækkunin numið 16.000 krónum á
mánuði. Samtals munu rúmlega
4.000 einstaklingar fá greiðslur
vegna lágmarksframfærslutrygg-
ingarinnar um næstu mánaðamót.
Um 2.100 þeirra eru ellilífeyr-
isþegar en um 1.900 eru örorkulíf-
eyrisþegar.
Á meðfylgjandi mynd má sjá
þróun lágmarkstekna lífeyrisþega
frá árinu 1995. Þar sést að með
þeirri uppbót sem nú hefur verið
ákveðin hafa lágmarkstekjur
þeirra ekki verið hærri í 13 ár.
Eftir Jóhönnu
Sigurðardóttur
»Með tilkomu
framfærslu-
tryggingarinnar
nemur hækkun
á tekjum þeirra
lífeyrisþega sem
hvað verst hafa
staðið rúmum
19% á síðast-
liðnum 9 mán-
uðum.
Höfundur er félags-
og tryggingamálaráðherra.
Vatnaskil í lífeyrismálum
aldraðra og öryrkja
Jóhanna Sigurðardóttir
Ómar Ragnarsson | 18. sept.
Eftir öll þessi ár …
Hver maður skal talinn
sýkn saka þar til sekt
hans hefur verið sönnuð.
Þessi meginregla mann-
úðlegs og réttláts réttar-
fars er oft brotin og það
eitt að vera ákærður
jafngildir því miður oft því að vera
dæmdur.
Mál Eggerts Haukdals er eitthvert
sorglegasta sakamál síðari ára, ekki að-
eins vegna þess hve ótrúlega langan
tíma það hefur tekið – alls tólf ár síðan
meint brot átti að hafa verið drýgt, –
heldur ekki síður vegna þess að stærsta
hluta þess tíma, – sjö ár, – mátti hann
lifa við það að hafa verið dæmdur sekur
af æðsta dómstóli landsins.
Nú, alltof, alltof seint, er hann loks
sýknaður eftir að hafa gengið í gegnum
dæmalausar hremmingar.
Meira: omarragnarsson.blog.is