Tímarit kaupfjelaga og samvinnufjelaga - 01.01.1911, Page 30

26
arinnar. Nýjum fjelagsmönnum er og veitt inntaka, og
því næst gengið til atkvæða um lög fjelagsins. F*á er
valin fjelagsstjórn og endurskoðendur. Fjelagsstjórnin
velur formann og varaformann úr sínum flokki; hún
velur einnig framkvæmdarstjóra, en eigi þarf hann jafn-
framt að vera í stjórnarnefnd. Tala stjórnarnefndarmanna
er jafnan látin standa á stöku, og kjósa menn helzt,
að þeir sjeu búsettir á víð og dreif meðal fjelags-
manna.
Aðalgrundvallaratriðin í bygging ensku kaupfjelaganna
— og sem öll onnur kaupfjelög ættu órjúfanlega að
fylgja — má setja þannig fram í stuttu máli:
1. Hver maður getur orðið fjelagi, hvort sem hann er
fátækur eða ríkur, og í hvaða stöðu sem hann er.
2. Hver fjelagi hefir eitt — og að eins eitt — atkvæði,
án tillits til þess sem hann hefir lagt fram sem
veltufje.
3. Rekstursfjeð útvega fjelagsmenn sjálfir, og eru
greiddir af því almennir vextir.
4. Kaup og sala fer að eins fram gegn borgun í
peningum.
5. Vörunum er úthlutað með hinu almenna söluverði,
þegar kaup eru gerð.
6. Hinum hreina ágóða er skipt meðal fjelagsmanna,
í hlutfalli við vörukaup þeirra í fjelaginu.
7. Fjelagsmenn sjálfir ráða starfsemi fjelagsins og hafa
eptirlitið, með því að velja sjálfir nægilega marga
menn í stjórn fjelagsins og kjósa endurskoðendur,
er ekki sjeu úr flokki fjelagsstjórnar.
Öll þessi atriði þarf að taka skýrt fram í fjelagslögun-
um sjálfum. Að öðru leyti er gott að sníða lögin eptir
þeim fyrirmyndum, sem almennt hafa gefið góða raun,
þar sem viðlíka hefir staðið á.*
* Á eptir þessari grein í bókinni eru prentuð kaupfjelagslög, sem
víða munu nú gilda í Danmörku, án teljandi breytinga.
5. /.