Skinfaxi - 01.11.1950, Page 7

SKINFAXI
71
í ungmennafélaginu, að .byggja samkomuhús. 1 maí
1944 var hafizt handa um bygginguna. Var verltinu
lokið 1946 og húsið vígt með hátíðlegri athöfn í sept.
það ár. Með þessari húsbyggingu var sameinað í eitt
íþrótta- samkomu- og fundarhús, og jafnframt sköpuð
skilyrði til sundiðkana á hvaða tíma árs sem er, því
húsið stendur við sundlaugina.
Hér fer nú á eftir lausleg lýsing á húsinu. Húsið
er úr steinsteypu og er stærð þess 8V2X23 m. Fyrst
er forstofa og snyrti- og hreinlætisklefar, þar yfir er
loft, þar sem m. a. er geymt bókasafnið. Þá kemur
salur, sem nær yfir breidd hússins og er um 13 m.
á lengd og síðan upphækkun, eða „sena“, þar sem
meðal annars eru haldnir smærri fundir og þar fara
veitingar fram í sambandi við samkomur. Þar undir
er kjallari, sem fyrst og fremst er í sambandi við sund-
laugina, þar eru bæði búningsklefar og böð o. fl.
í liúsinu er sjálfrennandi heitt og kalt vatn, enda er
húsið engöngu hitað með laugavatninu. Húsið hefur
ljós frá mótorrafstöð.
Um kostnaðinn er það að segja, að húsið mun nú
kosta, með öllu tilheyrandi, rúmar þrjú hundruð þús-
und krónur. Eg get nú ekki sundurliðað, hvernig sú
upphæð skiptist niður á þá sem greitt hafa, en þeir
aðilar eru: félagsheimilissjóður, hreppurinn, ungmenna-
íelagið, kvenfélagið og einstaklingar, sem m. a. lögðu
fram mikla vinnu, og svo húsið sjálft að nokkru síðan
það var tekið i notkun.
Þær raddir voru til í upphafi, en sem betur fór
fáar, sem töldu þessa byggingu ofvaxna svona fá-
mennu sveitarfélagi. Sem betur fer var það ekki á
rökum reist, vegna þess að fólkið átti þann félags-
þroska að standa svo að segja einhuga að þessu verki.
Nokkur skuld hvílir þó á húsinu enn])á, en ekki það
mikil, að hættuleg sé, þó nú fari viðsjárverðir tímar
í hönd.