Skinfaxi - 01.11.1950, Síða 22

86
SKINFAXI
því þroskatakmarki að hafa heilbrigða sál i hraustum
líkama, a.m.k. ef menn minnast þess, alltaf jafnframt,
að það er bezt tryggt með því, að gleyma því aldrei,
að líkami vor er musteri heilags anda í oss, sem vér
höfum frá Guði.
Hér verður nú í dag vígt mannvirki, sem minni oss
á eina af hinum göfugustu af öllum íþróttum, sund-
iþróttina. Það er íþrótt, sem ekki er aðeins líkamleg
æfing til þjálfunar, heldur hefur beina hagnýta þýð-
ingu, bjargar oft lifi manna, auk þess, sem hún er
fögur og heilsusamleg íþrótt. Hversu mörg væru ekki
þau mannslíf, sem bjargast hefðu, ef þessi fagra í-
þrótt hefði verið rækt á þessu landi um aldirnar sem
skyldi og hversu mörg hafa týnzt, vegna þess að
menn hafa ekki kunnað þessa íþrótt, en hefðu hæglega
getað bjargazt, ef menn hefðu kunnað hana! Það
er þvi gleðilegt, að vér erum hér í dag ekki aðeins að
hylla holla og fagra íþrótt, heldur og íþrótt, sem oft
getur bjargað mannslífum, sem annars yrðu dauðan-
um að bráð. Þessi sundlaug hér er því tákn um björg-
unarstarf, jafnframt því sem hún er tákn göfugrar í-
þróttar, sem hverjum manni er hæði hollt og gott að
kunna.
Vér viljum svo biðja Guð að hlessa æskulýð þessa
lands. Vér viljum biðja hann að blessa íþróttastarfsemi
vora. Vér biðjum hann að stuðla að því, að j)að verði
hverjum íþróttamanni áhugamál að láta íþróttirnar
styrkja og bæta skapgerð sína, um leið og jiær hjálpa
líkamanum til þroska. Vér biðjum þess, að íþrótta-
starfsemi vor vinni á þeim leiðum að skapa heilbrigðar
sálir í hraustum líkömum og að unnið verði í þeim
anda, sem alltaf man eftir því, að líkami vor er Guðs
musteri og að Guðs andi býr i oss og að í þeim anda
ber oss að starfa, er slíkri trú hæfir.
Loks viljum vér svo biðja þess, að þessi sundlaug, er
hér verður vígð í dag, verði góður áfangi í íjjrótta-