Skinfaxi - 01.11.1950, Síða 27
SKINFAXI
91
Eftir kvöldverð voru flesta dagana umræðufundir
um ýmis áhugamál ungmennafélaga.
Timinn frá hádegi til kvöldverðar var jafnan notað-
ur til að skoða nágrenni Ingesunds. Fengum við þannig
ofurlitla skyndimynd af Vermalandi og nóg til
þess að við skildum betur en áður Vermalandsvisu
Tryxells:
„Ach Varmeland du sköna, du hárliga land!
Du krona för Svearikes lánder!“
Tvo síðustu dagana tókum við þátt í miðsumar- eða
Jónsmessuhátíð með þálttakendum í landsmóti J.U.F.
í Arvika. Þessi hátíð hófst með guðsþjónustu í Arvika-
kirkju. Síðar um kvöldið hófst svo dansinn í kring um
„maistöngina“. Sérkennileg skemmtun, sem ekki þekk-
ist hér á landi.
24. júní var kveðjuhátið landsmóts J.U.F. og æsku-
lýðsvikunnar. Bæjarstjómin í Arvika bauð til mið-
degisverðar, en siðan fórum við til hátíðasvæðisins fyrir
utan safnhús borgarinnar. Þar flutti forsætisráðherra
Svía, Tage Erlander, ræðu fyrir þúsundir hrifinna á-
heyrenda.
Þarna fluttu kveðjur fulltrúar Umf., þeirra er æsku-
lýðsmótið sóttu, en Erik Jonsson formaður J.U.F.
þakkaði. Á milli ræðnanna voru sungnir ættjarðar-
söngvar. Fánar Norðurlandanna fimm (færeyska fán-
ann vantaði) blöktu hlið við hlið yfir hátíðasvæðinu.
fagrir og tignarlegir.
Við þátttakendurnir í mótinu í Ingesund enduðum
daginn heima í lýðháskólanum, dálitið þreytt eftir allt,
sem við höfðum heyrt og séð undanfarna daga, en þó
hjartanlega þakklát og hrifin af allri þeirri gestrisni
og vinsemd, sem við mættum hvarvetna. En nú þörfn-
uðumst við ofurlítillar hvildar og næðis til að kveðja
okkar kæru félaga á æskulýðsvikunni og kvöldið leið
við ávörp, upplestur og söng.
Allan sunnudaginn 25. júní vorum við í skemmtiferð