Skinfaxi - 01.11.1950, Side 58
122
SKINFAXl
bamlið og félög þess hafa viljað leggja hverjum góðum málstað
liðsyrði á liðnum tíma. Félögin og héraðssambandið liefur
þroskað einstaklinga sína í félagslegri samvinnu og samúð,
aukið þar með manngildi félaganna á ýmsan hátt, sem meir
hefur verið virði en gulls igildi.
Ungmennaambandið hefur þróazt og dafnað á þessum 40
árum meir og meir, og má því vænta hins bezta um framtið
þess á ókomnum tíma.
Ritað eftir gjörðabókum, skýrslum og reikningum
ungmennasambandsins o. fl.
Á afmæiisdaginn, 17. apríl 1950.
Sigurður Ólafsson.
Minnisvarði Stephans G. Stephanssonar.
[Ritstjóra Skinfaxa hefur borizt eftirfarandi greinargerð og
frásögn frá Eyþóri Stefánssyni, tónskáldi, á Sauðárkróki.]
Ungmennasamband Skagafjarðar hefur hafizt handa um að
reisa Stephani G. Stephanssyni minnisvarða á Arnarstapa,
rétt hjá fæðingarstað skáldsins.
Ríkarður Jónsson myndhöggvari hefur gert líkan að minnic-
merkinu, sem er — varða — hlaðin úr brimsorfnu grjóti og
stuðlabergi.
Áætlað er, að varðan verði 4% til 5 metrar á hæð — þrí-
strend að lögun. Á hverri hlið vörðunnar verður inngreyptur
steinflötur með myndum af skáldinu, og tilvitnunum úr ljóð-
um þess.
Fjársöfnun er þegar hafin, en aðeins innan ungmennafé-
laganna í Skagafirði. Félögin hafa enn ekki leitað til annarra
um fjárframlög. Sjóður sá, er félögin hafa myndað, er hvergi
nægilega öflugur, til að standa straum af byggingu þessa
minnismerkis.
•Þess vegna er vinsamlegast heitið á alla þá er unna hinum
merka skáldmæringi, að láta eitthvað af mörkum til þessa máls
Arið 1953 eru hundrað ár liðin frá fæðingu St. G. St., útlagans.
er söng sin fegurstu ljóð í annarri heimsálfu — Ijóð, er munii
geymast i mcðvitund þjóðarinnar, meðan íslenzk tunga er töluð.
Ef ungmennafélög innan U.M.F.Í., eða einstaklingar vildu
styrkja skagfirzku ungmennafélögin, er gjöfum veitt móttaka
hjá formanni Stephans G.-nefndar — Eyþóri Stefánssyni, söng-
stióra, Sauðárkróki.