Skinfaxi - 01.11.1965, Blaðsíða 36

Sambandsþiiig U.M.F.I
Sambandsþing UMFÍ, hið 24. í röðinni,
var haldió að Laugarvatni dagana 1.—2.
júlí 1965. Þingið sátu um 60 fulltrúar víðs-
vegar að af landinu, auk stjórnar og starfs-
manna.
Gestir þingsins voru: Bjarni Bjarnason,
fyrrv. skólastjóri; Þorsteinn Einarsson,
íþróttafulltrúi; Guðjón Einarsson, varafor-
seti ÍSÍ; Guðmundur Kr. Guðmundsson,
fulltrúi og Árni Guðmundsson skólastjóri.
Formaður UMFÍ, Eiríkur J. Eiríksson,
setti þingið og bauð alla viðstadda vel-
komna til þings og óskaði þinginu far-
sældar í störfum.
Forsetar þingsins voru kjörnir Ólafur
Kristjánsson, Reykjavík; Ólafur Guðmunds-
son, Hellnatúni og Jón Hjartar, Borgarnesi.
Framkvæmdastjóri UMFÍ, Skúli Þor-
steinsson, flutti skýrslu sambandsstjórnar
um störf sambandsins frá síðasta sambands-
þingi. Gat hann þes að lokum, að hann
léti nú af störfum framkvæmdastjóra
UMFÍ og þakkaði hann öllum þeim, sem
hann hefði haft samstarf við í ferðum sín-
um um landið og í starfi sínu í Reykjavík.
Reikningar
Gjaldkeri sambandsins, Ármann Péturs-
son, lagði fram endurskoðaða reikninga
UMFÍ fyrir árin 1963 og 1964, ræddi þá
og skýrði ítarlega fyrir þinginu. Voru
reikningarnir og skýrsla stjórnarinnar síðan
samþykktir samhljóða og umræðulaust.
Störf þingsins
Mörg mál voru tekin til meðferðar á
þingnu og margar ályktanir gerðar. Um-
ræður voru miklar á þinginu og var það
allt hið fjörlegasta. Fjórar nefndir störfuðu
að þingmálum: Fjárhagsnefnd, allsherjar-
nefnd, íþróttanefnd og starfsíþróttanefnd.
Framsöguræður og umræður um hin ýmsu
mál þingsins og framkomnar tillögur stóðu
til kl. eitt um kvöldið og var þá þingi
frestað til ld. 1.30 síðdegis á föstudag.
Þegar þingfundur hófst að nýju, höfðu
nefndir lokið störfum árdegis. Skiluðu
nefndir þingsins álitsgerðum sínum, og
stóð fundur fram eftir degi, en að um-
ræðum loknum fór fram stjórnarkosning.
Ný sambandsstjórn
í stjórn UMFÍ voru kjörnir: Sambands-
stjóri Eiríkur J. Eiríksson og aðrir í stjórn:
Ármann Pétursson, Hafsteinn Þorvaldsson,
Guðjón Ingimundarson og Sigurður Guð-
mundsson. Varamenn: Jóhannes Sigmunds-
son, Jón F. Hjartar og Óskar Ágústsson.
Endurskoðendur voru endurkjörnir þeir
Ólafur Ág. Ólafsson og Teitur Guðmunds-
son; til vara Björn Sigurðsson og Skúli
Norðdahl.
í milliþinganefnd skv. samþykkt þings-
ins um hópíþróttir voru kosnir: Sigurður
Helgason, Guðjón Ingimundarson, Sigurður
Guðmundsson, Þórir Þorgeirsson og Óskar
Ágústsson.
36
SKINFAXI