Skinfaxi - 01.11.1965, Blaðsíða 38
Þingið samþykkir:
1. að stjórnir héraðssambandanna vinni
að því í samvinnu við sýslunefndir og
sveitarstjórnir, fræðsluráð, skólanefndir,
skólastjóra og sambandsfélög sín að koma á
umferðakennslu í íþróttum milli skóla og
félaga á sambandssvæðunum, á þeimgrund-
velli að laun og ferðakostnaður skiptist
milli sveitarsjóðs og félaga en upp í þenn-
an kostnað afli stjórnir héraðssambandanna
styrkja frá ríkissjóði, UMFÍ, ÍSÍ og sýslu-
sjóðum.
2. að fáist ekki kennari eða samstaða
um umferðakennslu, þá stuðli stjórnir hér-
aðssambandanna að því, að til félags og
skóla þar sem enginn getur annazt tilsögn
í íþróttum, sé fenginn kennari eða leið-
beinandi úr nágrenninu, sem komi a.m.k.
tvisvar í viku til viðkomandi skóla og fé-
lags, til þess að annast íþróttakennslu á
þeirra vegum. Laun og ferðakostnað sé leit-
azt við að fá greiddan eins og greint er
frá í 1. lið.
3. að fáist hvorugri þeirri aðferð komið
við, sem geinir í lið 1 eða 2, þá sé unnið
að því að koma reglubundnum hópferðum
frá þeim félagssvæðum, sem eigi er unnt
að koma til íþróttaæfinga, til staða þar
sem aðstaða er góð til íþróttaæfinga eða
leiðbeinandi til staðar.
Kostnaður við slíka flutninga, samþykkir
sambandsþing UMFÍ að sé styrkhæfur og
felur stjórn UMFÍ að vinna að því, að
aðrir hlutaðeigandi aðilar viðurkenni liann
styrkhæfan.
Þingið skorar á ríkisstjórn íslands að
samþykkja tillögur þær, sem nefnd skipuð
af menntamálaráðuneytinu samdi og skilaði
til ráðuneytisins á s.l. hausti vegna endur-
skoðunar á lagaákvæðum um íþróttasjóð og
leggja málið fyrir Alþingi á komandi hausti.
Þingið lýsir því yfir, að verði hagur
íþróttasjóðs eigi bættur mun taka fyrireðli-
lega öflun íþróttamannvirkja til íþróttaiðk-
ana fyrir skólaæsku, almenning og frjálsan
rþróttafélagsskap.
Þingið samþykkir að körfuknattleikur
verði tekinn sem keppnisgrein á næsta
landsmóti.
Þingið samþykkir að kosin verði nefnd
til undirbúnings keppni í hópíþróttum á
komandi landsmótum bæði í þeim greinum
sem þegar er keppt í og öðrum sem áhugi
er á. Nefndin Ijúki störfum fyrir næsta
sambandsráðsfund.
Þingið felur væntanlegri stjórn að vinna
að því, að farið verði með flokk íþrótta-
manna til keppni í einhverju Norðurland-
anna, að afloknu landsmóti hverju sinni.
Þingið telur hagkvæmara, að velja kepp-
endur til utanfarar eftir afrekum þeirra á
landsmóti.
Þingið felur væntanlegri sambandsstjórn
að freista þess, að koma á skipulegri keppni
í skák milli héraðssambandanna og fari úr-
slitakeppni fram í sambandi við sambands-
þing eða landsmót.
Þingið samþykkir, að landsmót verði
haldin þriðja hvert ár, en ekki fjórða hvert
ár eins og verið hefur.
— ★ —
Á þinginu voru gerðar fjölmargar fleiri
samþykktir, en ekki er rúm fyrir þær í
þessu blaði. Verða þær birtar í næsta hefti
Skinfaxa, sem kemur út snemma á næsta
ári.
38
SKINFAXI