Skinfaxi - 01.12.1972, Blaðsíða 3

Tímarit Ungmennafélags íslands — LXlll. árgangur — 5.—6. hefti 1972 — Ritstjóri Eysteinn
Þorvaldsson — Út koma 6 hefti á ári hverju
Æskan og ungmennafélögin
Ég held, að allir geti verið mér sammála um
það, sem kynnzt hafa sögu ungmennafélag-
anna i landinu, að þau hafi gengið veg slnn
til góðs og orðið þjóðinni til heilla.
Þau eru til orðin af þörf upprennandi æsku
til sameiginlegra átaka og félagslegra um-
bóta.
Ungmennafélagshreyfinguna skorti ekki
verkefni, þau biðu hennar allsstaðar og hún
glímdi líka við þau og sigrarnir urðu margir
og stórir fyrstu árin. Ungmennafélögin ruddu
veginn, lögðu hornsteina að mörgum vel-
ferðarmálum þjóðarinnar, sem önnur félög til-
einkuðu sér síðar og gerðu fyllri skil.
Frá þvi fyrsta ungmennafélagið var stofn-
að, hefur margt breytzt í þjóðfélagi okkar
og það svo mjög, að ungmenni nútímans fá
vart skilið allar þær breytingar. Enda reynlst
ungmennafélögum í dag örðugra en áður að
halda uppi góðu félagslífi, finna verkefni og
festa huga og hönd við það.
Meira er það nú, sem fyrir glepur, fjölþætt-
ara félagslíf, vinnutækni og ýmis annar fé-
lagsskapur.
Áður urðu menn að skapa sér þá skemmt-
un sjálfir, er þeir vildu njóta. Nú er hægt að
velja um ótal skemmtanir án þess að leggja
nokkuð af mörkum sjálfur. Sumar þeirra eru
miður hollar og oft erfitt fyrir ungling að
velja eða hafna.
Því verður aldrei í mót mælt, að ung-
mennafélagshreyfingin i landinu er þróttmikil
og vel vakandi um velferðarmál æskunnar og
þjóðarinnar í heild, þrátt fyrir að starf hinna
ýmsu félaga er mjög misjafnt og mismikið.
Þótt mörg þau verkefni, sem ungmenna-
félögin glímdu við á fyrstu árum sínum, séu
i höndum ýmissa sérfélaga, eru nóg verkefni,
sem bíða í dag okkar ágætu ungmennafélaga.
Það hefur ekki farið fram hjá neinum, sem
lifað hefur síðasta sumar, að Island er að
verða eftirsótt ferðamannaland, jafnframt því,
sem við Islendingar sjálfir höfum vaxandi
áhuga á að skoða okkar eigið land.
Straumur ferðamanna er mikill um landið
yfir sumartímann og mun aukast á komandi
árum. Við erum þvi miður ekki eins undirbú-
in og skyldi með húsnæði og aðra pjóriustu
til þess að taka á móti öllum þessum fjölda,
og langt frá því, að við veitum þá ferða-
þjónustu, sem þörf er é og æskileg er.
Það er dýrt að ferðast í dag og ekki síður
á íslandi en annars staðar, en allir vilja ferð-
ast sem ódýrast og njóta frjálsræðis sem
mest.
Ég ferðaðist einu sinni frá vesturströnd
Noregs til Rómaborgar í bifreið og gisti ýmist
í tjaldi eða gistihúsum á leiðinni. Á allri þess-
ari leið voru margir staðir til að gista á fyrir
þá, sem vildu gista í tjaldi.
SKINFAXI
3