Skinfaxi - 01.12.1972, Blaðsíða 9

mótum. Þá kastaði ég lengst 13,74 m.
og hnekkti héraðsmetinu sem frændi
minn, Sigurkarl Magnússon, átti.
Eftir áramótin 1970 fór ég suður til
Reykjavíkur og æfði þar dálítið lyftingar
með félaga mínum Ara Stefánssyni. Um
sumarið keppti ég nokkrum sinnum og
náði beztum árangri í héraðakeppni HSS
og USVH, 14,63 m.
Veturinn 70—71 æfði ég svo lyftingar
reglulega og kastaði 16,53 m. haustið
1971. Um sumarið keppti ég á landsmóti
UMFÍ á Sauðárkróki. Fyrir mótið hafði
ég kastað 15,52 m., en ég varð að láta
mér nægja þriðja sætið með 14,85 á eftir
Jóni Péturssyni og Sigurþóri Hjörleifs-
syni. Aftur á móti náði ég þar öðru sæti
í kringlukasti með 45,84 m., en þá grein
hafði ég ekkert æft.
I fyrravetur æfði ég svo lyftingar
reglulega með Erlendi Valdimarssyni,
ekki sjaldnar en 5 sinnum í viku. Á
fyrsta mótinu í vor kastaði ég 16,55 m.,
en í þriðju keppni minni á sumrinu
komst ég yfir 17 metrana — 17,39. Síðan
var ég við og rétt yfir 17 m. í keppni í
allt sumar þar til í haust á fjórum mót-
um í röð að jöfn stígandi fór að koma
í árangrinum; 16,80, 17,10,17,79 og 17,99.
— Hefurðu æft kringlukast að ein-
hverju ráði?
— Ekki fyrr en í sumar. Stundum var
veðrið hagstæðara fyrir kringlu en kúlu,
og þá fannst mér ágæt tilbreyting að
grípa í kringluna, og lengst kastaði ég
í keppni 51,88 m.
— Hefurðu kannski reynt við enn
fleiri greinar?
— Nei, ekki í neinni alvöru. Eg hef
mér til gamans keppt í þrístökki á hér-
aðsmótunum án umtalsverðs árangurs, og
þegar ég fór með UMFÍ til Danmerkur
Hreinn Halldórs.
son í keppni sl.
sufflar.
í fyrra stökk ég 13,16 m. í keppni í
Odense og varð fjórði, en á því móti
vann ég kúluvarpið og varð annar í
kringlukasti. Einu sinni varð ég líka nr.
2 á Islandsmóti í þrístökki án atrennu
með 9,08 m., en það er í fyrsta og eina
skiptið sem ég hef keppt í þeirri grein.
— Hvað ætlarðu að kasta langt næsta
sumar?
— Það er bezt að slá engu föstu um
það. Árangur í keppni getur oft látið á
sér standa, þótt menn séu í góðri æfingu.
En auðvitað hef ég sett mér ákveðið tak-
mark, en það er fyrst og fremst fyrir
sjálfan mig.
Þess má geta að lokum að Hreinn er
aðeins 23 ára gamall, f. 1949.
SKINFAXI
9