Skinfaxi - 01.12.1972, Blaðsíða 27

Hvert er tómstundastarfið —
Hvernig er aðstaða ungs fólks?
Æskulýðsráð ríkisins réð nú í sumar
starfsmann til þess að vinna að athugun-
um og könnunum á félags- og tóm-
stundastarfi ungs fólks, aðstöðu til slíks
starfs og stefnu og markmiðum þeirra
aðila, sem að málum þessum vinna. Til
þessa starfs var ráðinn Þorlákur Helgi
Helgason, en hann stundar nám í félags-
fræði í Svíþjóð og dvaldi hér á landi í
nær fjóra mánuði í skólaleyfi. Þar sem
verksvið það er hér um ræðir, er mjög
viðamikið, var ákveðið að Þorlákur skyldi
takmarka athuganir sínar að þessu sinni
við tvö bæjar- og sveitarfélög, og urðu
Selfoss og Húsavík fyrir valinu.
Aðstaða og landfræðileg lega Selfoss
og Húsavíkur eru um margt mjög ólík,
og var talið að það gæti gefið athugun-
unum meira gildi, og betri yfirsýn feng-
ist yfir ýmsa þætti þessara mála, ef svo
ólíkir staðir yrðu vettvangur fyrstu
kannana á vegum æskulýðsráðs. Þorlák-
ur dvaldi því nokkurn tíma á hvorum
stað, ræddi við „lykilfólk“ í æskulýðs-
starfi, átti viðtöl við unglinga, foreldra
og einnig ýmsa þá, sem hvergi koma
nærri æskulýðsmálum. Þá reyndi hann
með eigin athugunum og ígrundun á
umhverfi og „lífi“ á stöðunum að mynda
sér heildarsýn yfir æskulýðsstarf þar og
daglegt líf.
Verið er nú að vinna úr þeim upplýs-
ingum er Þorlákur H. Helgason safnaði
og er þess vænzt að niðurstöður þeirra
muni gefa þýðingarmiklar ábendingar
um frekara framhald rannsókna á sviði
æskulýðsmála, auk þess, sem gera má
ráð fyrir, að þær geti orðið Húsvíking-
um og Selfossbúum að verulegu gagni
við skipulagningu félags- og tómstunda-
starfa í náinni framtíð.
SKINFAXI
27