Skinfaxi - 01.04.1989, Blaðsíða 4

Ingólfur Hjörleifsson
Hvers virði er
unglingastarfið?
„Bestaknattspymuíelagáíslandi." Þettaer
aðal efnið í blaðinu að þessu sinni. Hvar
stendur knattspymustarfsemin hæst á landinu
núna, hjá hvaða félagi?
Þessi umfjöllun hófst á síðasta ári og vakti
mikla athygli. Auðvitað verður svona
merkimiði alltaf dálítið vafasamur. En eins
og tekið er á efninu í Skinfaxa er mjög
forvitnilegt að skoða stöðu félaganna. Það er
ekki aðeins tekið á meistaraflokknum,
toppnum á ísjakanum, heldur er rakinn
árangur yngri flokkanna og þeim gefxn stig,
þvífærri stig semþeirstandasigbetur. Þarað
auki heildarstig félaganna út frá frammistöðu
allra flokka, á síðasta sumri en eínnig þrjú ár
aftur í tímann.
Þessi listi sýnir óumdeilanlega fram á
mikilvægi þess að halda uppi öflugu
unglingastarfi. Dæmi; Meistaraflokkur KR
dalaði nokkuð á síðasta áratug og þessum
sem er að líða. Það kom þó ekki niður á yngri
flokkunum. KRingar héldu ótrauðir áfram
því starfi og virðast síðustu tvö ár vera að
uppskera ávöxt þess í meistaraflokkí
félagsins.
í þessu eru reyndar kvennaflokkar ekki
taldir með. Ef þeir væru settir inn í þessa
heildarstigagjöf riðlaðist all mikið sú mynd
sem gefm er upp af knattspymufélögunum.
Víða eru kvennaflokkar í knattspymunni
sem taka samt ekki þátt í íslandsmóti og víða
eru félög sem standa vel að vígi. Þessi félög
era kannski með gott unglingastarf fyrir
karlpeninginn lítið sem ekkert fyrir stúlkur.
Stundum er ástæðan hreinn slóðaskapur
gagnvart kvenfdlkinu en víða hefur verið
reynt en ekki gengið að koma á stöðugu
kvennastarfi íknattspymunni. Ástæðan fyrir
því árangursleysi á sér auðvitað dýpri rætur
en áhugaleysí hjá konum. Því væri óréttlæti
að láta það bitna á annars viðkvæmum lista.
Úr þessu verður hins vegar bætt í næsta
blaði. IH
Útgefandi: Ungmennafélag íslands. - Ritstjóriingólfur Hjörleifsson. - Ábyrgðarmaður:
Pálmi Gíslason. - Stjóm UMFÍ: Pálmi Gíslason, fonnaður, Þórir Haraldsson, varaformaður,
Þórir Jónsson, gjaldkeri, Guðmundur H. Sigurðsson, ritari. Meðstjómendur:Dóra
Gunnarsdóttir, Kristján Yngvason, Sigurbjöm Gunnarsson. Varastjóm: Magndís
Alexandersdóttir, Hafsteinn Pálssson, Matthías Lýðsson, Sæmundur Runólfsson. -
Afgreiðsla Skinfaxa: Öldugata 14, Reykjavík, S:91 -12546 - Setning og umbrot: Skrifstofa
UMFÍ. - Prentun: Prentsmiðjan Oddi. - Pökkun: Vinnustofan Ás.
Allar aðsendar greinar er birtast undir nafni eru á ábyrgð höfunda sjálfra og túlka ekki stefnu
né skoðanir blaðsins eða stjómar UMFÍ.
4
Skinfaxi