Skinfaxi - 01.12.1996, Blaðsíða 27

Hvað eru margir
taflmenn á borðinu?
Það var heima í stofu hjá pabba sem
Jón Áki Jensson tefldi sína fyrstu skák
og ef hann man rétt lék hann fram
kóngspeðinu eins og hann gerir yfirleitt
að eigin sögn. I dag er Jón Aki einn
efnilegasti taflmaður Norðlendinga og
Það getur verið
rosalega erfítt að
halda einbeitningunni
frá upphafí til enda
hann gerði sér til dæmis lítið fyrir og
sigraði í Akureyrarmótinu í skák í
fyrra.
„Það fer mikill tími í skákina en ég
skipulegg tímann vel og það hefur ekki
bitnað neitt á skólanum," segir Jón Áki.
Hann byrjaði að tefla ellefu ára gamall
og æfir hjá Skákfélagi Akureyrar einu
sinni í viku og tekur þátt í mótum þar,
en er eitthvað annað hægt að gera en
að tefla til að verða góður skákmaður?
„Það er hægt að undirbúa sig með
því að lesa bækur og fara yfir skákir
hjá öðrum."
Fer mikill tími í æfingar?
„Ég æfi með Skákfélagi Akureyrar
einu sinni í viku og tek þátt í mótum
hjá þeim en fyrir ungmennafélagið
Æskuna keppi ég aðallega á
Landsmótunum.
Hvernig hefur þér gengið í
skákinni?
„Á seinasta ári vann ég Akureyrar-
mótið og ég held að ég hafi yfirleitt bara
staðið mig ágætlega."
Er ekki erfitt að halda einbeitingunni
í hverri einustu skák?
„Það getur verið rosalega erfitt en ef
maður er ekki einbeittur frá upphafi til
enda verður maður aldrei góður."
Nú sagðir þú að pabbi þinn hefði
kveikt áhuga þinn á skákinni, en
vinnur þú hann ekki alltaf í dag?
„Hann var aldrei keppnismaður í skák
en honum hefur alltaf fundist gaman að
tefla. Pabbi kenndi mér margt af því
sem ég kann í dag og það sýnir best
hversu góður kennari hann er að í dag
vinn ég hann yfirleitt."
Ein lokaspurning, hvað eru margir
taflmenn á borðinu?
„Margir taflmenn á borðinu? Þrjátíu
og tveir."*
HITAVEITA
SUÐURNESJA
BREKKUSTÍG 36
PÓSTHÓLF 225
260 NJARÐVÍK
SÍMI 421 5200
FAX 421 4727
UMFÍ
Skinfaxi
27
WpÁjtji