Skinfaxi - 01.12.1999, Blaðsíða 12

Eg er m
ungmen
Nafnið þekkja allir, hann heitir
Finnur Ingólfsson og er iðnaðar-
og viðskiptaráðherra. Hann er 45
ára, giftur Kristínu Vigfúsdóttur og
saman eiga þau þrjú börn. Áður en
Finnur settist á þing starfaði hann
mikið innan ungmennafélags-
hreyfingarinnar og sat meðal annars
um tíma í stjórn UMFÍ. Jóhann Ingi
Árnason settist niður með Finni og
fékk hann til að rifja upp gömlu góðu
árin hjá UMFÍ
- Hvernig byrjaði Finnur í pólitíkinni?
„Það má segja að ég hafi fyrst tekið þátt
í pólitík í háskólanum þar sem ég stofnaði
ásamt fleirum félag umbótasinnaðra
stúdenta við háskólann árið 1980. Það átti
að vera ákveðið mótstöðuafl gegn þeim
pólitísku öflum sem fyrir voru og var
nokkurs konar miðjuafl. Við gerðum okkur
vonir um að ná einum manni kjörnum í
stúdentaráð en það endaði með því að við
fengum hreint frábæra kosningu og urðum
fjögur. í framhaldi af því var ég kosinn
formaður stúdentaráðs og það má segja að
það hafi verið mín fyrstu pólitísku afskipti.
Árið 1982 verð ég síðan formaður
sambands ungra Framsóknarmanna, 1983
bauðst mér starf sem aðstoðarmaður Hall-
dórs Ásgrímssonar, sjávarútvegsráðherra,
sem ég sinnti með náminu þar sem ég
útskrifaðist ekki fyrr en árið 1984. Ég var
aðstoðarmaður hans til ársins 1987 en þá
varð ég aðstoðarmaður heilbrigðis- og
tryggingarmálaráðherra sem á þeim tíma
var Guðmundur Bjarnason.“
- Þú ert svo í framhaldi af því kosinn
á þing?
Árið 1991 sest ég fyrst á þing og sit í
stjórnarandstöðu til ársins 1995. Árið 1995
mynda svo
Framsóknar- og
Sjálfstæðis-
flokkurinn ríkisstjórn
þar sem ég verð
iðnaðar- og við-
skiptaráðherra. Það
má segja að þetta
sé í sem stystu máli
minn pólitíski ferill
fram á þennan dag.“
- Ef við snúum
okkur þá að
ungmennafélags-
hreyfingunni. Hver
eru þín fyrstu
kynni af henni?
„Ég var nú
talsvert í íþróttum í gamla daga. Það var
þannig að ég var í Skógarskóla og þar var
kennari sem hét Haukur Sveinsson og er
gamall KR-ingur. Hann var mikill
íþróttamaður og meðal annars íslands-
meistari í 800 og 1500 metra hlaupum á
sínum tíma. Ég fór að æfa með honum og
það má eiginlega segja að hann hafi dregið
mig með sér í þetta. Ég æfði með honum
einn vetur og æfði og keppti því fyrst um
sinn fyrir KR. Mér líkaði nú ekkert allt of vel
að vera í Reykjavík á þeim tíma og fannst
ég ekki hafa nógu mikið að gera. En á
þessum sama tima var ég þátttakandi í því
að endurreisa ungmennafélögin í Skafta-
fellssýslu. Þetta er að eiga sér stað um
sumarið 1970 og strax þá um haustið er
haldið fyrsta héraðsmótið. Þá þurfti ég að
keppa fyrst sem gestur þar sem ég hafði
keppt fyrir KR og mér fannst það nú heldur
miður en ég var með og gekk ágætlega.
12