Skinfaxi - 01.12.1999, Blaðsíða 20

Fyrrverandi formaöur UMFÍ
***? Pálmi Gíslason
Einn af fyrrverandi formönnum UMFÍ heitir Pálmi Gíslason en hann var formaður
hreyfingarinnar frá árinu 1979-1993. Jóhann Ingi Árnason fékk hann í stutt spjall.
Pálmi er 61 árs gamall og útibússtjóri í
Landsbankanum. Eiginkona Pálma heitir
Stella Guðmundsdóttir og eiga þau þrjú
börn, Gísla Pétur, Guðmund Atla og Elísa-
betu Helgu
- Hver voru þín fyrstu kynni af
ungmennafélagshreyfingunni?
„Ætli ég hafi ekki verið 13 ára þegar ég
var eínn af stofnendum Ungmenna-
félagsins Húna í Torfalækjarhreppi í
Húnavatnssýslu. Þetta kom þannig til
að allt unga fólkið í sveitinni stofnaði
félag og ég held að mér sé óhætt að
segja að það hafi engin verið
undanskilinn í þeim efnum.”
- Hver var helsti tilgangurinn með
stofnun félagsins?
„Fyrst og fremst að gefa fólki tækifæri til að
hittast. Það voru oft haldnar samkomur þar
sem fólk skemmti sér á ýmsa vegu. íþróttir
voru þó einnig hluti af starfinu og félagið
státaði meðal annars af einum mjög góðum
íþróttamanni sem var Pálmi Jónsson,
fyrrverandi ráðherra og þingmaður. Það
var keppt á héraðsmótum 17. júní sem voru
geysivinsælar samkomur þar sem fólk
fjölmennti úr sveitinni. Mjólkurbíllinn
safnaði fólki á bílpallinn þar sem líklegustu
úrslitin voru rædd.”
- Fyrstu kynni þín af hreyfingunni hljóta
að hafa verið góð þar sem þú ert í dag,
48 árum seinna, enn að starfa fyrir
hreyfinguna.
„Já, ég hef alltaf verið félagi í einhverju
ungmennafélagi og haft mikla ánægju af
öllum þessum árum innan hreyfingarinnar.
Ég hef gegnt hinum ýmsu störfum hjá
hreyfingunni og þá bæði hjá félögum innan
samtakanna og svo hjá UMFÍ. Ég sat til
dæmis í varastjórn UMFÍ í fjögur ár á
árunum 1969-1973 en hætti þá og settist í
framkvæmdastjórn Landsamtaka íslenskra
samvinnustarfsmanna og var þar í sex ár.
Arið 1979 kom ég svo aftur inn í stjórn
UMFÍ og þá sem formaður samtakanna.”
- Þú hefur sagt skilið við formennskuna
en starfar samt enn fyrir samtökin?
„Já, ég sit í nokkrum nefndum á vegum
UMFÍ. Ég hef mjög gaman af þessu starfi
og hef oft sagt að á meðan hreyfingin vill
nota mig er ég reiðubúinn til að starfa
fyrir hana. Ég verð ekkert fúll þegar
mín verður ekki lengur þörf. Ég lít á
þetta sem skemmtilegt félagsstarf
sem hefur gefið mér ákaflega
eftirminnilegar og góðar stundir.”
- Af hverju telur þú að fólk vilji
starfa í samtökum eins og
Ungmennafélagi íslands?
„Það er félagsskapurinn númer eitt.
Ungmennafélagshreyfingin býður upp á
fjölbreytt og skemmtilegt starf. Það skiptir
ekki máli hvort fólk hefur áhuga á íþróttum,
umhverfismálum, félagsmálum, leiklist eða
einhverju öðru. Það er svo margt sem
ungmennafélögin út um allt land eru að
gera og þess vegna er svo auðvelt að finna
eitthvað við sitt hæfi.”
Ég held nú að Landsmótin
séu eftirminnilegust þegar
ég lít til baka