Skinfaxi - 01.12.1999, Blaðsíða 32

Hvað er svo til ráða
Hvað sem stjórnmálablöðin segja um
viðhorfið í landhelgismálum, flokkar leggist
svo lágt að freista þess að fegra sig og gera
aðra flokka tortryggilega, mundi óhætt að
fullyrða, að engum íslenskum
stjórnmálamanni detti í hug að þrengja
landhelgina frá því, sem hún hefur nú verið
ákveðin. En mundi ekki hugsanlegt, að
íslendingar gætu fengið liðstyrk voldugra
þjóða til að ná lokatakmarkinu tiltölulega
fljótt?
Höfuðveldi heims eru nú - eins og allir
vita - Rússland og Bandaríkin. Rússar hafa
fyrir mörgum árum ákveðið tólf mílna
landhelgi fram með öllum ströndum síns
mikla veldis, og hafa í samræmi við það
viðurkennt tólf mílna fiskveiðilandhelgi
íslendinga. Hins vegar hafa Bandaríkin
ekki fært út sína landhelgi og eru andstæð
því, að tólf mílna fiskveiðilögsaga verði
viðurkennd almennt....
... Og hvað sem öðru líður: Þeir, sem
ungir eru, verða að gera þá kröfu til
forystumanna íslendinga, að þeir alltaf og
alls staðar haldi fram rétti þjóðarinnatil alls
landgrunnsins, því að þar halda þeir fram
rétti hennar til sjálfs lífsins
Guðmundur Gíslason Hagalín
Skinfaxi fyrir 30 árum
PR - nýtt hugtak!
Á síðari árum hafa komið fram í
heiminum ýmis ný hugtök. Eitt þeirra er
„PR” sem farið hefur sem eldur um sinu um
heim allan og valdið miklum straumhvörfum
á mörgum sviðum og breyttum
hugsunarhætti og viðhorfi manna.
„PR”, skammstöfun á ensku orðunum
Public Relations, er notað um hverskonar
kynningarstarfsemi á hlutum eða
viðhorfum, ýmist innan takmarkaðs hóps
manna eða út á við til alls almennings.
Starfsemi þessi byggist á auglýsingum og
útskýringum jafnt á rituðu máli sem töluðu,
bókum, bæklingum og blaðagreinum,
útvarps- og sjónvarps-
erindum, kvikmyndum og
auglýsingamyndum í sjón-
varpi sem og kvik-
myndahúsum og getur ef
öfluglega er starfað
nálgast að geta kallast
áróður.
íþróttastarfsemi er full
þörf mikillar og
vinsamlegrar kynningar,
bæði út á við sem innan
eigin áhrifahóps. Því miður
er því of oft svo farið, að
mönnum er ekki gefið að
geta kynnt starfsemi sína
eða eru hræddir um, að ef
þeir gerðu það, þá yrðu
þeir ásakaðir fyrir að vera
að trana sér fram.
Áhrifamesta kynning
íþrótta er auðvitað sú sem
blöðin, hljóðvarp og
sjónvarp flytja.En þar sem
aðalhlutverk þeirra er að
flytja fréttir, þá verður
útkoman oftast sú, að
mest er sagt og ritað um
mót og keppnir en
starfsemin sem liggur að
baki, er ekki talin
frásagnarverð, þar sem
hún er svo sjálfsögð. En
án hennar færu engin mót
eða keppni fram og þá yrði
ekkert um að rita.
Því miður fyrir
íþróttahreyfinguna vill
kynning þeirra oft verða
neikvæð fremur en jákvæð, þar sem þeim,
sem um málin fjalla, hættir til að draga fram
óhöpp eða misgjörð eins einstaklings í leik
eða keppni, og gera það að aðalfréttinni en
geta lítið sem ekkert um annað, sem fram
fer eða fyrir kom, þar sem það gat ekki fallið
undir heitið frétt, helzt rosafrétt...
... Með breyttum þjóðháttum hafa mörg
ný vandamál skapast. Sumt hefur tekist að
leysa en öðru virðist vera erfitt að útrýma
enda þótt lausn vandans sé fyrir hendi og
afar einföld.
Lífeðlisfræðingar ýmissa landa hafa á
síðustu árum veitt athygli sífellt örari
aldursbreytingum manna. Einkenni sem
áður komu ekki oft í Ijós eða þá seint á
æfinni, koma nú fram fyrr og eru miklu mun
algengari.
Eftir langar rannsóknir og flóknar og
miklar umhugsanir hafa margir þeirra getað
gert heyrinkunna þá skoðun sína, að
margar af aldursbreytingum
mannslíkamans stafi að mestu leyti af
hreyfingarleysi og vegna þess að
taugakerfi líkamans starfi ekki nógu vel.
Hreyfingarleysið eigi svo rót sína að rekja til
velferðarríkis nútímans, með sínum auknu
vélakosti og viðeigandi breytingum á vinnu
og vinnuaaðferðum fólks ...
... En því er nú ver að á því sviði er erfitt
um vik. Fólk velferðarríkisins virðist því
miður meta allt til fjár nú til dag, og það
græðir ekkert áþreifanlegt með því að
leggja þessa hreyfingu á sig, nema ef til vill
nokkurra ára lengra líf, ár sem eru þó langt
inni í ókominni tíð, að flestra áliti. Þeir
öðlast líka vellíðan stundarinnar og þá
gleðikennd sem hún veitir, og allir þeir, sem
aldrei hafa upplifað, geta ekki (myndað sér
að til sé, og sækjast þar af leiðandi ekki
eftir...
...Hvað getum við gert til úrbóta? ... Við
eigum að sameinast um að skapa fólkinu
möguleika til að „motionera”. Skapa því
tækifæri til að safnast á íþróttavöll, við
sundlaug, íþróttahús eða jafnvel
búningsherbergi gufubaðstofu til
hollustusamlegrar hreyfingar og
endurnærandi baðs á eftir. Þarna gæti
fólkið safnast í minni eða stærri hópa,
eiginlega hvenær sem væri eftir því hvernig
tíma þau hefðu til þess. Sumir hefja starf
síðar en aðrir og gætu byrjað daginn með
því að „motionera”.Frúrnar gætu notað
miðjan daginn, þegar þær hefðu minnst að
gera, en aðrir gætu komið eftir vinnu o.s.frv.
... Þessi starfsemi yrði góð kynning á
íþróttunum, starfi félagsins og skref í áttina
að takmarki okkar, sem er og verður:
íþróttir fyrir alla.
Guðmundur Þórarinsson
fíehband
\ /
Rehband
Hitahlífar
Rehband hitahlífar íyfir 30
mismunandi gerÖum fyrir
flesta liði og vöðva líkamans.
lífxSWÐ
AlhliÖa stoötækjasmíöi
Trönuhraun 8 • Hafnarf • Sími 565 2885
Söluaðilar;
Lyfja - Frísport - Útilíf