Skinfaxi - 01.12.1999, Blaðsíða 24

Stýrði liði sínu alla leið að titlinum
Stýrði Tindastól
til sigurs
í Skinfaxa fyrir tíu árum var viðtal við Val
Ingimundarson sem þá var í leit að meiri ögrun. Þá
var hann nýráðinn þjálfari Tindastóls en nú áratug
síðar stýrði hann liði sínu til sigur í Eggjabikarnurm.
Tindarnir frá Sauðárkróki hafa komið nokkuð á óvart
að undanförnu. Þeir hafa verið að spila feikilega vel
og unnu meðal annars Eggjabikarinn með glæsibrag
eftir að hafa unnið Njarðvík í undanúrslitum og
Keflavík í úrslitaleiknum. Þá eru þeir að berjast á
toppi deildarinnar en þeim var spáð fimmta sæti í
deildinni fyrir mót. Valur Ingimundarsson var spilandi
þjálfari liðsins í upphafi móts en lagði skóna á hilluna
og einbeitir sér nú alfarið að þjálfuninni. Eftir að Valur
hætti að leika hafa lærisveinar hans ekki tapað leik
og Skinfaxa fékk Val til að ræða um þessar
breytingar, deildina og gengi Tindastóls að
undanförnu.
Ertu sáttur við spilamennskuna það sem af er
vetri hjá ykkur?
„Já, ég er sáttur. Ég var með nýtt lið í höndunum
fyrir tímabil og það tók tíma að stillla saman
strengina en það hefur komið fyrr en ég átti von á.
Við byrjuðum því ekki neitt sérstaklega vel og
þurftum m.a. að skipta um erlendan leikmann en eftir
að við fengum nýjan útlending hefur verið mikil
stígandi í leik liðsins. Það sem ég er sérstaklega
ánægður með er að yngri strákarnir í liðinu eru að
koma mjög sterkir inn.”
Ykkur var spáð fimmta sæti í deildinni en eruð
nú í einu af toppsætunum auk þess sem þið
unnuð Eggjabikarinn. Hverjar voru væntingar
þínar um gengi liðsins fyrir mót?
„Ég átti ekkert frekar von á að við mundum blanda
okkur í toppbaráttuna. Ég set í raun aldrei nein
markmið varðandi gengi liðsins þannig að við
renndum blint í sjóinn og ætluðum bara að gera
okkar besta. Við áttum í raun ekki von á að vinna
Eggjabikarinn en unnum hann samt mjög
verðskuldað. Hérna hugsum við um einn dag í einu
og sjáum síðan bara hvert það leiðir okkur.”
Ungir strákar frá Sauðárkróki hafa verið að koma
sterkir inn í liðið í vetur og nú hefur Svavar
Birgisson unnið sér sæti í landsliðinu. Eigið þið
fleiri verðandi landsliðsmenn á Sauðárkróki?
„Já, það tel ég. Leikmenn eins og ísak Einarsson,
Helgi Margeirsson og Friðrik Grímsson eru allt ungir
79. árgangur 1988
5. tbl. kr. 250
rindastóll'frn Sauóárkrokr. Nytt
Landsmót UMFI 1990 . ^
, Getraunir í nýjum bi