Skinfaxi - 01.12.1999, Blaðsíða 19

Fréttir úr starfi UMSB
Mikið um að vera
Annasömu og skemmtilegu ári er nú að
Ijúka hjá UMSB. Auk hefðbundinna
héraðsmóta bæði í frjálsum íþróttum og
sundi voru þrjú meistaramót haldin á
vegum UMSB í sumar.
í júni var Aldursflokkameistaramót
íslands haldið í sundi. Þar komu um 300
keppendur frá 19 félögum víðsvegar að af
landinu. Keppendur komu á fimmtudegi og
var keppt yfir helgina.
Meistaramót íslands í öldungarflokki í
frjálsum íþróttum var haldið í byrjun júlí.
Keppendur voru ekki margir en engu að
siður var þetta mjög skemmtilegt mót, þar
sem leikgleðin réð ríkjum og allt stress var
skilið eftir heima.
Að lokum var Meistaramót íslands 12 -
14 ára haldið í Borgarnes í ágústbyrjun.
Þangað komu um 350 keppendur einnig
víðsvegar að af landinu. Keppendur fóru
þreyttir en ánægðir heim að lokinni vel
heppnaðri keppni á sunnudag. Öll mótin
Þóttu takast mjög vel, enda aðstaða fyrir
keppendur og fylgdarlið orðin mjög góð hér
í Borgarnesi.
Til að svona fjölmenn mót takist vel
skiptir miklu máli að hafa áhugasamt fólk
sem er tilbúið að leggja á sig mikla vinnu
sem óhjákvæmilega skapast við
undirbúning stórmóta. Því er nokkuð Ijóst
að hjá UMSB er mikið af duglegu fólki sem
isggur á sig ómælda vinnu.
Árángur frjálsíþróttamanna var í heildina
góður í ár. Sérstaklega stóð 15-20 ára
hópurinn sig vel og sópaði að sér
verðlaunum á Meistaramóti íslands en þar
unnust sex íslandsmeistaratitlar og alls
ellefu verðlaun. Fimm Borgarfjarðarmet
yoru sett í sumar. Þau sem unnu
Islandsmeistaratitla voru Kristín
Þórhallsdóttir í 100 m, 200 m og langstökki.
Rósa B Sveinsdóttir í hástökki, Hallbera
Eiríksdóttir í kringlukasti og Gauti
Jóhannesson í 3000 m. Vandinn er sá að
°f fáir strákar eru að æfa skipulega í
Þessum aldursflokki. Meistaramót íslands í
12-14 ára var haldið í Borgarnesi og tókst
framkvæmd mjög vel. UMSB vann til sex
yerðlauna á því móti og tveir
'slandsmeistaratitlar unnust. Kristján
Guðmundsson var íslandsmeistari í
spjótkasti og Sigurkarl Gústafsson í 100 m
hlaupi.
Kristín Þórhallsdóttir átti mjög gott
keppnistímabil. Hún varð margfaldur
islandsmeistari og nær ósigrandi í
tangstökki í flokki fullorðinna í sumar, þrátt
fyrir að vera aðeins 15 ára gömul. Hún var
valin til keppni á Norðurlandamóti unglinga
19 ára og yngri í Finnlandi. Stóð hún sig
mjög vel þar. Þar keppti hún í langstökki,
100 m og boðhlaupi.
Eftir sumarið bættust þau Huldís
Sveinsdóttir og Sigurkarl Gústafsson í hóp
þeirra Borgfirðinga sem eru í
unglingalandsliðsverkefninu FRÍ 2000.
Áætlað er að héraðsþjálfari ferðist um
héraðið í vetur og verði með æfingar í
samstarfi við ungmennafélögin og skólana.
Var þetta gert í fyrra og heppnaðist mjög
vel.
Helstu verkefni vetrarins eru að ferið
verður á öll íslandsmeistaramót að venju
auk þess sem íþróttahátíð UMSB er eitt
stærsta verkefni vetrarins. Áætlað er að
fara með 13 ára og eldri í æfingarferð á
Laugarvatn í febrúar. Meistaraflokkur
frjálsíþróttafólks stefnir á að fara í
æfingarbúðir til Þortúgal um páskana.
Margir bráðefnilegir frjálsíþróttamenn
eru í Borgarfirði en til að ná árangri þarf
metnað og endalausan dugnað, eitt er víst
að mikil tækifæri eru fyrir þá sem leggja
mikið á sig.
UMSB hefur tekið að sér að framkvæma
Norðurlandamót Unglinga í frjálsum
íþróttum árið 2000 í samvinnu við
Borgarbyggð og FRÍ. Keppendur koma frá
Noregi, Svíþjóð, Danmörku, Finnlandi og
íslandi. Undirbúningur fyrir mótið er nú að
fara á fullt skrið. Tveir keppendur frá hverju
landi keppa í hverri grein. Reiknað er með
allt að 300 manns í heildina, þ.e.
keppendur auk fylgdarliðs. Sérstök
undirbúningsnefnd er skipuð til að undirbúa
og skipuleggja mótið. Því eins og eins og
áður sagði þarf að mörgu að hyggja þegar
stórmót eru haldin. Það þarf að útvega
keppendur, gistirými, fæði og rútuferðir svo
eitthvað sé nefnt.
Ungmennasamband Borgarfjarðar hefur
gefið út fréttabréf 4 - 5 sinnum á ári. Þetta
er kjörin vettvangur fyrir aðildarfélögin að
koma með upplýsingar um starfið. Auk
þess sem skrifstofan getur komið á
framfæri upplýsingum um starfsemina.
Gerð heimasíðu sambandsins er í
mótun og verður vonandi ekki langt í að
hún komist í notkun. En eins og fólk veit er
það bylting í upplýsingamiðlun að hafa
heimasíðu.
Eins og sjá má er ekki virkt starf í einni
grein heldur er mikill hugur í fólki á hinum
ýmsu sviðum íþróttamannlífsins og vonandi
verður svo áfram.
Bestu kveðjur úr Borgarfirði
Hafir þú áhuga á að koma fréttum frá
þínu félagi/sambandi á framfæri þá
sendu það áhugaverðasta til okkar á
Skinfaxa. Netfangið okkar er:
umfi@umfi.is.