Skinfaxi - 01.12.2002, Síða 31

Unnar Steinn Bjarndal formaöur Umf. Bifröst
Evrópu. Eins veit ég um mjög vígalegan kraftlyftingakappa,
körfuboltamann, blakstelpur og fótboltastráka sem öll eiga fuEt erindi í
hvern sem er. Eigum við samt ekki að byrja á því að mæla okkur við
okkur sjálf og sjá hvort að við séum betri í dag en í gær í því sem við
erum að gera og bíða með að spá einhverjum landsliðssæti."
Eru einhver gæluverkefni sem þið eruð að vinna að og verða
hjáykkurá næstunni eða strax eftir áramót? „Ég held að það
sé mjög sterkt hjá okkur ef við náum að setja okkur raunhæf
skammtímamarkmið og háleit langtímamarkmið. Til dæmis langar mig
til þess að byrja á þvi að koma íþróttaæfingum af stað hjá börnunum
og auka við úrval íþróttaiðkunnar fyrir þá sem eldri eru. Svo er það að
sjálfsögðu markmið útaf fyrir sig að halda lífi því að það er eitt að
sto&ia félag en annað að halda lífi í því. Langtímamarkmið félagsins
snúast svo örugglega um íþróttamannvirki af einhverju tagi. Er ekki
grimdvöllur fyrir byggingu íþróttamannvirkja í öðrum smábæum í
sömu stærðargráðu og Bifröst? Þætti mér skemmtilegt að sjá eitthvað
gerast í þessum málum á Bifröst á næstu árum.
Við stjórnvölinn í Viðskiptaháskólanum situr nú fólk sem er ekki hrætt
við að hugsa stórt og hver veit hvað gerist? En eins og ég sagði þá
eru það skammtímamarkmiðin sem skipta öllu máli eins og er og nú
þarf stjórn félagsins að festa félagið rækilega í sessi í daglegu lífi á
Bifröst."
Hvernig er aðstaöan á Bifröst fyrir félagið? „Félagið hefur enga
aðstöðu fyrir starfsemi sína á Bifröst. Við höfum enga félagsaðstöðu
enn sem komið er en það er heldur ekki eitthvað sem við leggjum
áherslu á, Fundir stjórnar munum við fá að halda í nýju og glæsilegu
fundarherbergi í nýrri skólabyggingu Viðskiptaháskólans. íþróttastarf
mun fara fram í íþróttahúsi að Varmalandi, í Borgarnesi og að sjálf-
sögðu í náttúrunni á Bifröst. Ég held að ef við fáum nægan aðgang að
íþróttahúsi og sundlaug sé það alveg nóg fyrir okkur til að byrja með.!
Hvernig hefur samfélagið á Bifröst tekið þessu nýja félagi á
staðnum? „Við höfum fundið fyrir miklum og jákvæðum áhuga íbúa
á Bifröst. Sést sá áhugi best í því að stofnfélagar eru gríðarlega margir,
og í raun miklu fleiri en við þorðum að vonast eftir og mæting á
stofnfund var stórkostleg. Svona hlutir gerast ekki nema að fólk standi
saman, Starfsemi félagsins fer ekki af stað fyrr en á nýju ári. Við drifum
í því að stofna félagið af því að í nóvember tók svo við prófatörn og þá
hefur enginn tíma fyrir svona lagað. Við gerðum þetta í byrjun
nóvember af því að það tekur sinn tíma fyrir TJMSB að samþykkja
okkur inní sambandið og UMFÍ að samþykkja lögin okkar. Mér fannst
sniðugt að nýta þenna „dauða" tíma, vegna prófa, í þessi atriði þannig
að við getum byrjað fersk eftir áramót. Því hefur nú ekki komið nein
reynsla á það hvernig íbúar á Bifröst taka auknu íþróttastarfi á
svæðinu, kemur það mér á óvart ef því verður ekki tekið með opnum
örmum.
Umf. Bifröst er stofnað utan um lítið samfélag á Bifröst.
Hvernig sérðu félagið vaxa og dafna? „Félagið verður vonandi
fljótlega stór partur af lífi íbúa á Bifröst. Það skiptir kannski ekki máli
hversu fjölmennt það verður en ég vona að það haldist samt í hendur
við fjölgun á svæðinu í framtíðinni.
Viðskiptaháskólinn hefur áætlað að auka enn við námsframboðið og
mun íbúum á Bifröst fjölga enn á næstu árum. Því veit ég að ef rétt er
haldið á spöðunum ætti félagið að dafna vel. Félaginu verður ekki til
að byrja með skipt í neinar greinar. Ég held að allir vilja vinna saman
að markmiðum okkar þó að einhverjir vilji einbeita sér að bolta en
aðrir fjallgöngum. Geri þátttaka okkar í einhverjum mótum kröfu um
að til séu sjálfstæðar deildir innan félagsins reynum við að sjálfsögðu
að mæta öllum kröfum."
Og að lokum - var Unnar Steinn í öðru ungmennafélagi áður
en hann stofnaði og gerðist formaður Umf Bifröst? ,,Ég gekk í
Ungmennafélag Biskupstungna við fæðingu og er því HSK maður í húð
og hár en ég kem úr mikilli ungmennafélagsfjölskyldu. Svo þegar ég
flutti á Selfoss gekk ég að sjálfsögðu til liðs við Ungmennafélag Selfoss
en ég hef dæmt mikið fyrir það félag í knattspyrnu."
Ungtnetmafélagið
Bifröst
Stofnad
2002
Til dæmis.langar mig til þess að byrja
á því að köma íþróttaæfingum af stað
hjá börnunum og auka við úrval
íþróttaiðkunar fyrir þá sem eldri eru.
Svo er það að sjálfsögðu markmið útaf
fyrir sig að halda lífi því að það er eitt
að stofna félag en annað að halda lífi í
því. Langtímamarkmið félagsins snúast
svo örugglega um íþróttamannvirki af
einhverju tagi' - Unnar Steinn
Frá stofnfundi Umf. Bifröst