Skinfaxi - 01.12.2002, Blaðsíða 32

/
Björn B. Jónsson formaður UMFI skrifar
Ekki ein hrukka þrátt fyrir
tæplega hundrað ára aldur
Nítugasta og fimmta starfsár UMFÍ er að líða. Landshreyfing ungs fólks á öllum aldri sem
lætur sér ekkert óviðkomandi er að nálgast eitt hundrað ár, án þess svo mikið sem ein
hrukka sjáist. Geri aðrir betur.
Myndir: Sigurjón Ragnar
Það ár sem er að líða hjá ungmennafélagshreyf-
ingunni hefur verið að mörgu leyti starfsamt. Mörg
verkefni stór sem smá hafa verið framkvæmd og
verið hreyfingunni til sóma.
Af einstökum verkefnum sem UMFÍ stóð fyrir á
árinu var Unglingalandsmótið í Stykkishólmi um
verslunarmannahelgina stærst þeirra. Þessi
samblanda af útihátíð og íþróttamóti tókst með
ágætum, Enn einu sinni sannar ungmennafélags-
hreyfingin að það er hægt að gera nær það
ómögulega. Að segja sukki og svínarii þessarar
alræmdu helgar stríð á hendur virðist ekki á færi
hvers sem er. Það er því mikil ögrun sem
Ungmennafélag íslands stendur frammi fyrir um
þessar mundir, það að taka ákvörðun um að hafa
Unglingalandsmót á hverju ári og framhalda þeirri
sókndjörfu vinnu sem farin er af stað gegn áfengi
og öðrum vímuefnum um þessa helgi.
Annað verke&ii hreyfingarinnar var mjög
viðamikið. Það var verkefnið „Göngum um ísland"
sem Þjónustumiðstöð UMFÍ á Egilsstöðum stóð
fyrir. í fyrsta sinn var landsverkefni á vegum
hreyfingarinnar stýrt frá landsbyggðinni, að
Landsmótunum undanskildum. Sú reynsla sem við
fengum með þessu verkefni er dýrmæt, en það
kom í ljós að mikill munur er á að standa fyrir
verke&ii sem þessu úti á landi eða í Reykjavík.
Tuttuguþúsund göngubækur voru ge&iar út sem
göngufólk eignaðist sem tók þátt í göngunni.
í tengslum við þetta verkefni var annað göngu-
verkefni sem var tengt fjallstindum, sem tókst með
miklum ágætum með þátttöku u.þ.b. 4000
íslendinga.
Fjórða verkefnið sem ég vil nefna er „íþróttir og
tómstundir fyrir þig'' sem var unnið í samstarfi við
Mosfeilsbæ, Ráðstefna og sýning ásamt ýmsum
öðrum uppákomum í byrjun maí vakti mikla athygli
og var öllum til mikils sóma sem að komu.
Um mitt þetta ár stóð NSU ásamt UMFÍ fyrir
leiðtoganámskeiði fyrir unga verðandi leiðtoga af
öllum Norðurlöndum (utan Græniands). Undir-
ritaður trúir því staðfastlega að framtíð hreyfingar
eins og Ungmennafélagshreyfingarinnar byggist á
kennslu í stjórnun. í framhaldi af námskeiðinu í
sumar hefur nú á haustmánuðum verið formanna-
skóli og síðan skóli fyrir leiðtoga á vegum Leið-
togaskóla UMFÍ. Mikil aðsókn var að hvorutveggja
og sýnir sig vel að þörf er á þessari fræðslu.
Fyrir utan framgreint hafa stærstu verkefnin verið
skipulagsmálin þar sem varaformaður Ungmenna-
félags íslands hefur leitt þá vinnu ásamt mörgu
öðru hæfu fólki víðs vegar að úr hreyfingunni. Nú
liggur fyrir áfangaskýrsla sem var lögð fram á
Sambandsráðsfundi UMFÍ á Klaustri í október sl.