Skinfaxi - 01.02.2007, Page 10

kajk vtru) vtofKaðw

Kynning á verkefninu
Flott án fíknar á nokkrum
stöðum á Norðurlandi fór
fram í upphafi þessa árs.
Guðrún Snorradóttir,
verkefnisstjóri, hélt fundi
á Blönduósi, Sauðárkróki,
Akureyri og á Laugum í
Þingeyjarsýslu.
Að sögn Guðrúnar gekk ferðin mjög vel og eru
margfeldisáhrif verkefnisins farin að segja
greinilega til sín. Markmið verkefnisins er að
seinka því að unglingar noti áfengi og að ná
fram hugarfarsbreytingu í þjóðfélaginu um að
unglingar njóti æskuáranna án vímuefna.
„( ferðinni var stofnaður klúbbur í Litlulauga-
skóla og eru klúbbarnir orðnir tólf talsins. Ég er
bjartsýn á að fleiri klúbbar muni bætast við fyrir
vorið. Það er töluverður áhugi víða um land og
ég verð vör við góðar undirtektir," sagði Guðrún
Snorradóttir.
Flott án fíknar er verkefni sem tekur til
þriggja þátta, neyslu tóbaks, áfengis og ólög-
legra fíkniefna. Verkefnið byggist á samnings-
bundnu klúbbastarfi og viðburðadagskrá þar
sem unglingar skemmta sér saman á heilbrigð-
an og uppbyggilegan hátt.
Flugmyndafræði klúbbsins Flott án fíknar
snýst um að koma í veg fyrir að unglingar byrji
að fikta við tóbak og áfengi og styrkja þá í þeirri
ákvörðun. Markmiðið með klúbbastarfinu er
að unglingum finnist eftirsóknarvert að verja
æskunni á heilbrigðan hátt án tóbaks og vímu-
efna.
Ungmennafélag íslands býður öllum sem
áhuga hafa á að kynna sér klúbbastarfið Flott
án fíknar að fá kynningu hvar sem þeir eru á
landinu. Allir sem starfa með unglingum geta
stofnað klúbb og er verkefnið bæði aðgengilegt
og auðvelt í framkvæmd. Á næstu mánuðum
mun verða haft samband og boðið til frekari
kynningar en öllum áhugasömum er bent á að
hafa samband við skrifstofu Ungmennafélags
(slands, í síma 568-2929.
Frá heimsókn forseta Islands í Hamraskóla í Grafarvogi í febrúar síðastliðnum.
Guðrún Snorradóttir, lengst til vinstri, á fundi sem haldinn var á Sauðárkróki I síðasta mánuði I tengslum
við verkefnið. Iþessari sömu ferð fundaði Guðrún einnig með áhugasömu fólki á Blönduósi, Akureyri og á
Laugum IÞingeyjarsýslu.
♦
4
10 SKINFAXI - tímarit Ungmannafélags íslands