Skinfaxi - 01.05.2008, Blaðsíða 10
Mótshaldið á eftirað
skipta okkur miklu máli
„Það er óhætt að segja aö undirbúning-
ur fyrir mótið hafi gengið vel á allan
máta. Unglingalandsmótsnefndin hefur
unnið vel og það er búið að hnýta alla
enda. Það verður svo auðvitað allt á
spani síðust'i vikurnar fyrir mót eins og
gengur og gerist. Byggingarframkvæmd-
ir ganga sömuleiðis vel, völlurinn lítur
(iröið mjög vel út en byrjað var að leggja
gerviefni aðra vikuna í júní. Framkvæmd-
um við nýtt sundlaugarsvæði og þjón-
ustuhús með búningsklefum og líkams-
rækt miðar vel og allt verður klárt þegar
stóra stundin rennur upp,“ sagði Ragnar
Sigurðsson, formaður unglingalands-
mótsnefndar og íþrótta- og æskulýðs-
fulltrúi í Þorlákshöfn, í spjalli við Skin-
faxa þegar sem hann var inntur eftir
hvað liði undirbúningi fyrir 11. Ungl-
ingalandsmótið sem haldið verður í
Þorlákshöfn dagana 1.-3. ágúst nk.
Þegar Skinfaxi náði tali af Ragnari
var hann ásamt bæjarstjóranum, Ólafí
Áka Ragnarssyni, á Hornaflrði þar sem
Unglingalandsmót fór fram í fyrra.
„Okkur fannst alveg tilvalið að
skreppa austur og fá upplýsingar um
mótshaldið frá heimamönnum. Þetta
var afar gagnleg ferð og Hornfirðingar
veittu okkur ýmsar upplýsingar sem
munu nýtast vel við undirbúning hér í
Þorlákshöfn," sagði Ragnar.
Ragnar sagði undirbúningstímann
afskaplega skemmtilegan.
„Það er mikill áhugi fyrir mótinu og
mikið af áhugasömu og góðu fólki sem
hefur unnið að undirbúningnum. Ég
verð var við mikinn áhuga heimafólks
og hef ekki raunar verið spurður um
annað en mótið þegar maður hefur hitt
fólk úti á götu á síðustu mánuðum. Fólk
er óneitanlega orðið spennt og er tilbúið
að bjóða fram krafta sína og hjálpa til.
Ég hef það á tilfinningunni að þetta eigi
eftir að heppnast vel,“ sagði Ragnar.
Ragnar sagði að mótshaldarar byggj-
ust við um tíu þúsund manns á svæðið.
Allt eins má búast við meiri íjölda en
tilgangslaust er að reyna að kasta ein-
hverri tölu á það.
„Við reiknum með að umferðin um
mótið verði með öðrum hætti en áður.
Það verður kannski meira um að fólk
renni hér í gegn og fari svo annað á
11 .UNGLINGA
LANDSMÓT
UMFÍ
kvöldin," sagði Ragnar.
Að sögn Ragnars er öll aðstaða fyrir
keppendur og gesti tilbúin. Öll tjald-
stæði, sem verða á þremur stöðum, eru
komin í gagnið. Leyst hafa verið öll
vandamál sem því fylgdu, bæði hvað
varðaði rafmagn, vatn og hreinlætis-
aðstöðu.
„Ég er alveg viss um að Þorlákshöfn
á eftir að njóta þess um ókomin ár að
hafa haldið Unglingalandsmót. Þetta
mótshald á eftir að skipta okkur miklu
máli í framtíðinni. Unglingalandsmót-
in eru orðin gríðarlega flott, glæsileg í
alla staði, og ekki hvað síst mót fyrir alla
fjölskylduna. I mínum huga er þetta
mikil fjölskylduhátið þar sem foreldrar
verja helginni með börnum sínum í íjör-
legu og heilbrigðu umhverfi. Unglinga-
landsmótin hafa þróast með skemmti-
legum hætti í gegnum tíðina. Þessi mót
eiga svo sannarlega framtíðina fyrir
sér,“ sagði Ragnar Sigurðsson, formaður
unglingalandsmótsnefndar.
10 SKINFAXI - tímarit Ungmennafélags Islands