Skinfaxi - 01.11.2008, Blaðsíða 9

Ólafur Stefánsson,
einn fremsti handboltamaður heims
Ólaf Stefánsson, landsliðsmann
í handknattleik, þekkja flestir
íslendingar og eflaust er hann í
miklu uppáhaldi hjá börnum og
unglingum sem stunda íþróttir.
Ólafur er stórt nafn í handbolta-
heiminum og margir vilja meina að
hann sé einn af bestu handbolta-
mönnum í heiminum í dag.
Ólafur minnti rækilega á sig á vor-
dögum þegar hann átti stóran þátt í sigri
liðs síns, Ciudad Real, í meistaradeild
Evrópu. Þar skoraði hann tólf mörk í
síðari leiknum gegn þýska liðinu Kiel.
Ólafur lagði grunninn að sigrinum sem
tryggði spænska liðinu sigurinn í deild
sterkustu liða Evrópu. Stór orð voru
höfð um frammistöðu Ólafs eftir þenn-
an leilc og líklega hefur þetta verið einn
af betri leikjum hans á ferlinum.
Atvinnumaðurí12ár
Ólafur hefur verið atvinnumaður í
handknattleik í 12 ár, fyrst í Þýskalandi
með Wuppertal og síðan Magdeburg.
Þaðan lá leiðin til Spánar þegar hann
gekk í raðir Ciudad Real en þar hefur
hann leikið í fimm ár við frábæran
orðstír. Eftir þetta tímabil hefur Ólafur
ákveðið að söðla um en nýverið skrifaði
hann undir þriggja ára samning við
danska liðið Glostrup.
Gaman á æfingum
- Hvaða áform hafði Ólafur uppi þegar
hann var í kringum 15 ára aldurinn?
„Þau voru engin í sjálfu sér en ég
hafði ofsalega gaman af því að fara á
æfingar. Ef unglingar á þessum aldri
hafa gaman af því sem þeir eru að gera
þá eru þeir á réttri leið. Ef þeir hafa hins
vegar ekki gaman af því sem þeir eru að
gera eiga þeir hætta eða snúa sér að ein-
hverri annarri íþróttagrein. Finna sér
annan þjálfara eða annan félagsskap. Ef
það er gaman í handbolta eiga strákarn-
ir að gera eins vel og þeir geta, vera ein-
beittir og glaðir,“ sagði Ólafur.
- Varstu sjálfur farinn að hugsa um að
þú yrðir einhvern tírnann atvinnumaður
í handbolta?
„Nei, það var ég ekki farinn að gera.
Það kemur bara sjálfkrafa ef annað er í
lagi,“ sagði Ólafur sem byrjaði að æfa
handbolta þegar hann var 11 ára gamall.
Hann æfði auk handbolta, körfubolta og
fótbolta þangað til hann var kominn um
tvítugt. Þá ákvað hann að æfa eingöngu
handbolta. Hann sagði það hafa verið
góð undirstaða fyrir framhaldið að hafa
æft þessar þrjár boltagreinar þegar hann
var ungur.
Ólafur var inntur eftir því hvað hann
ráð gæfi unglingum hvað varðaði matar-
æði og heilbrigði almennt.
„Svo framarlega sem þeir reykja ekki
og drekka mega þeir eiginlega borða
hvað sem er. Ef þeir ýta reykingum og
drykkju til hliðar eru þeir flottir," sagði
Ólafur.
- Hvernig er unglingastarfi í handbolta
háttað á Spáni? Er það öðruvísi en hér
á landi?
„Það er svona nokkuð svipað og hér
á íslandi. Þó fara æfingar í byrjun nreira
fram í gegnum skólakerfið. I dag eru
reyndar komnir stórir skólar sem leggja
rækt við handbolta og í þeirn tilfellum
þurfa foreldrar að borga mikinn pening
fyrir börnin sín. Unglingaþjálfun, t.d.
hjá Ciudad Real, er samt ekki markviss,
hún mætti alveg vera betri.“
Ólafur segir það mikilvægt hjá ung-
um handboltaiðkendum að æfingarnar
séu skemmtilegar.
„Alvaran á ekki í sjálfu sér að vera í
fyrirrúmi á þessum aldri. Það á að vera
gaman að fara á æfíngu. Ef lögð er rækt
við æfingar koma aðrir hlutir af sjálfum
sér. Það skiptir líka miklu máli í mínurn
huga að bera virðingu fyrir þeim sem
maður æfir með. Ef þú getur hjálpað
félaga þínum á æfingum átt þú að gera
það. Handbolti er ekki bara leikurinn
sjálfur, þú verður að æfa sendingar og
varnarleikinn. Ef þessir hlutir eru í
lagi, þá ertu á réttri leið,” sagði Ólafur
Stefánsson.
SKINFAXI - tímarit Ungmennafélags íslands 9