Skinfaxi - 01.11.2008, Blaðsíða 10

Aðalfundur ISCA haldinn í Barcelona
Aðalfundur ISCA, International
Sport and Culture Association, var
haldinn í Barcelona 23. október sl.
ISCA eru samtök um almennings-
íþróttir og menningu hinna ýmsu
landa í heiminum.
Ungmennafélag íslands er aðili að
þessum samtökum og sóttu fundinn
afhálfu UMFÍ þau Sæmundur
Runólfsson, framkvæmdastjóri, og
Helga Guðrún Guðjónsdóttir, for-
maður UMFÍ.
Sæmundur er stjórnarmaður í
ISCA, en á aðalfundinum kynnti
Helga Guðrún starfsemi UMFÍ.
Um 100 fulltrúar víðs vegar að úr
heiminum sóttu aðalfund að þessu
sinni sem tókst með miklum ágæt-
um. í tengslum við fundinn í
Barcelona var haldin ráðstefna
undir yfirskriftinni „íþróttir fyrir
alla“. Um 300 manns tóku þátt í
ráðstefnunni og tíu fyrirlesarar
fluttu einkar athyglisverð erindi sem
vöktu mikla athygli á meðal þátt-
takenda.
Evrópa unga fólksins stóð fyrir
námskeiði á Nesjavöllum
Evrópa unga fólksins stóð fyrir nám-
skeiði, í samstarfi við SALTO-YOUTH,
fyrir unga Evrópubúa á Nesjavöllum
dagana 29. september - 5. október
sl. Námskeiðið baryfirskriftina
„Að vera Evrópubúi" (European
Citizenship). Þátttakendur voru 30
frá 18 löndum í Evrópu, þar á meðal
frá fslandi. Óhætt er að segja að þátt-
takendurnir hafi spannað alla Evrópu
því að þeir komu frá Norðurlöndum,
Vestur-, Mið- og Austur-Evrópu og
var mjög fróðlegt að kynnast ólíkum
bakgrunni fólks og menningunni á
heimaslóðum þess.
Þátttakendurnir vinna allir að
æskulýðsmálum, vinna með ungu
fólki eða fyrir ungt fólk, eru verk-
efnastjórar í ungliðastarfi, hafa ein-
hverja reynslu af alþjóðlegu æsku-
lýðsstarfi en eru samt nýliðar hvað
varðar þá hugsun að vera Evrópubúi
í leik og í starfi.
Námskeiðinu var ætlað að styðja við
fólk sem vinnur í æskulýðsgeiranum
og hvetja það til að hafa hugann við
Evrópu þegar það starfar á þeim vett-
vangi. Áhersla var lögð á að innleiða
þá hugsun að vera Evrópubúi í leik og
í starfi en ekki eingöngu (slendingur,
Þátttakendur
á námskeiðinu
heimsóttu m.a.
Þingvelli.
Frakki, Pólverji og svo framvegis.
Styrkjaáætlunin, sem Evrópa unga
fólksins vinnur með, var kynnt og
þátttakendum bent á leiðir til að nýta
sér áætlanir er styrkja ungmenni í
verkefnum sem leggja áherslu á þá
hugsun að vera Evrópubúi.
Leiðbeinendur á námskeiðinu
voru þrírog komu frá Ungverjalandi,
Spáni og Hvíta-Rússlandi.
„Námskeiðið gekk að óskum og
þátttakendurnir voru hæstánægðir
með tækifærið til að sjá norðurljósin
og snjóinn," sagði Anna R. Möller,
verkefnisstjóri Evrópu unga fólksins.
Anna sagði ennfremur að Evrópa
unga fólksins fengi sérstakt fjár-
magn á ári hverju sem ætlað væri til
að senda fólk á námskeið og þjálfun
og eins til að halda námskeið hér
innanlands.
10 SKINFAXI - tfmarit Ungmennafélags íslands