Skinfaxi - 01.11.2008, Blaðsíða 20

•O.
ÆSKULÝÐS
VETTVANGURINN
■KpiLps (fjjzi
Bandalag íslenskra skáta MBfffKs
Þórólfur Þórlindsson, forstjóri Lýðheilsustöðvar:
Öll hreyfing er mikilvæg fyrir
líkamlega og andlega heilsu
„Við hér á Lýðheilsustöð vinnum á
mörgum sviðum, bæði til forvarnar og
heilsueflingar. Við f)öllum um tóbaks-
varnir, áfengismál, ólögleg vímuefni,
geðrækt og svo erum við að leggja vax-
andi áherslu á heilsueflingu sem snýr að
hreyfingu. Einn veigamikill þáttur í
starfi stofnunarinnar er næringarfræðin
og þar held ég að við séum að ná veru-
legum árangri. Svona í heildina litið
stefnir margt í rétta átt og við stöndum
vel í þeim efnum í samanborið við aðrar
þjóðir sem við berum okkur oft saman
við,“ sagði Þórólfur Þórlindsson, for-
stjóri Lýðheilsustöðvar, í samtali við
Skinfaxa.
Þórólfur sagði skýr merki um það að
börn og unglingar, sem tækju þátt í
íþróttastarfi, væru almennt í miklu betra
líkamlegu formi en þeir sem taka ekki
þátt í slíku.
„Hreyfingin er svo geysilega mikilvæg
fyrir líkamlega og andlega heilsu. Hreyf-
ingin er öflug vörn við þeim vágesti sem
Vesturlönd standa nú öll frammi fyrir,
sem er vaxandi ofþyngd barna og ungl-
inga. Það er talað um að 20% í þessum
hópi séu of þung og það kemur til af
hreyfingarleysi í langflestum tilfellum.
Þetta getur haft mjög slæmar afleiðingar
fyrir heilsu þessara einstaklinga þegar
fram í sækir. Þess vegna þurfum við
núna að leggja áherslu á að ná til þessa
hóps barna og unglinga og brýna fyrir
þeim að hreyfa sig meira. Krakkar, sem
taka þátt í íþróttastarfi, eru að þessu
leytinu til mun betur sett heldur en þau
sem hreyfa sig minna. í þessum skiln-
ingi er starfið mjög mikilvægt.“
- Hvernig cetlið þið að ná til þessa
hóps sem á við ofþyngd að stríða?
„Við reynum að ná til þeirra á sem
flestum sviðum. Þegar við horfum á
þessi mál í hnotskurn sjáum við að lífs-
stíll barna og unglinga skiptir miklu
máli fyrir velferð þeirra og hvernig
þeim farnast andlega og líkamlega.
Við vitum að erfðir hafa þarna áhrif en
við vitum það líka að lífsstíll barnanna
hefur mjög mikil áhrif. Lífsstíllinn
ákvarðast af umhverfi í ríkum mæli og
við getum haft mikil áhrif að búa til
gott og jákvætt umhverfi fyrir börn og
unglinga."
- Forvarnir skipta kannski aldrei meira
máli en á tímum eins og skollið hafa yfir
þjóðina á síðustu vikum. Ertu sammála
því?
„Já, heilsuefling og forvarnir almennt
skipta verulegu máli á þeim erfiðu tím-
um sem eru núna og fara í hönd. Nú
skiptir máli að við öll hjálpumst að við
að takast á við vandann á jákvæðan og
uppbyggilegan hátt. Við megum alls
ekki sökkva niður í svartsýni og bölmóð,
það hjálpar ekki. Við eigum samt ekki
að vera óraunsæ heldur eigum við að
vera eins raunsæ og við getum. Við eig-
um svo mikið undir því að efla samtaka-
máttinn, samstöðuna og í raun baráttu-
kraftinn. Vandamálin eru áskoranir sem
við þurfum að taka á og sigra að lokum,“
sagði Þórólfur.
Þórólfur sagðist viss um að þjóðin
kæmist í gegnum þessa erfiðleika á til-
tölulega stuttum tíma. Þegar svo til
lengri tíma væri litið væri bjart fram
undan hjá okkur.
„Ég hef mikla trú á unga fólkinu og
æsku þessa lands. En ég er líka sann-
færður um að við verðum öll að leggja
eitthvað af mörkum. Einmitt í þessari
stöðu, sem við erum í núna, þegar allir
þurfa einhvern stuðning, þá verður
þetta félagsstarf svo mikilvægt og þar á
ég við íþrótta- og æskulýðsstarf. Með
því brúum við svolítið bil á rnilli kyn-
slóða og eflum gildi samfélagsins sem
skipta svo miklu máli. Félagsstarfið get-
ur hjálpað okkur við að efla félagsauð-
inn í þeim þrengingum sem við búum
við í dag. Þáttur íþrótta- og æskulýðs-
starfs er aldrei mikilvægari en einmitt
nú um stundir. Við verðum af öllum
mætti að hlúa vel að öllu starfi sem börn
og unglingar koma nálægt. Uppeldis-
starfið er mikilvægt svo og skólastarfið
og heilbrigðismálin í heild sinni. Þótt
illa ári núna megum við aldrei gleyma
þessum þáttum í samfélagi okkar. Við
megum ekki heldur gleyma því að við
eigum marga góða þætti í menningu
okkar sem við þurfum að lyfta undir
akkúrat núna,“ sagði Þórólfur Þórlinds-
son.
20 SKINFAXI - tímarit Ungmennafélags íslands