Sjómannablaðið Víkingur - 01.08.1950, Blaðsíða 15

Sextugur:
Sigurður Gíslason skipstjóri
Einn af kunnustu skipstjórum íslenzka far-
skipaflotans, Sigurður Gíslason, varð sextugur
14, maí sl. Hann er fæddur að Króki í Grafningi
og ólst þar upp til 10 ára aldurs.
Sjómennsku hóf Sigurður, eins og þá var
altítt, aðeins 14 ára að aldri. Réðist hann þá
háseti á kútter Pollux frá Hafnarfirði. Hann
var síðan vélstjóri um átta ára bil og er því
einn hinna fyrstu manna hér á landi, sem kynn-
ist meðferð mótorvéla, það starf hefur honum
fallið vel, því áhugi hans fyrir vélfræði hefir
verið vakandi æ síðan, enda fylgzt vel með í
þeim efnum og skrifað margar greinar í Vík-
inginn um nýjustu tæki og framfarir í mótor-
vélfræði.
Hjá Eimskip byrjaði Sigurður sem stýri-
maður á Villemoes 1917, sem þá var nýkeyptur
frá Danmörku, en áður hafði hann verið í
siglingum frá því árið 1914, og hefir því siglt
tvær heimsstyrjaldir. Frá því árið 1940 sigldi
Sigurður sem skipstjóri á Brúarfossi, Lagar-
fossi gamla og á Goðafossi, þar til honum var
sökkt. Má því geta nærri, að hann hefir séð og
reynt margt misjafnt í ferðum sínum.
Sigurður Gíslason er sérstakur um margt.
Hann mun eiga eitt fjölbreyttasta safn af
ljósmyndum af fögrum stöðum hér á landi,
sem til er í einstaklingseign, en hann hefir
varið frístundum sínum til þess að ferðast um
óbyggðir landsins. Kemur slíkur áhugi vel
heima við listeðli hans og fegurðarsmekk, og
er þá bezt, fyrst ég á annað borð hefi minnzt
á þessa hlið hans, að ljóstra því upp, að hann
er að mínum dómi ágætur málari. Veit ég að
hann kann mér engar þakkir fyrir þennan sögu-
burð, en erfitt mun honum reynast að afsanna
þetta.
Ekki hafa þessir fjölbreyttu hæfileikar Sig-
urðar staðið í vegi fyrir því, að hann rækti
starf sitt sem skipstjóri með afbrigðum. Hann
hefir alla tíð verið vel látinn og réttsýnn yfir-
maður og notið mikils trausts og álits hjá Eim-
skip.
Sigurður hefir verið félagi í Stýrimanna-
félagi Islands í 16 ár, var lengi í stjórn og mjög
virkur í starfsemi þess.
Víkingurinn óskar Sigurði Gíslasyni til ham-
ingju með þetta merkisafmæli, og þakkar honum
þá vinsemd og þann stuðning, sem hann hefir
veitt blaðinu frá upphafi, og óskar þess að
starfskraftar hans megi endast sem lengst, því
ekki er annað að sjá en að hann sé ennþá í
fullu fjöri og að ellimörkin séu ekki sérstak-
lega nærgöngul við hann.
Sigurður Gíslasoir er nú skipstjóri á Lagar-
fossi nýja. *
G. J.
©/eLÐ
Matsveinn og
sjómaður
Þegar rætt er eða ritað um öryggi sjómanna
við störf sín, og sér í lagi ef það er gert á opin-
berum vettvangi, þá er nauðsynlegt, að það sé
gert af sjómanni, sem hefur gert það starf að
atvinnu sinni. Þá eru mestar líkur fyrir því, að
rétt sé skýrt frá, og að um öruggar tillögur sé
að ræða.
Ég varð mjög undrandi, er ég ias greinarstúf
V I K I N G L) R
151