Sjómannablaðið Víkingur - 01.10.1990, Blaðsíða 17

75 ARA
fjögur ár og nafni skólans var
enn breytt og nú í Vélskóli ís-
lands. Eftir þessa breytingu
fjölgaöi mjög í skólanum og
undanfarin ár hefur nemenda-
fjöldinn verið nálægt 200
hundruð. Árlega útskrifast 30-
35 nemendur og námstíminn er
orðinn fimm ár. Árið 1981 var
tekið upp áfangakerfi í skólan-
um og við þá breytingu var
námið samræmt námi í öðrum
framhaldsskólum.
Andrés segir að þegar hann
ákvað að læra til vélstjóra hafi
ástandið verið allt annað en nú
er. „Ég ætlaði mér að verða vél-
stjóri eins og pabbi sem var vél-
stjóri og sjómaður. En ég er
kreppubarn og á þeim árum var
hreint ekki auðvelt að fá vinnu.
Þá þurfti maður aö komast sem
lærlingur í smiðju í fjögur ár
áður en maður fékk inni í skól-
anum. Ég komst aö í smiðju 16
ára og var feginn því, vegna
þess að það þótti gott að fá ein-
hverja vinnu á þessum árum.
Síðan komst ég í skólann og
þaðan fór ég til Danmerkur í
tækniskóla. Eftir það kom ég
heim og vann í Héðni í nokkur
ár, þar til ég kom í Vélskólann til
að kenna 1955,“ segir Andrés.
Næsta vor útskrifar Andrés
sína síðustu nemendur, því
hann verður 70 ára á næsta ári
og þá verður hann að hætta.
Ekki segist hann kvíða því.„ Ég
er nefnilega alltaf á leiðinni að
gera ekki neitt og ég ætla bara
að slappa af. Ég kvíði því hreint
ekki að hætta.“
— Þú hefur unnid hér í skól-
anum frá 1955, hvad er þér
minnisstæðast frá þessum ár-
um?
„Það hefur svo gríðarlega
mikið breyst frá því ég kom
hingað. Þegar ég byrjaði að
kenna hér var skólinn í dróma
og aðsóknin var mjög lítil. En
ég vann með afskaplega góð-
um manni, honum Gunnari
Bjarnasyni sem þá var skóla-
stjóri og tíu árum eftir að ég hóf
störf varð mikil kerfisbreyting í
skólanum. Þá sameinaðist öll
vélstjórnarkennsla landsins.
Það er mér eiginlega minnis-
stæðast, því þá réðum við ekki
neitt við neitt. Við vorum með
um 350 nemendur á ári og það
var á mörkunum að við gátum
þetta. Okkur vantaði húsnæði,
vélar og allt til alls.
En það sem stendur kannski
mest upp úr er þegar skuttog-
ararnir komu upp úr 1970 og öll
sú nútímatækni sem við búum
við í dag,“ segir Andrés Guð-
jónsson skólameistari.
í tilefni 75 ára afmælisins
hefur Vélskóli Islands gefið út
ritið, Vélstjóramenntun á ls-
landi, en höfundur þess er ein-
mitt einn af kennurum skólans,
Franz Gíslason sagnfræðing-
ur. Þá verður haldinn afmælis-
fagnaður hinn 3. nóvember
með mikilli hátíðardagskrá.
Andrés Guðjónsson
skólameistari síðan
1971.
Gunnar Bjarnason var
skólastjóri frá 1955 tll
1971.
VÍKINGUR 17