Sjómannablaðið Víkingur - 01.10.1990, Blaðsíða 61
Þar sem fiskvinnslan á um það bil 80% af fiski-
skipaflotanum hefur einnig verið góssentíð hjá
útgerðinni, allt þar til nú á haustdögum að olíu-
verðið rauk upp og þyngdi svolítið róðurinn hjá
sumum þeirra, þótt aðrir hafi grætt á því. Margir
bíða spenntir eftir þingi LÍÚ í haust en á því þingi
hefur vanalega verið hávær grátkór um hörmu-
lega afkomu útgerðarinnar.
Menn hafa verið að uppgötva ýmsa galla á því
kvótakerfi sem tekur gildi um áramótin og ýmsir
þingmenn hafa sagt að hjá því verði ekki komist
að taka lögin aftur upp á Alþingi. Samkvæmt
heimildum okkar í Gámi, má Halldór Ásgrímsson
sjávarútvegsráðherra ekki heyra á það minnst.
Hann veit þó um gallana, en stoltsins vegna vill
hann ekki að málinu verði hreyft frekar. Nokkrir
stjórnarþingmenn munu þó ætla að gera það
hvað sem tautar og raular.
Nokkrir fréttamenn á Ríkisútvarpinu hafa gefið
sig út fyrir að vera sérf ræðinga í sjávarútvegsmál-
um. Á dögunum þegar þeir skýrðu frá verkfalls-
boðun Farmanna- og fiskimannasambandsins
töluðu þeim ýmist um skipstjóra og stýrimannafé-
lagið Ölduna eða Báruna á Vestfjöðrum sem allt-
af semdi sér en ætlaði að fylgja FFSÍ að þessu
sinni. Félagið heitir Bylgjan eins og allir sem ekki
eru „sérfræðingar í sjávarútvegsmálum" vita.
Síldveiðarnar eru hafnar og útlit fyrir að í ár
veiðist meira af demantssíld en sl. 2 ár. Vanda-
málið er hinsvegar það að útlit er fyrir að mjög
erfitt verði að selja Sovétmönnum saltsíld á
þessu hausti. Sem kunnugt er skortir þá gjaldeyri
til vörukaupa. Tími vöruskiptaverslunar mun vera
liðin þar eystra og því erfiðara um vik að selja
þeim sjávarfang en nokkru sinni fyrr. Áður fyrr var
bara samið við einn aðila, eitt innflutningsfyrir-
tæki um síldarsöluna. Nú þarf að semja við mörg
fyrirtæki vítt og breytt um landið. Það er því alveg
óvíst hvað hægt verður að gera við stóran hluta
síldarkvótans annað en setja síldina í bræðslu.
SUN
SÍLDARÚTVEGSNEFND
Helstu verkefni:
• Markaðsleit, sala og útflutningur
á öllum tegundum saltsíldar.
• Skipulagning síldarsöltunarinnar
í þeim tilgangi að nýta sem best
hina ólíku markaði fyrir íslenska
saltsíld.
• Innkaup, sala og dreifing rekstrar-
vara fyrir saltsíldariðnaðinn og
rekstur birgðastöðva.
• Rannsóknir og þróunarstarfsemi.
Söltuð síld hefur í áratugi verið ein
af þýðingarmestu útflutningsvörum
landsmanna.
Garðastræti 37 • 101 Reykjavík • Pósthólf 610
Sími 27300 • Telex 2027 • Telefax 25490