Sjómannablaðið Víkingur - 01.02.2004, Side 12

Stofnfundur Félags skipstjórnarmanna
Mikil eining á fundinum
Fjölmenni var á stofnfundi Félags skipstjórnarmanna sem boðað var til á Grand Hotel í Reykja-
vík 24. janúar síðast liðinn. Félögin sem stóðu að fundinum, Skipstjóra- og stýrimannafélagið
Aldan, Skipstjóra- og stýrimannafélag Norðlendinga og Félag íslenska skipstjórnarmanna höfðu
að undangenginni almennri atkvæðagreiðslu meðal félagsmanna ákveðið að sameinast í eitt félag.
Skipstjóra- og stýrimannafélagið Sindri gekk ennfremur inn í hið nýja félag á stofndegi og síðan
bættist Skipstjóra- og stýrimannafélagið Bylgjan í hópinn þegar atkvæðagreiðslu lauk í félaginu
seint í mars.
Það var Guðlaugur Jónsson, formaður Öldunnar, sem setti stofnfundinn. Guðjón Petersen var
kosinn fundarstjóri og Jónas G. Ragnarsson ritari. Formenn félaganna þriggja sem gengu til sam-
einingarinnar fluttu aðfaraorð að sameiningunni og eru þau birt hér á öðrum stað. Fundarstjóri
bar upp formlega tillögu um sameiningu sem var samþykkt. Síðan var lesin upp tillaga að lögum
fyrir hið nýja félag. Þá voru kynntar tilnefningar félaganna um menn í stjórn hins sameinaða fé-
lags og voru þær samþykktar. Guðjón Ármann Einarsson framkvæmdastjóri Öldunnar bar upp til-
lögur nýju stjórnarinnar sem lutu að formi Félags skipstjórnarmanna. Þar á meðal að þeir sem
kjörnir hafa verið heiðursfélagar í félögunum þremur haldi heiðursnafnbótinni við stofnun hins
nýja félags sem og hugsanlegir heiðursfélagar þeirra félaga sem ganga til liðs við það sem stofnfé-
lagar. Auk þess lagði stjórn FS til að fundurinn kysi Ingvar R. Einarsson heiðursfélaga hins nýja
félags. Tillögurnar voru samþykktar.
Árni Bjarnason nýkjörinn formaður Félags skipstjórnarmanna ávarpaði fundarmenn og síðan
var vel heppnuðum stofnfundi slitið eftir að hafa staðið í tvær og hálfa klukkustund.
12 - Sjómannablaðið Víkingur