Sjómannablaðið Víkingur - 01.09.2005, Qupperneq 22
Hafnar- og hafnsögumenn
í Félag skipstjórnarmanna
Víkingur hitti tvo málhressa hafnsögu-
menn norður á Akureyri og tók þá tali,
einkum til að forvitnast um vaxandi
sókn hafnsögumanna í Félag skipstjórn-
armanna.
„Ástæðurnar eru einfaldar,” segja þeir
félagar, Jóhannes Antonsson og Vignir
Traustason. „Annars vegar teljum við að
skipstjórnarlærðir menn eigi allir að vera
í sama félagi, hvort heldur þeir stjórna
fraktskipi, fiskiskipi eða hafnsögubáti.
Hins vegar trúum við því að launin
muni batna enda er farið fram á ákveðna
fagmenntun til þessa starfs en sú krafa er
gerð til hafnsögumanna að þeir séu skip-
stjórnarlærðir, með að minnsta kosti 2.
stigs skipstjórnarréttindi. Og skiptir þá
ekki máli hvort höfnin er með skyldu-
lóðs eða ekki.”
„Hver skollinn er skyldulóðs?” grípur
Víkingur fram í og verður eins og fálki í
framan.
„Það þýðir einfaldlega að skipstjórar
verða að fá hafnsögn,” útskýra Jóhannes
og Vignir. „Hér á Akureyri er ekki
skyldulóðs. Skipstjórar ráða hvort þeir
kalla á okkur eða ekki. Engu að síður
erum við með um eitt hundrað hafnsög-
ur á ári. Um 70% allra skemmtiferðaskip-
anna, sem hér koma, kalla á okkur, ýmist
til að komast að bryggju eða frá, eða
hvort tveggja. Öll olíuskipin leita til okk-
ar en þau koma nálægt tíu sinnum á ári.
Og svona mætti áfram telja.
Auk þessa erum við með dráttarbáta-
þjónustu. Við aðstoðum skip að og frá
bryggju. Einnig þjónustum við Slippinn í
sambandi við flotkvína og dráttarbraut-
ina.
Við höfum þvl i nógu að snúast og
skiljanlegt að hafnaryfirvöld geri kröfu
um að við séum með skipstjórnarrétt-
indi. Sem er reyndar sama krafa og marg-
ar aðrar hafnir gera.
Það eru því skipstjórar sem standa
hafnsöguvaktir hér á íslandi og við finn-
um greinilega fyrir því, sérstaklega meðal
yngri hafnsögumanna, að þeim finnst
rétt að vera í sínu fagfélagi en ekki í
starfsmannafélagi viðkomandi bæjarfé-
lags.”
Jóhannes Antonsson (til vinstri) og Vignir Traustason við hafnsöguhátinn Sleipni. í baksýn er Frosti ÞH.
22 - Sjómannablaðið Víkingur