Sjómannablaðið Víkingur - 01.09.2005, Qupperneq 58

Erfiðleikar í pólskum skipasmíðaiðnaði
Það er ekki nóg að hafa mikið að gera í skipasmíði því fjár-
hagurinn gæti engu að síður verið í rúst. Þannig er komið fyrir
skipasmiðum í Póllandi þrátt fyrir góða verkefnastöðu. Pólska
ríkisstjórnin hefur verið að leita að erlendum fjárfestum að
skipasmíðastöðvum sem eru í fjárhagsvandræðum og tíminn er
naumur. Þingkosningar fara fram í september og forsetakosn-
ingar mánuði síðar. í síðustu viku misstu þeir af fjármögnun
fyrir Gdynia skipasmíðastöðina og vélaframleiðandann H Ceg-
ielski Poznan þegar MSC skipafélagið og Ray Shipping drógu
sig til baka úr viðræðum um að koma með aukið fjármagn inn i
rekstur þessa fyrirtækja. Ray shipping er í eigu ísraela Rami
Ungar að nafni en hann ku eiga 16% í Gdynia skipasmíðastöð-
inni. Ástæðuna fyrir því að þessir aðilar drógu sig út mátti
rekja til þess að viðskipa- og iðnaðarráðherra Póllands vildi að
samningur um fjármögnun næði til fleiri skipasmíðastöðva inn-
an Polish Shipyards Corp en hinir fyrrnefndu höfðu engan
áhuga á. Á hálfu ári tapaði Gdynia Shipyard 19,9 milljónum
dollara.
Léleg laun
Við höfum nokkuð orðið vör um umræðuna um láglaunafólk
sem vinnur á allt öðrum kjörum en íslensku verkalýðsfélögin
hafa samið um og þetta hefur verið gert í skjóli erlendra vinnu-
miðlunarfyrirtækja. Nýlega kom upp mál hjá Irish Ferries þar
sem filippínskur snyrtifræðingur neitaði að yfirgefa skip sem
hún starfaði á vegna þess að hún hafði einungis fengið greitt 1
evru á tímann fyrir störf sín. Stéttarfélag sjómanna á írlandi,
Siptu, tóku að sér mál konunnar sem hafði fengið þessi lúsa-
laun fyrir 12 tíma vinnudag, sjö daga vikunnar og aðeins þrjá
frídaga á mánuði. Útgerðarfyrirtækið lýsti því yfir að konan
væri ekki starfsmaður þeirra heldur tilheyrði erlendri vinnu-
miðlun. Þrátt fyrir það endaði málið á þann veg að konan fékk
laun sín leiðrétt með 425 þúsund evra greiðslu auk 25 þúsund
evru eingreiðslu og sex inánaða orlofi. Deilur hafa verið í
gangi milli Irish Ferries og Siptu varðandi ráðningar útgerðar-
innar á láglaunasjómönnum frá Austur Evrópu og Filippseyj-
um.
Kjaftakerfi strandgæslunnar
Kerfi það sem bandaríska strandgæslan tók upp varðandi
ábendingar um vísvitandi mengun hefur gefið mörgurn sjó-
manninum góðar fjárfúlgur. Það sem hér er á ferðinni er að
þeir skipverjar sem kjafta frá þegar olíu eða rusli er hent í sjó-
inn frá skipi eru verðlaunaðir með því að fjórðungur sektarupp-
hæðarinnar rennur til þeirra sem tilkynna um atburðinn. Fyrr
á þessu ári upplýstu fjórir filippínskir skipverjar á gríska stór-
flutningaskipinu Katerina strandgæsluna á Long Beach að þeim
hefði verið fyrirskipað að varpa olíuúrgangi fyrir borð í banda-
rískri landhelgi. Áhöfn skipsins var þegar handtekin og voru
þeir í haldi í marga mánuði. Þegar þeir mættu fyrir dómara
voru þeir í handjárnum jafnvel þótt hluti þeirra væru einungis
vitni í málinu. Varð það tilefni að formlegri kvörtun frá ríkis-
stjórn Filippseyja vegna meðferðarinnar á sjómönnunum sem
farið var með sem ótínda glæpamenn.
Dómsniðurstaðan varð sú að þrír skipverjar hlutu fangelsis-
dóma, skipstjóri og yfirvélstjóri fengu 8 mánuði og annar vél-
stjóri 14 mánuði. Þá var útgerð skipsins sektuð um eina millj-
ón dollara og því kom í hlut skipverjanna fjögurra 250 þúsund
dollarar sem þeir skipta á milli sín. Kom því í hlut hvers þeirra
3,8 milljónir ÍKR sem eru á við fjögurra ára laun þessa manna.
Ebay
Eflaust hafa allir þeir sem hafa aðgang að internetinu ein-
hvern tíma komist í tæri við ebay. Þar fæst allt milli hirnins og
jarðar ef svo má að orði komast en ekki áttu menn þó von á því
að þar yrði boðið til sölu skip. í júlí mátti finna hvorki rneira
né minna en 2152 BT ísbrjót til sölu. Skipið var smíðað árið
1959 og eigandi þess Dan Burry datt þetta snjallræði í hug.
Upphafsboð í skipið var 1 milljón dollara. Tilboðum í skipið
átti að ljúka kl. 14:32 þann 4 ágúst sl. Ekki liggur fyrir hvort
tekist hafi að selja skipið.
Þú færð allt til
rafsuðu hjá okkur
Tæki, vír og fylgihluti
ESAB
rafsuðubúnaður fyrir þig
Skútuvogi 6 104 Reykjavík
Danfoss hf
Sími 5104100
www.danfoss.is
KEMHYDRO - salan
Snorrabraut 87 • 105 Reykjavík
Sími: 551 2521 • Fax: 551 2075
Tæringarvarnarefni
fyrir gufukatla