Náttúrufræðingurinn - 1934, Side 50

42
NÁTTÚRUFR.
Fimm nýjar skordýrategundir fyrir ísland.
Á síðustu tíu árum hefir snarpari atrenna verið gerð til
aukinnar þekkingar á skordýralífi íslands en nokkru sinni fyrr.
Sumarið 1856 dvaldi hér ásamt nokkrum samverkamönnum
sínum Dr. O. Staudinger, þýzkur skordýrafræðingur. Telur hann
í merkri ritgerð1), er hann samdi að rannsóknunum loknum
312 teg. skordýra á landinu.
Af þeim íslendingum, sem fengizt hafa við rannsóknir á ís-
lenzkum skordýrum, og söfn eru til frá, sem unnið hefir verið
úr, má fremsta telja próf. Guðmund lækni Magnússon og Dr.
Bjarna Sæmundsson.
Sænskur skordýrafræðingur, Carl H. Lindroth, ferðaðist
hér um land sumurin 1926 og 1929 og safnaði mjög miklu í
bæði skipttin. Árið 1931 kom út ágæt bók2) eftir hann um rann-
sóknirnar og lýsing á skordýralífi landsins. Getur hann þar alls
hins helzta, sem áður hefir verið ritað um íslenzk skordýr, og
telur þær tegundir, sem fyrr eru fundnar.
Fyrir bók þessa hlaut hann doktorsnafnbót, en hún er það
bezta rit, sem nokkru sinni hefir verið samið um skordýralíf Is-
lands, og ómissandi hverjum þeim, sem í framtíðinni fæst við
rannsóknir á þessari vísindagrein hér á landi. í bókinni eru tald-
ar 700 skordýrategundir, sem fyrr og síðar hafa fundizt á ís-
landi. —
Síðan bók C. H. Lindroths kom út hefir allmilcið verið unn-
ið að rannsóknum á skordýraríki íslands, bæði af hálfu Dana
og íslendinga. All-mikil söfn eru nú í Reykjavík og Kaupmanna-
höfn, sem enn er óunnið úr. Vafalaust gefa þau mikla aukna
þekkingu á skordýrum landsins, þegar tími vinnst til að rann-
saka þau til hlýtar.
Við byrjunarrannsókn á þeim skordýrasöfnum, sem fyrir
liggja í Reykjavík, hafa þegar komið í ljós margar nýjar teg-
undir fyrir héruð og heila landsfjórðunga, en auk þess fimm
tegundir, sem aldrei hafa áður fundizt hér á landi. Þær tilheyra
1) Dr. 0. Staudinger: Reise nach Island zu entomologischen Zweken
unternommen. (Entomologische Zeitung 18. Jahrgang, 1857, bls. 209—289 —
Stettin). —
2) Carl H. Lindroth: Die Insektenfauna Islands und ihre Probleme.
Inaugural Dissertation; Uppsala 1931.