Náttúrufræðingurinn - 1955, Síða 24

18
NÁTTÚRUFRÆÐINGURINN
með henni á vorín. í fyrstu eru aðeins fáir fuglar (um 10), en í lok
apríl eru þeir um 50. Þeim fjölgar enn í byrjun maí, og um miðjan
þann mánuð skipta þeir hundruðum, en síðan fækkar þeim aftur.
Eins og aðrir varpfuglar hér, sem verpa í graslendi, er lóuþrællinn
strjáll varpfugl. Hann verpur á mjög svipuðum stöðum og stelkur
og hrossagaukur, en aðeins í Suðurnesi, og munu líklega verpa þar
3—5 pör. Af 3 hreiðrum voru tvö með 4 og eitt með 3 eggjum. Aðal-
varptiminn virðist vera um mánaðamótin maí —júní, en stundum
þó fyrr. T. d. fundust 2. júni 1953 nýklaktir ungar í Dal í Suðurnesi,
og þeim eggjum mun því hafa verið orpið um 10. maí. Ungamir
verða fleygir fyrri hluta júlímánaðar. Um miðjan þann mánuð kem-
ur mikið af lóuþræl í viðbót (skiptir hundruðum), og í ágúst geta
þeir skipt þúsundum. Eru það líklega umferðafarfuglar. Ungar
klaktir hér rnunu að öllum líkindum fara í ágúst og jafnvel í júlí,
því að ungi nýskriðinn úr eggi, merktur i Suðurnesi 24. júní 1953,
var drepinn 23.8.1953 við Pointe de l’Aiguillon-sur-Mer, départ. de
la Vendée, Frakklandi. Lóuþrælar eru þó algengir allan ágúst, en
fa^kkar mjög í lok þess mánaðar, og um mánaðamótin sept.—okt. eru
aðeins eftir um 20—30, og síðast hafa þeir sézt 11. okt. 1953, 5 saman.
37. Óðinshani (Phalaropus lobatus). Óðinshaninn fer fyrst að
sjást seinni hluta maí (fyrsti fugl hefur sézt lð.maí). Hann sést allt
sumarið, fram yfir 20. ágúst. Ef til vill verpa þeir einhvers staðar á
nesinu. Flestir hafa þeir sézt 70 saman (í Dal 14. júlí 1954).
38. Kjói (Stercorarius parasiticus). Sést fyrst seinni hluta apríl.
Sjást fáeinir fuglar allt sumarið fram í september (seinast 7. sept.
1953). Auk þess sást ljós kjói við Seltjörn 16. okt. 1954.
39. Stormmáfur (Larus canus). Allalgengur vetrargestur, sem
sést reglulega frá sept.—apríl, en einnig í ágúst og í maí. Oftast fáir
saman, sjást þó stundum 30—40 fuglar í einu. Eru þetta að lang-
mestu leyti fullorðnir fuglar.
40. Silfurmáfur (Larus argentatus). Slæðingur sést á vetuma,
frá októberbyrjun fram í marz, en er þó algengastur um háveturinn
(des.—febr.). Hinn 29. apríl 1953 sást auk þess 1 silfurmáfur.
41. Litli svartbakur (Larus fuscus). Slæðingur sést frá marz
fram í október (fyrst 8. marz 1953, seinast 10. okt. 1953). Koma þó
aðallega um mánaðamótin marz—april. Algengastur er hann í apríl,
en mun sjaldgæfari á sumrin.
42. Svartbakur (Larus marinus). Algengur allan ársins hring,
en þó er mun meira af honum á veturna.