Fréttablaðið - 18.07.2009, Page 8

8 18. júlí 2009 LAUGARDAGUR
1. Hversu margir þingmenn
samþykktu að ganga til aðildar-
viðræðna við ESB?
2. Hvernig fór leikur íslenska
kvennalandsliðsins í knatt-
spyrnu við það enska á fimmtu-
dag?
3. Hver er talinn líklegur til að
leikstýra áramótaskaupinu í ár?
SJÁ SVÖR Á SÍÐU 30
T INDUR GA L L ERY A IR 30+5 HOGAN ULTR A L IGHT
Frábær svefnpoki með 90/10 gæsadúnfyllingu.
Þyngd 1350 g. Þægindamörk – 10°C.
Góður dagpoki með festingum fyrir göngustafi , gati fyrir
vatnsslöngu, stillanlegu baki og góðri loftun um bak.
Létt (1,8 kg) tveggja manna göngutjald sem auðvelt er
að tjalda um leið og það er stöðugt.
Fæst í Faxafeni.
dúnsvefnpoki Vaude bakpoki Vaude göngutjald
Verð: 21.500 kr.Verð: 28.800 kr. Verð: 34.900 kr.
SLYS Þyrla Landhelgisgæslunnar,
TF LÍF, sótti mann upp í Esju-
hlíðar í gærdag. Maðurinn hafði
ökklabrotnað.
Björgunarsveitarmenn og
sjúkraflutningamenn komu til
mannsins í gærmorgun. Aðstæð-
ur á slysstað voru erfiðar og
brattinn mikill og ekki hægt að
flytja manninn niður á börum.
Því var ákveðið að flytja hann
með þyrlu á spítala. Líðan manns-
ins er eftir atvikum góð. - þeb
Þyrla send til að sækja mann:
Ökklabrotnaði í
Esjuhlíðum
LANDBÚNAÐUR „Þetta er eldgömul hefð,“ segir
Sigurmundur Einarsson, fjárbóndi með meiru
í Vestmannaeyjum, sem ásamt öðrum fjár-
eigendum smalaði í fyrrakvöld útigöngufé í
Heimakletti.
Að sögn Sigurmundar hefur fé gengið úti
allt árið í Heimakletti í nokkur hundruð ár
og sömu ættirnar hafa sinnt því kynslóð eftir
kynslóð. „Féð er alltaf rúið í júlí. Þá hefur
gamla ullin skilið sig frá nýju ullinni og er
orðin laus. Áður en við sleppum rollunum
aftur gefum við þeim ormalyf og sprautum
lömbin,“ segir Sigurmundur. Ekki eru notaðar
rafmagnsklippur við rúninguna heldur aðeins
gamaldags áhöld.
Sigurmundur segir smölunina hafa gengið
vel enda séu í hópnum menn sem þekki vel til í
Heimakletti sem er 280 metra hár og alls ekki
fyrir óvana að þvælast í.
„Þetta er yfirleitt fallegra fé heldur en
það sem er á húsum,“ segir Sigurmundur um
Heimaklettskindurnar. Hann kveður enga
ástæðu til óttast að féð fari úr klettinum enda
séu þar aðeins björg niður úr. Stundum hrapa
þó kindur í Heimakletti.
„Jú, það fer alltaf eitthvað en eins og við
segjum þá er það bara heimska féð sem dett-
ur niður þannig að við erum með mjög viturt
fé í Vestmannaeyjum,“ segir Sigurmundur
Einarsson.
gar@frettabladid.is
Bændur smala Heimaklett
Fjárbændur í Vestmannaeyjum smöluðu í fyrrakvöld Heimaklett til að rýja kindur sínar og gefa þeim lyf.
Kindur hafa gengið úti í Heimakletti um aldir. Bara þær heimsku sem hrapa segir Sigurmundur Einarsson.
SIGURMUNDUR EINARSSON Gamla ullin skilin frá þeirri
nýju.
HEIMAKLETTSBÆNDUR Már Jónsson, Sigurmundur
Einarsson og Ágúst Halldórsson huga að fé sínu.
HEIMAKLETTSFÉ Um þrjátíu kindur eru allt árið í
Heimakletti. Útiganga fjár þar á sér aldagamla sögu.
LANGT NIÐUR Heimaklettur er hár og brattur og ekki fyrir óvana. MYNDIR/ÓSKAR P. FRIÐRÍKSSON
INDÓNESÍA, AP Átta manns létu
lífið og meira en fimmtíu særð-
ust í tveimur sjálfsvígsárásum á
bandarísk glæsihótel í Jakarta,
höfuðborg Indónesíu. Sprengjurn-
ar sprungu nærri samtímis í and-
dyri hótelanna Marriott og Ritz-
Carlton.
Þar með lauk fjögurra ára hléi
á árásum hryðjuverkamanna
á Vesturlandabúa í Indónesíu.
Meðal hinna særðu og látnu voru
að minnsta kosti 18 Vesturlanda-
búar, þar af að minnsta kosti átta
Bandaríkjamenn.
Grunur féll strax á samtökin
Jemaah Islamiyah, sem hafa áður
gert hryðjuverkaárásir í Indón-
esíu, þar á meðal árás á Marr-
iott-hótelið í Jakarta árið 2003.
Sú árás varð tólf manns að bana.
Þessi samtök eru talin hafa tengsl
við Al Kaída.
Bæði Barack Obama Banda-
ríkjaforseti og Hillary Clinton,
utanríkisráðherra í stjórn hans,
hafa fordæmt árásirnar. Clinton
sagði þær vera áminningu um að
enn stafi raunveruleg hætta af
hryðjuverkum.
Árásarmennirnir höfðu dvalist í
herbergi á átjándu hæð Marriott-
hótelsins, þar sem þeir virðast
hafa útbúið sprengjubúnaðinn áður
en þeir héldu niður til að sprengja.
- gb
Sjálfsvígsárásir á tvö bandarísk glæsihótel á Indónesíu:
Íslömsk öfgasamtök grunuð
STJÓRNMÁL Andrés Pétursson, for-
maður Evrópusamtakanna, segir
rödd skynseminnar hafa sigrað á
Alþingi í fyrra-
dag. „Þetta er
mikilvægur
áfangi sem er
þegar búinn að
senda mikil-
væg skilaboð
út á markaðinn
sem ég held að
muni hafa áhrif
á greiðslukjör
ríkisins og
almennt viðskiptaumhverfi.“
Andrés er bjartsýnn á viðræð-
urnar. „Evrópusambandið er harð-
ur viðsemjandi en við eigum gott
fólk til að semja við það og ég hef
fulla trú á að við náum ásættan-
legum samningi sem þjóðin mun
bera gæfu til að samþykkja.“ - sh
Umsókn um aðild að ESB:
Rödd skynsem-
innar sigraði
ANDRÉS
PÉTURSSON
EFNAHAGSMÁL Í spá IFS greining-
ar segir að Seðlabanki Íslands
muni ekki ná verðbólgumark-
miði sínu fyrr en á öðrum árs-
fjórðungi næsta árs. IFS grein-
ing gerir ráð fyrir að vísitalan
muni hækka um 0,2 prósent í
júlímánuði sem leiði til þess að
12 mánaða verðbólga sé nú 11,4
prósent.
Í frétt IFS greiningar um
málið segir að útsölur í júlímán-
uði og lækkun húsnæðisverðs
haldi aftur af hækkunum verð-
lags. Í spánni segir að undirliggj-
andi verðbólga sé 0,8 prósent nú
en sambærileg hækkun var eitt
prósent í síðasta mánuði. - bþa
Stýrivaxtamarkmið næst að ári:
Útsölur draga
úr verðbólgu
REYKJARMÖKKUR ÚR HÓTELINU Fjögur
ár eru síðan herskáir múslimar gerðu
síðast sprengjuárás á Vesturlandabúa í
Indónesíu. FRÉTTABLAÐIÐ/AP
Opinn dagur í Vatnsfirði
Almenningi gefst kostur á því í dag
að skoða minjastaðinn í Vatnsfirði og
njóta leiðsagnar fornleifafræðinga. Í
Vatnsfirði eru miklar fornminjar og
hefur farið þar fram uppgröftur frá
árinu 2003.
VESTFIRÐIR
VEISTU SVARIÐ?