Samvinnan - 01.06.1949, Blaðsíða 2

"ArnarfeH" - hið nýja, glæsilega flulningaskip SlS
„Arnarfell“ rennur af stokkunum i Sölvesborg hinn 12. jnai siðastl.
Frá skirnarathöfninni i Sölvesborg hinn 12. mai sl. Á myndmni sjást frú Rannveig Þór,
er skirði skipið, Vilhjálmur Þór, forstjóri, fulltruar skipasmiðastöðvarinnar og ýmsir aðrir
gestir, er voru við athöfnina.
AAÐALFUNDI Sambands ísl. samvinnu-
- félaga 1948 flutti Vilhjálmur Þór, for-
stjóri, ýtarlega skýrslu um útgerð S. í. S. og
benti þar á nauðsyn þess, að samvinnusam-
tökin hefðu yfir auknum skipakosti að ráða
í framtíðinni. Útgerð Hvassafells hafði þá
gefið mjög góða raun. Skipið hafði reynzt
ve) og hentugt til flutninga, þörf Sambands-
ins og kaupfélaganna fyrir góðar og öruggar
siglingar var vaxandi. Hann fullvissaði full-
trúana um, að Sambandið mundi reyna að
auka skipakostinn undir eins og tækifæri
gæfist. Þannig mundi öryggi Sambandsins
sjálfs og kaupfélaganna tryggt betur en áður.
SAMVINNUMENN landsins munu fagna
því, að góðar og skjótar efndir hafa orð-
ið á þessum fyrirheitum. Stjórn Sambandsius
hefur tilkynnt, að verið sé að smíða glæsilegt
vöruflutningaskip í Svíþjóð fyrir reikning
S í. S. Skipið er dieselskip, 2250 smálestir
d. w. að stærð. Rúmmál þess er 160 þús. rúm-
fet. Lengd milli stafna 289 fet og mesta
breidd 40 fet. Vél skipsins er 2000 hestafla
Polar-dieselvél, sem knýr skipið fullhlaðið
um 13 mílur. Skipið ristir fullhlaðið rúmlega
16 fet. Það er smíðað hjá Sölvesborg Varvs-
och Rederi Aktiebolag í Sölvesborg í Svíþjóð,
samkvæmt ströngustu kröfum um gerð og
hæfni slíkra skipa, og er að áliti kunnáttu-
manna mjög vandað og glæsilegt skip.
ÞESSU nýja skipi var hleypt af stokkunum
hinn 12. maí síðastl. í hinu fegursta veðri.
Vilhjálmur Þór, forstjóri var viðstaddur þá
athöfn fyrir hönd Sambandsins, en frú Rann-
veig, kona hans, skírði skipið og gaf því
nafnið „Arnarfell". Hið nýja skip er væntan-
legt til landsins í byrjun nóvembermánaðar
í haust.
SAMVINNUMENN landsins munu fagna
þessum tíðindum. Hin tvö glæsilegu skip
Sambandsins eru mikill styrkur fyrir sam-
vinnustarfsemina í landinu. Með auknum
þrótti útgerðar S. í. S. mun þó betur sjást,
hverja þýðingu það hefur fyrir samvinnu-
ntenn, að geta flutt varning sinn á eigin
skipum. Samvinnumenn landsins munu óska
hinu nýja „Arnarfelli" gæfu og gengis á
leiðum þess við strönd og yfir höf.
SlMVINNtN
Útgefandi:
Samband íslenzkra
samvinnufélaga
Ritstjóri:
Haukur Snorrason
Afgreiðsla:
Hafnarstræti 87,
Akureyri. Sími 166
Prentverk
Odds Björnssonar
Kemur út einu
sinni í mánuði
\rgangurinn kostar
kr. 15.00
43. árg. 6. hefti
Jr r
uni
1949
2